قصيده للدكتوره مروه جمال الدين لشهداء 25 يناير

[محسن البدراوى]

قصيدة للدكتورة مروة جمال الدين لشهداء 25 يناير


جمهورية مصر العربية

أقسم أنى يا بلدى شهيدك
أقسم أن سلاحى الصَوْت
أقسم أنى وجدت قضيه
أدافع عنها حتى المَوْت
--------------------------------------------
بسم الثورة بسم الشعب
بسم الزمن الجاى و الصعب
بسم صعوبته الغاليه علينا
بسم القوة جوه القلب

بسم الشهدا بسم بلادى
بسم النور الجاى و الضى
بسم الزهر الصافى النادى
بسم الحلم الصاحى الحىّ

بسم الدم و بسم الخوف
بسم تحدّى لأى ظروف
بسم الأرض الواقفه معانا
بسم الناس الواقفه عليها
بسم الأمل الطارح فينا
بسم عيونها الصاحيه عليها


بسم اليوم البادىء حر
بسم النور و السما و الطير
بسم الصمت و بسم الصبر
بسم الجاى الراسم خير

بسم الصورة و بسم ميدان
بسم ليالى الشتا و البرد
بسم رصاصة ف المليان
بسم الواقف فوق الحد

بسم ثلات ألوان و النسر
بسم الأحمر ثمن الثورة
بسم الأبيض شايل صقر
بسم الأسود هدف الثورة
بسم العلم المصري الحر


بسم حقوق و تمنها الموت
بسم هتافنا و باسم الصوت
بسم الروح الناطقة الصادقة
بسم شهيد و شباب بتموت



بسم الرافض لون البٌهت
بسم المصري بسم الٌطهر
بسم حياتنا برّه الصمت
بسم الخطوة فوق القهر
بسم عيوني بسم بلادي
بسم شبابنا في الميدان
بسم العالم كله معانا
بسم الصامد حتى الآن

أقسمٌ أنى مصري مصري
شاب و شايل حلم الجيل
أقسم أنى مسالم جدا
أقسم أنى بحب النيل

أقسم إني شفت الموت ...
عرفت ازاى تأثير الصوت
أقسم أنى ثائر ثائر
ثورة مطالب صبر صمود

ثورة
مطالب
صبر
صمود
ثورة
مطالب
و ماتت شهدا
و لسه يا بلدي
في ناس هاتموت
فى ناس هاتموت

وده رابط القصيده على اليوتيوب للمشاهده والاستماع


http://www.youtube.com/watch?v=zlNbW...yer_detailpage

[ELBRNSISA ESRAA]

بجد حلو جدا ميرسى

[محسن البدراوى]

ميرسى ليكى على مرورك واحساسك الجميل
لكى منى كل التوفيق
دومتى ودامت مشاركاتك

[حرف مشتعل]

يانع هذا القطف جدا
لا عدمنا نورا انت نجمه
ود ى ووردى

[نسيم الذكريات]

هنيئآ لمصر هذا القلم
سلمت الأيآآآآدي