قهوتنا على الانترنت
ابحث عن :  
النتائج 1 إلى 6 من 6

الموضوع: عليك بالبلكونة

  1. #1
    تاريخ التسجيل
    29 - 12 - 2007
    ساكن في
    Alexandria, Egypt, Egypt
    العمر
    32
    المشاركات
    1,385
    النوع : ذكر Egypt

    كووول عليك بالبلكونة



    الصحافة والى بتعملة فينا الصحافة
    الواحد مش عارف يقول ايه والله....!!!
    عالم بتوسعها اوى وتحس من كلامهم اننا عايشين فى دنيا غير الدنيا
    يعنى تحسسك ان الدنيا لسا بخير واللحمة رخيصة اوى يا جدع والعيش مش لاقى الى يشتريه ومع انك لسا شاب عندك 25 سنة الا انك متجوز وعندك عيال وفيلة فى الزمالك وشاليه فى الساحل الشمالى ومش عارف تودى الفلوس فين..
    والمشكلة انهم عارفين اننا مش هنصدق
    علشان حضرتك اول ما بتنزل الشارع والدنيا تديك على قفاك والا تغيب تشتغل طول الشهر ذى الحمار وفى الاخر تاخد 120 جنية الى مش بيكفوك موصلات حتى لشغلك بتعرف ان الكلام دا كلة نتش وهجايس وان الناس دى عايزة تلبسنا العمة.
    ............................

    والناس التانية بقى تحسسك ان الدنيا دى اعوذ بالله جهنم
    تكرهك فى البلد وفى الدنيا وفى عيشتك وفى نفسك كمان لدرجة انك بتلعن اليوم الى اشتريت فيه الجرنال دا
    وانصحك بلاش تقرى الجرنال دا لأخرة علشان ممكن تولع فى نفسك فى الاخر .
    ....................................
    وياسلام بقى على الجرايد بتاعة الحوادث دى أما عليها شويه صور يا جدع
    وشويه منشتات كبيرة بعرض الصفحة وطبعا كلها مغريه خصوصا لو جة اسم الخبر جنب صورة كدا من الى بالك فيها
    ولو نشرلك خبر اغتصاب مثلا والا القبض على بيت دعارة بيبقى هاين عليه ينزلك فيلم هدية مع الموضوع
    المهم انك تشترى وتتكيف حتى مش مهم تقرى الجرنال
    اتفرج انت بس على شويه الصور الى على الغلاف
    وابقى قابلنى لو لقيت خبر تصدقة
    لدرجة انه ممكن يقولك ان امك ماتت من اسبوعين مع انها فى المطبخ بتعملك العشا.
    ......................
    الى يضحكك بقى يا سيدى ان فيه بعض الصحف تحس من كلامهم انهم ناس عبط
    او عالم مبتفكرش خالص
    مثلا
    جريدة معينة وبلاش ذكر اسماء علشان ربنا يسترها معانا
    كتبت وقالت ان التلفزيون المصرى عليه العوض فية
    وانة بيعرض مسلسل امريكى اسمة فريندز
    الى معظمنا سمعه
    والمفروض ان المسلسل دا ميتعرضش على الشاشة المصريه
    طب ليه يا جدعان....؟؟؟
    قالك انة فية عرى كتير واصوات مثيرة وسفالة وقلة ادب وشذوذ كمان
    وان فى حلقة معينة الرقابة حذفت منها 16 مشهد علشان مينفعش يتعرضوا
    طب والله كلام جميل والجرنال عداة العيب
    بس الى يضحك بقى
    ان الجرنال دا حاطط البوستر بتاع المسلسل وفيه كام مذة كدا شبة لبسين من الى قلبك يحبهم يعنى
    والمصيبة الاوكس بقى انة كاتب الكلام الى حذفتة الرقابة
    طب انت يا بنى أدم بتقول مينفعش نشوف المسلسل كلة والرقابه دى وحشة يا سيدى وعرضت المسلسل
    وشوف بقى الوحش لما يعرض وحش ويحذف منه
    بيبقى الى حذفة اوحش
    جاى انت بقى تنشلرى الجمل المحذوفة
    مقدرش اقولك غير
    روح الله يكسفك
    والله فكرونى بواحد راح لواحد تانى وقله فلان بيشتمك وبيقول عليك (يابن ال .... ويابن ال......)
    انا مش عايز اقولك هو قال عليك ايه علشان متعملش مشكلة
    طب مانت قولت يا بهيم
    جاى تقولى مش عايز تعمل مشكلة.
    ..................

