ابداعات الاعضاء فى فن المربعات

[محسن البدراوى]

النهارده نكتب حاجه جديده
لعيونكم الجميله


مستنيانى بموده
على راس بلدنا تشاور
وطيت ع اليد بمحنه
ولبستها م الاساور
****************

بره البيت عامل ابو زيد
وجوه مدلدل شنابه
دى المره بتحكم البيت
وتقولوا بره ياراجل

***************

عشمان ف الجنه ونعيمها
وعمايلك سوده ومصايب
ولا تايب وراجع لربك
دا ربك بيغفر مصايب

[thesniper_12007]

لقد قلتها من قبل
ازهلتنى المشاركه
وساقولها دوماً
اخى العزيز الفاضل
ارفع قبعتى
وانحنى احتراماً لقلمك

للعلم ساطلب من الاداره
تغيير العنوان
من مربعات بدراويه
الى ابداعات الاعضاء فى فن المربعات
دومت ودام قلمك
كل الشكر والتقدير
لك منى كل الامنيات
وبالتوفيق

الشكر موصول لقلمك المبدع رائعنا وما انا إلا مستمد من وحيك شاعرية على أول الطريق وأشكرك شكر بحجم السماء ومتسع بحجم الأرضين
لك مني كل الود والحب والإحترام
وافر تحياتي وجل احترامي

[محسن البدراوى]

ياطبيب اكشف وداوى
تعبانى جروحى وحدى
لهجيبلك مهر غالى
لما اروق واخرج لوحدى

************

عيان وبيا عله
ولا حد عليا سأل
لو كنت بمالى اعلى
لا سأل عليا عدوى


****************

الدنيا ديا بوشين
فيها خير وشر ظاهر
انا شفت فيها الاتنين
اوعى تغرك المظاهر

************
مقتول وجرحى نازف
ع الشفه بسمه تداوينى
لو قالت عنك مهتنازل
فيدها دوايا تداوينى

[fataegypt1]

حبيبي قالي بحبك
قولتلوا طب اتنيل
قالي ليه كدا
قولتلوا اصل انا جربة حب البيعد
طلع عيل
وعجبي

[thesniper_12007]

كشف الطبيب طلع القيح
والجرح نزف الهمومي
دنا جتتي يا ابو العم مالقيح
ولا عدت طايق هدومي

************

العلة في القلب تجافينا
والشوق علاجه ما موجود
اشمعنى العلل تجي فينا
ما تحن علينا يا بو الجود

****************
وشوش الدنيا دي بالكوم
وبكل وش تعاديني
أغلبها تشكيني للقوم
واقولها الصبح آديني
************
البسمه ع الشفه ما ترياق
دا الجرح م النسوه خيبه
عيب عليك يا مشتاق
دا الضحك ع الرجال عيبه
************
جمل المحامل يا قلبي
ما يكسرك قلب حوا
ومهما حاولت في غلبي
دنا قلبي يرميها بقوه
***************
إرمي حمولك على الله
واياك تدادي الغواني
وان قلبك مال تقول لا
ما عمري قلبي غواني

[اميره بلا وطن]

مندهشه
نعم مندهشه
كيف لهذا الموضوع المتجدد الأفكار أن يوجد فلا أصادفه
أعترف بتقصيرى
ولكن أرجوك التمس لى العذر فطيلة توقفى كنت فى أشد لحظات المرض
رقيده الفراش حتى انى ظننتها النهايه
لكن الحمد لله رب العالمين
(وإذا مرضت فهو يشفين)


مايؤلمنى حقا اننى لم أر الموضوع من ذى قبل
فأنت شاعر وضع بصمته وبات مؤثرا فى هذا المكان
فصنع لنفسه شهره سبقت الرياح
واحترمه الجميع
أشكرك كثيرا على كلماتك الجميله التى أطربتنى وأسعدتنى
فأنت موهوب وتستحق أن يقرأ لك الجميع
انتظر مشاركتى بإذن الله
بارك الله فيك

[محسن البدراوى]

مندهشه
نعم مندهشه
كيف لهذا الموضوع المتجدد الأفكار أن يوجد فلا أصادفه
أعترف بتقصيرى
ولكن أرجوك التمس لى العذر فطيلة توقفى كنت فى أشد لحظات المرض
رقيده الفراش حتى انى ظننتها النهايه
لكن الحمد لله رب العالمين
(وإذا مرضت فهو يشفين)


مايؤلمنى حقا اننى لم أر الموضوع من ذى قبل
فأنت شاعر وضع بصمته وبات مؤثرا فى هذا المكان
فصنع لنفسه شهره سبقت الرياح
واحترمه الجميع
أشكرك كثيرا على كلماتك الجميله التى أطربتنى وأسعدتنى
فأنت موهوب وتستحق أن يقرأ لك الجميع
انتظر مشاركتى بإذن الله
بارك الله فيك

انا اسف جداً والله بقالى اسبوع لم ادخل المنتدى لظروف سفرى
ولسه النهارده اللى شفت تعليقك والف الف سلامه عليكى بجد
ويارب تكونى بصحه وعافيه وسلامه وبخير
كل الامنيات لكى بالتوفيق
وتمام الصحه والعافيه
مشكوره اختى الكريمه على حضورك الغالى
ويارب دايماً منوره المنتدى

[محسن البدراوى]

كشف الطبيب طلع القيح
والجرح نزف الهمومي
دنا جتتي يا ابو العم مالقيح
ولا عدت طايق هدومي

************

العلة في القلب تجافينا
والشوق علاجه ما موجود
اشمعنى العلل تجي فينا
ما تحن علينا يا بو الجود

****************
وشوش الدنيا دي بالكوم
وبكل وش تعاديني
أغلبها تشكيني للقوم
واقولها الصبح آديني
************
البسمه ع الشفه ما ترياق
دا الجرح م النسوه خيبه
عيب عليك يا مشتاق
دا الضحك ع الرجال عيبه
************
جمل المحامل يا قلبي
ما يكسرك قلب حوا
ومهما حاولت في غلبي
دنا قلبي يرميها بقوه
***************
إرمي حمولك على الله
واياك تدادي الغواني
وان قلبك مال تقول لا
ما عمري قلبي غواني

يالا جمال وروعة ما خط قلمك
وما جاد به جدانك
اتمنى دوام المشاركه
والا تبخل علينا من بديع كلماتك
دومت ودامت افكارك
لك منى اطيب الامنيات
وبالتوفيق

[قطره ندي]

الموضوع جميل جدا
بجد دمت متميز

[اميره بلا وطن]

لا عارفه السر فى هيامى
ولا اشواقى وغرامى
وجبت طبيبى يداوينى
جرحنى وسابنى بآلامى