الجيران بياكلوا تونة؟؟؟؟؟!!!

[احساس قمر]

بسم الله الرحمن الرحيم
السلام عليكم ورحمة الله وبركاته


1

2

3

محمووووووووود

ايووووة

الجيران بياكلوا تونة ياحبيبي



احم احم احمين دايما بحب ابتدي مواضيعي بميلودراما عربية هندية اصيلة

مش عارفة بقي يا هل حد فيكم شاف المشهد ده قبل كده ولا لع؟

انا متاكدة حتما ولابد ولازما ومؤكدا وكل ادوات توكيد اللغة العربية اللي انا مش عارفاها

انكم شوفتوه هتقولولي منعرفش محمود هتقولولي مش بنحب التونة هقولكم برده شوفتوه

محدش يحدفني بطوب لو سمحتم لغاية مخلص بس وتفهموا

هدوا اعصابكم اتنين لموون والنبي ياعبد الجبار ليا اهدي اعصابي

الموضوع ياكماعة بيتكلم عن الحشرية دايما من وانا صغيرة

بسمع عن حكمة مثل مشهور مش هتفرق يعني المهم

بيقول اللي بيدخل فيما لا يعنيه يسمع ما لايرضيه

حد سمع الحكمة دي قبل كده== >> قاعدين في فصل احنا

شكلكم برده مش فهمتوا قصدي

الموضوع ومافيه ياسادة ==<< حلوة اووي الكلمة دي هبقي استعملها كتير

ايوة ياسادة لمذكر والانث بيتكلم عن الحشرية يعني اللي بيدخلوا دايما في شئون الناس

اكيد انت او انتي قابلتي ناس كتير كده حد من قرايبك جيرانك اصحابك دايما يحبوا يعرفوا

انتي عملت ايه وليه وازاي ولازم يبدوا رايهم وخدلك نصيحة واتنين مجانا

وتحس ساعات انهم ممكن يخدوا قرارات بدالك ويبتدوا يحللوا مشكلتك

ولو مكنتش مشكلة مع كل الناس اللي يعرفوهم

وتبقي حياتك شغلهم الشاغل ويعرفوا اخبارك قبل ماانت تعرفها== >> بتحصل بجد

كان لينا جارة زمان كانت متدينة اوي وتصلي وتصوم وتزكي بس تيجي تتكلم تتحول 180 درجة

دايما كانت تجيلنا تقعد 4 او 5 ساعات تبتدي قال الله قال الرسول وتلاقوا الموضوع انتهي

ازاي زوجة اخوها تاكل جبنة ب400 جنيه في الشهر طبعا هي عندها حق شئ محير والله

بس ده برده ميمنعش ان ده غلط انها تتدخل في شئون غيرها كل واحد حر في حياته ان شاء الله

تاكل ب1139 جنيه و30 قرش وانا مالي وتستفيض في الحديث عنها ومساوها وازي تعمل

كده وتخيل انها قالت كذا ده يرضي حد

وتستمر الجلسة 4 ساعات والي يغيظني في الاخر انها تقول وبكل ايمان صادق يلا هنعمل ايه كل

واحد حر في حياته


هل ياتري ديننا قال صلوا واقروا قرأن لكن ادخلوا في امور الناس واغتابوهم في غيابهم ؟


ونستمر في الحكايات ليا بقي جارة تانية دي زي العثل بموت فيها كانت دايما تجيلنا

بقي برده تحكي كل تفاصيل واسرار العمارة خدوا بالكم العمارة كانت 10 ادوار يانااااااااس

ودي اتعاركت ودي قالت ودي عملت وده قال معندهمش حق بصوا انا بعمل ايه شوفوا بيتي شوفوا

