عشر طرق عشان تعكنن على مراتك ....!!!!

[احمد الصباغ]

خاص وهام لكل الرجااااااااااااااااالة
عشر طرق عشان تعكنن على مراتك 1
- اصحى يوم الجمعة بهمة ونشاط وجهز الافطار لزوجتك بس ...متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة طبعا يُراعى ترك آثار سمنة على الارض مع ترك... التلاجة مفتوحة وقشر البيض فى الحوض *******
2- اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب ملاحظة : اغلب النساء ذوو ثقافة كروية ضعيفة *******
3- الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى *******
4- فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة *******
5- لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها *******
6- ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حاطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده *******
7- لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك *******
8- لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية *******

9- لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟ *******
10- وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقول لها حبيبتى معلهش ممكن كوباية ميّة علشان ضهري بيوجعنى

[جمال الكون]

يا ساتر كل ده غل من الستات والله حرام ده الستات دول ملائكه حرام تعملوا كده فيهم
طيب اقولك ازاى هى تعكنن على زوجها بس هاسئل ماما الاول ازاى تعكنن على بابا واقولك

[جمال الكون]

- اذا نام قبلك وعاوزة تقلقيه أصرخى وقولى فاررررر ونظرا لانه شجاع مش ها ينام تانى .

_ اذا كان بيتفرج على ماتش الاهلى والزمالك على طول أقلبى على المسلسل عشان دى اخر حلقة .

أذا اصر على الماتش اتفرجى معاه وكل ما الاهلى يجيب جون قولى ده تسلل وان الحكم ده مفترى والزمالك المفروض يكسب .

_ اذا كان مستعجل ونازل موعد مهم ، ادخلى الحمام واتاخرى فيه .

ادخلي قبله الحمام وافتحي الحنفيه على الساخن وخليها شوي ...
واذا دخل بعدك تحرق ايده.........

-اذا شفتيه غرق في النوم...هزي المخدة بقوه ونامي على طول......
...راح يقوم زي المجنون مش عارف اللى حصل ............

- في البرد وهوفي رايح فى النوم....شيلي عنه البطانيه ونامي....

- اذا جاء ابنك باليل يبكي وانتم نايمين ......قولي رح لابوك.....

-- اذا جاب لك هديه غاليه وكان فرحان بيها .......قولي له ببرود

شكرا بس موضتها قديمه................

لما يرجع من عمله اعملي ليه مفاجاة وتكون ( أكله مش بيحبها )

-واذا كنتوا بتتفرجوا على التلفزيون وطلع رجال غنى ......قولي

بصوت واطي شوي .. جاتنا نيله فى حظنا الهباب .

-واذا كان بيسافر بدونك......جهزي شنطه مفيهاش شربات ولا فانلات .

- متصحيش جوزك بدرى خليه يتاخر شويه عشان يجرى ويبطل طلبات على الصبح .

*5* *5* *5*

بعد هذه النصائح الغالية
انتي بكرامتك شيلي عفشك وروحي لبيت اهلك

[ورد الحب]

احلى تنكيد....على بيت اهلي على طول من غير كلام....تسلمي

[اسيرة الاحزان]

جامدة جدا
تسلم الايدى

[جمال الكون]

تسلمى يامنون انتى والاخت ورد الحب

[جمال الكون]

الاخت ورد الحب اسمها ايه ياريت نتعرف بحضرتها

[مونه]

طيب وليه تعكننوا علينا ونعكنن عليكم
ما الطيب أحسن
بس بجد التوبيك حلو
ولو إضريت فى المستقبل
يبقى إنتم عارفين ليه

[~ man neO ~]

علم وينفز يا استاذ احمد
تسلم يارب ..

يتم النقل للقسم المناسب

[ineedu85]

هههههههههه
تمام يا أستاااااااااااااااااااذ أحمد
جاري تخزين المعلومات القيمة لحين الحصول على عروسة