شعر حسني مبارك للشعب

[بنوتة مصر 2]

ياشعبي حبيبي ياروحي يابيبي

ياحاطك في جيبي يابن الحلال

ياشعبي ياشاطر ياجابر خواطر

ياساكن مقابر وصابر وعال

ياواكل سمومك يابايع هدومك

ياحامل همومك وشايل جبال

ياشعبي اللي نايم وسارح وهايم

وفي الفقر عايم وحاله ده حال

احبك محشش مفرفش مطنش

ودايخ مدروخ واخر انسطال

احبك مكبر دماغك مخدر

ممشي امورك كده باتكال

واحب اللي ينصب واحب اللي يكدب

واحب اللي ينهب ويسرق تلال

واحب اللي شايف وعارف وخايف

وبالع لسانه وكاتم ماقال

واحب اللي قافل عيونه المغفل

واحب البهايم واحب البغال

واحب اللي راضي واحب اللي فاضي

واحب اللي عايز يربي العيال

واحب اللي يائس واحب اللي بائس

واحب اللي محبط وشايف محال

واحبك تسافر وتبعد تهاجر

وتبعت فلوسك دولار او ريال

واحبك تطبل تهلل تهبل

عشان مطش كوره وفيلم ومقال

واحبك تأيد تعضض تمجد

توافق تنافق وتلحس نعال

تحضر نشادر تجمع كوادر

تلمع تقمع تظبط مجال

لكن لو تفكر تخطط تقرر

تشغلي مخك وتفتح جدال

وتبدأ تشاكل وتعمل مشاكل

وتنكش مسائل وتسأل سؤال

وعايز تنور وعايز تطور

وتعمللي روحك مفرد رجال

ساعتها حجيبك لايمكن اسيبك

وراح تبقى عبره وتصبح مثال

حبهدل جنابك واذل اللي جابك

وحيكون عذابك ده فوق الاحتمال

وامرمط سعادتك واهزأ سيادتك

واخلي كرامتك في حالة هزال

وتلبس قضيه وتصبح رزيه

وباقي حياتك تعيش في انعزال

حتقبل ححبك حترفض حلبك

حتطلع حتنزل حجيبلك جمااااال

[بنوتة مصر 2]

شعر عن شعب مصر الاصيل

[بنوتة مصر 2]

هنيئا شعب مصر ..



ــــــــــــــــــــــــ
هنيئا مصرُ ما وهب الزمانُ.. ُشباب ُلا يكـلُ ولا ينـامُ

توافد جمعُهم في ثوب حق ..ٍوقالوا الآن قد سقط النظامُ

وأن الحقَ يعلو ليس يُعلي..وأن الظلمَ ليـس لـه دوامُ

وأنـتِ كنانـةُ الله وإنـا..سهـامٌ لا تدانيهـا سهـامُ

أقمنا شمشَ عزتنا بليلٍ..فولي الليلُ ليس له مقامُ

سطورا للتاريخ وقد كتبنا..فقال عليك يا مصرُ سلامُ

فأنت مصرُ للأحرار أمٌ.. وهذا شعب ُ مصرَ لا يضامُ

[محمد أبراهيم]

بنوته مصر..}
جئت
هنا استجدي
جمال الكلام
ووجدت رائعة
من الروائع
اتمنى لقلبك الطمأنينه
مني إليكِ باقة
ورد وإحترام

[محمد أبراهيم]

اختى الفاضله
ها انتى على موعد معنا
و
دعوه على العشاء
اتمنى قبولك دعوتى

https://forum.masrawycafe.net/showth...078#post848078

[Doaa Hegazy]

رائعة جدا وهو دة حال الشعب المصرى من 30 سنة