مصــــر نيو لوك

**AhMeD El-Za3eEm** · 17 - 11 - 2007, 05:31 PM

مصــــر نيو لوك

:: الموضوع منقول من مجلة ::

خطــرت فكــرة مجنونة علي بعض الشباب، إنهم يعملوا نيو لوك لمصــر
و جـرت التغيرات علي حاجات مهمة، شوفوها و شاركوا برأيكم في الحوار العجيب ده

اســم مصــر
في الــ 100 سنة الأخيرة اتغير اسم مصر 3 مرات،و بالترتيب الآتي: المملكة العربية المتحدة، الجمهورية العربية المتحدة، جمهورية مصر العربية. العجيب إن الاسم ده استمر كتير أوي دون السعي لتغييــره؟!! لو في ايدينا إننا نغيــره، حنخليــه يبقي إيه، بحيث إنه يبقي روش و يناسب الألفية الجديدة و الحوارات دي ....

العـــلم
كمان علم مصـر كانوا بيغيروه كتير و بعد ما كان أخضـر مزهزه، خلوه بالألوان الحالية و عليه صقـر قريش، و بعد ما الصقر طار جابوا مكانه طائر العقاب اللي لسه مطرش لحد دلوقتي، اللون الأخضر قديما كان دليل علي إن مصر بلد زراعي و طبعا الهلال و الصليب معروف الهدف منهم، طيب العلم اللي دلوقتي بألوانه الأحمر و الأبيض و الإسود، إيه المقصود منهم؟ حيبجي واحد يقولنا بفصاحة و فهلوة: يا جماعة الأحمر دمنا و الأبيض قلبنا و الإسود مش مننا !! ممكن نغير العلم دلوقتي و نخليه (PINK) مثلا عشان هو الموضه دلوقتي كده، و طبعا عشان ندي إيحاء بإن الحياة في بلدنا لونها بمبي ....

النشيــد الوطنــي
من يوم ما دخلنا المدرسة و كل يوم في الطابور علي الصبح كده، نقول نفس الكلام و نفس اللحن، و لا إحنا فاهمين بنقول ايه و لا حاسين الكلام من أصله!!
" بلادي .. بلادي .... بلادي
لكي حبي و فؤادي
مصر يا أم البلاد ... أنت غايتي و المراد
و علي كل العباد ... كم لنيلك من أيادي "
يا حلاوة المولد .. تفتكروا إن فيه حد في سنة 2007 ممكن يتغني الكلام ده بصيغته الحالية؟!! علي فكرة إحنا مش بنعيب في الكلام و لا جودته .. بس إحنا بنتكلم ع الزمن اللي إحنا فيه ده و الوقت اللي اتكتب فيه الكلام ده يجي من100 سنة. ليه منفكرش نغير نشيد بلدنا، و نخليه حاجة خفيفة كده و معبرة و لذيذة من مزيكتنا اللي إحنا بنسمعها و بنحبها، ليه فرض علينا نشيــد بلادي. يعني ممكن نستبدل الشنيـد ده بأغنية ( ما شربتش من نيلها ) أو ممكن ( يبقي انت أكيد في مصـر )، يعني إحنا شايفنها معبرة أكتر من بلادي بلادي ....

عارفين التغيرات البسيطة و الساذجة دي لو حد غيرنا من الناس اللي صوتهم مسموع فكر فيها و قالها، هتكون أزمة ملهاش مثيل و مجلس الشعب هيسيبه من مناقشة طلبات الإحاطة حول أفلام السينما، و يركز علي الطلبات الجديدة بعمل نيو لوك للوطن. و حيخرج لينا السيد صفوت الشريف و يصرح و يقول: إن لولا المناخ الديموقراطي في مصر مكنش حد قدر يفكر بالجرأة دي. و مش بعيد يخرج علينا مين يكفر صاحب الفكرة دي كمان و يتهاجم بفظاعة.

- إحنا بنعتقــد -
إن احنا خلاص فقدنا القدرة علي التفكيــر و التغييــر ... للأسـف

ـــــــــــــــــــــــــ ـــــــــــــــــــــــــ ـــــــــــــــــــــــــ ـ

`·.¸¸.·¯`··._.· ( إنتم بقي إيه رأيكم في المــوضوع ده) `·.¸¸.·¯`··._.·

**ورقه** · 17 - 11 - 2007, 08:26 PM

ههههههههههههههههههههه

تصدق فكره تجنن

اصلا اصلا كل اللى فى مصر بيعملوا نيو لوك اللى هى يا عينى ..

وبعدين احنا بنحب التغير ..

بص بقى بالنسبه لاسم مصر ..

المملكة العربية المتحدة،

مش هنعمله كدا اكيد عشان مصر مش مملكه اللى اذا اللى بالى بالك حصل . ساعتها هيبقى دا انسب اسم

الجمهورية العربية المتحدة،

ولا دا كمان ينفع .. منين و النبى الاتحاد فينوووووو الاتحاد .. ؟؟ احنا مثلا ممكن نخليه جمهوريه مصر الاهليه نسبه للنادى الاهلى و بطولاته و انه رافع راس مصر ..

يا مشرفنى يعنى على راى منى زكى فى المسرحيه اللى مش فاكره اسمها ايه ..

العلم بقى

لا pink ايه يا احمد .. انا هقولك احنا ممكن نعمله موف فى اخضر اللى هى الوان الشتا بتوع اليومين دول .. و نحط صقر مثلا بدل نسر .. اهو تغير و كلو بيجيلو الفونانزا الطيور ..

النشيد الوطنى بقى ..
عندك حق ممكن نقول لاغنيه بتاعت شرين .. مع ان انا ليا راى خاص جدا فى الاغنيه دى

انا بقى كل ما اسمع الاغنيه دى

اقول كدا

ماشربتش من نليلها .. ؟؟ (( لا بشرب مايه معدنيه .. ))
جربت تغنلها .. ؟؟ (( صوتى وحش ... ))
جربت فى عز ماتحزن تمشى فى شورعها و تحكلها .. (( لا .. هى ناقصه .. ))
ما مشتش فى ضوحيها ؟؟ (( لا .. ليه ؟ ؟ ))
طيب ماكبرتش فيها ؟؟ (( تقريبا .. ))
ولا ليك صورة على الرمله كانت على الشط و موانيها .. (( لا .. ))

......

تسلم يا احمد ..

سورى على الاطاله ..
ورقـــــــ ,, ـــــه

**AhMeD El-Za3eEm** · 17 - 11 - 2007, 09:00 PM