    الواحد خلاص فقد المصدقية فى كل الجرايد
    لا بقى يصدق حكومى ولا معارض
    حتى فى درجات الحرارة هعتمد على نفسى فى دى كمان
    هلبس قميص كم وتحيتة قميص نص كم
    الجو كان حر اقلع الكم والبس النص ولو برد اهو الكم معايا البسة تانى

    بس المشكلة الواحد يعرف الدنيا ماشية حواليه اذاى
    هنا هعمل بحكمة واحد صحبى شكلة كان خابط حجرين
    وبصلى كدا وقالى مع انى اعتقد انة مكنش هو عارف بيكلم مين
    عليك بالبلكونة
    افضل بص منها وهتعرف الناس ماشية اذاى

    E L K H W A G A





    { V . I . P }
    ليه كل حاجه حلوه عمرها قصير ليه كل شى فى عيونا دايما بيتغير
    البحث على جميع مواضيع العضو ELKHWAGA

  2. #2

    افتراضي

    تسلم ايدك
    بجد الواحد مش عارف يقول ايه كفايه 120 جنيه
    اللي قلتهم احسن

  3. #3
    تاريخ التسجيل
    13 - 1 - 2008
    ساكن في
    Khartoum, Sudan, Sudan
    المشاركات
    415
    النوع : ذكر Sudan

    افتراضي

    الله كريم والله الموضع جميا جدا
    لم لا نحبك يا بشير وقد اخرجت السودان من عبودية كنا نعيشها, ولم لا نحبك يا بشير والسودان قد تحول رقما لا يستهان به , ولم لا نحبك يا بشير وقد تدفق الذهب الاسود رغم انف الحاقدين ,
    البحث على جميع مواضيع العضو عزالدين حسون

  4. #4

    افتراضي

    عدااااااااااااااااااااااك العيب وازح

  5. #5
    الصورة الرمزية mona roshdi
    mona roshdi غير متواجد حالياً المشرفه المميزه للأسلامي العام والصوتيات والمرئيات الاسلامية
    تاريخ التسجيل
    27 - 6 - 2008
    ساكن في
    خلف دائرة الأحذان
    المشاركات
    12,425
    مقالات المدونة
    1
    النوع : انثيEgypt

    افتراضي

    والله ياخواجة انا مش عارفة اقولك آية غير ممكن تبص للدنيا من غير نضارة صدقنى فى وحش بس مصر اجمل بكتبببببببببببببببببببببب بببببر
    مش علشان خبر كداب يبقى الدنيا تتقام...فى كمان جرائد بتقول الحقيقة
    ذى مافى الكداب والصادق
    وفى النهاية الله يرحمنا
    وشكرا على الموضوع الرائع

  6. افتراضي

    ياأخي أنا الدمعه فرت من عيني......فعلا علي رأي الاخ العاقل ...بص من البلكونه...ها تلاقي ناس حالها أصعب من حالك
    أنا مره واقف في البلكونه,وشفت العيال اللي بيلموا الزباله بيمصمصوا في العضم....ايه رأيك بقي.....

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كولكشن شيك جدااااااااااا
    بواسطة لولو الشقيه في المنتدى احدث ازياء واكسسوارات وعطور
    مشاركات: 11
    آخر مشاركة: 6 - 2 - 2012, 09:55 PM
  2. كونى جميلة بدون ميك اب
    بواسطة modela في المنتدى بنات حوا
    مشاركات: 2
    آخر مشاركة: 8 - 2 - 2009, 05:03 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©