بيتهم وبرده دايما تختم الحديث بجملة كل الناممين

يحبوها موت دع الخلق للخالق


شوفوا بقي كلنا بنحب ننم محدش يقول لا سمعاك ياللي بتقول مش

بننم طب افتكر كده

عمرك ادخلت في اللي ملكش فيه ؟


طيب ركزوا بقي مع ميس احساس ياتري يا هل تري لما حكيتلكم عن جارتين التنين

ياتري قولت عليهم ايه في سركم اكيد قولتوا ايه ده وهما مالهم

ممكن تقول انا مش وصلت للدرجة دي

بس حط نفسك مكانهم وشوف الناس هتقول عليك ايه



بصوا بقي انا حبيت افضفض معاكم علشان انا مفروسة من الناس دي اووي يمكن افكاري مش

متترتبة اوي علشان الكي بورد اللي قاعد يكتب استحملوا بقي

يمكن المثالين اللي قولتهملكم بسيطين اووي بس في تدخلات تانية اقوال كتيرة وافعال اكتر بتاذي

اللي حوالينا

شوفوا كده وافتكروا كام واحد ادخل في حياتكم وكان نفسكم انكم تولعوا فيه او تاجروا اتوبيس

سياحي فاخر يعدي عليه عاتشي جدا خالص شغلوا الاضاءة بقي ونزلوا الستاير واقلبوا الادوار

وانتوا تفهموا قصدي ==>> متخدوش في بالكم

اتمني تكون الفكرة وصلتلكم

تحذير قاتل: ممنوع وضع كلمة شكرا وتهرب عايزة اعرف ايه رايك

في اللي بيدخلوا في حياتك

وبتعملوا ايه معاهم ؟ وهل انت فضولي وبتحب تعرف كل حاجة وتقول رايك؟؟

تعرف حد زي جيراني الاعزاء دوول لو تعرف احكي موقف لو متعرفش احكي موقفين

بس كده خلاااااااااااااص


كانت معكم المفروووسة وبشدة احساس قمر من امام الكي بورد حسبي الله ونعم الوكيل فيك
ياافخررررري

[AhMeD El-Za3eEm]

بعد الإستفاضة الواسعة أوي في موضوعك دا
مش حأقولك شكرا بس .. لأ دا أنا حأستفيض زيك كدا


طبعا موضوع التونة دا ملناش صالح بيه .. بس فعلا فيه ناس كتير جدا
من نفس عينة جاراتك دول .. و أنا تعليقي الوحيد علي الناس دول
حاجة من اتنين

( يا إيمـــا عندهم فراغ و وقت فاضي و بيقضوها كلام عن الناس )
أو
( حســـد بقي و مش بيحمــدوا ربنــا علي اللي عندهم )
و في كلا الحالتين كما تدين تدان .. أكيد حتلاقي ناس تانية برضه شغالين كلام و (نم) عليهم

المهم بالنسبة للناس اللي بتكلم .. الرد الوحيد عليهم
هو ان الواحد يكبر دماغه منهم علي الاخر .. و يراعي ربنا و ضميره في أفعاله
و غير كدا أعتقد مفيش حاجة حتهم بعد كدا .. لأن كلام الناس ولا بيقدم و لا بيأخر

و اللي كان دايكا بيدخل في حياتي .. كنت بأسيبه يتكلم و يعمل و يزيد
و بأنفذ اللي يمليه عليا ضميري و أشوفه صح
ما هوا بقي مش كل واحد حيتكلم و يفتكر نفسه أرشميدس يعد يدخل في شؤون الناس
إيـــــــه النــــاس الحشـــــرية دي ؟!!!

و أنا الحمد لله اتعودت أبقي في حالي و مبحبش أعرف كل حاجة
و الله بقي إذا جاء الشخص من نفسه و حكالي دي حكاية تانية
بس أبقي أعايب علي الناس الفضولية دي و أبقي واحد منهم .. تبقي مصيبة

و بالنسبة للي عنده كذا حكاية و مكسل يكتب .. يعمل ايه
بصي عندنا جارتنا برضه نفس الكلام كدا .. بس يوم ما تبدأ تتكلم عن الناس
بأروح في أي حته .. أدخل أوضتي و أقفل الباب، أنــزل ... كدا
أما أعد و أسمع الكلام دا .. و أنــــــا مــــالي، دول اتعاركوا و لا دول حرقوا بعض

بس في الاخر نحاول نتجنب الناس دي .. لإن مين عالم مش ممكن
يكونوا بيتكلموا من ورا ظهورنــا و احنا مش عارفين
ميرسي احساس علي المناقشة و الموضوع الفضولي دا
و آسف بقي لو كنت طولت