يامصر

[محسن البدراوى]

يامصر يام النيل شاقق اراضيكى
قالوا انتى هبة النيل
قلنا انتى هبه لينا
يا شيلانا ما بين رمشك
وفرشالنا اراضيكى
موده وخير
دنا دمى فدا ليكى
يا امى واغلى من امى
يا حته من جسد ضمنى
بغنيلك يا ام الكل ياطاهره
يا امه فوق جبين امه
بحبك حب مالو حدود
وبينى وبينك ألف عهود
اصونك وارتقى بيكى
تقابلينى بخير طارح
وارضك تفرشيها زهور
بحبك قد انفاسى
مانفاسى بعيد عنك
متسواشى
يا مصر يا غاليه ضمينى
بحبك من شرايينى
وحبك دمى ووريدى
ياغاليه تاجك الغالى
معلينى
ما بين الناس
انا مصرى
على مر التاريخ استاذ
بعلم دنيا حواليا
تاريخ امه دى مصريه
حضاره فوق جبين الكون
يا أم الدنيا
دا الدنيا بتستنا تعاليمك
بتتمنى مياه نيلك
وبيجيلك ويشرب تانى من نيلك
يا امى انتى سما ليا
ولا تهونى ف لياليا
راح اصونك والله بعنيا
واكون جندى فى حراسك
ولا هسمح لمين داسك
على ترابك يدوس تانى
وراح اكتب لاوطانى
ف اشعارى
امال وخير
وراح اوصف
جمالك بالغنا ومواويل
ومش عارف هوصف ايه
دانا تايه قوى ف وصفك
ومش عارف اعيش وصفك
راح اوصف ايه
هوصف اراضيكى
ولا صحاريكى
ولا جمال نيلك
ولا بحور اتنين
ولا سما صافيه
ولا شموس دافيه
ولا حضاره وعلم
ولا ايادى سمر
ولا محبه وخير
ولا فقير وسعيد
ولا علم ونشيد
ولا رجال فى الجيش
اوصف واقولك ايه
ما يكفى الف كتاب
ولو جانى يوم لحساب
هطلع مديون انا ليكى
***********
القصيده لسه كاتبها
ورفعتها على طول
فسامحونى ان عدت
واضفت بعض التعديلات
مع تحياتى
محسن البدراوى

[حرف مشتعل]

كلمات تكتب بحروف من نور
بمداد من ذهب
على صحائف من لؤلؤ
ابدعت غالينا
ودى

[محسن البدراوى]

كلمات تكتب بحروف من نور
بمداد من ذهب
على صحائف من لؤلؤ
ابدعت غالينا
ودى

ميرسى على مرورك الجميل
وردك الطيب
لكى منى اطيب الامنيات
وبالتوفيق