انا نفسى ابقى حمار

[misterattia]

الناس تحلم تقول
انا نفسى اكون طيار
او نفسى اكون بحار
ولما الحلم يصغر
فى عيون الصغار
يقول الصغير
انا نفسى اكون فنان واعزف على المزمار
وانا نفسى اكون بناء او حتى اكون نجار
او نفسى اكون بياع
لو حتى سريح يبيع ف خضار
لكن حلمى انا اغرب
من احلام الصغار
مش حلمى اكون ريس
ولاحتى ابقى وزير
ولاعمدى ولاشيخ غفر
عندى كام دوار
ان عندى حلم وحيد
واخدنى م الافكار
حلم تملى فى بالى
وفى فكرى ليل ونهار
انا نفسى ابقى حمار
انا نفسى مفهمش
ما كلش ولا نمشى
مقعدش ولا امشى
مظلمش مكذبشى
مكرهش ما خنشى
واسيبها كده تمشى
ولاخونش انا الاسرار
معملش مجلس نميمه كما النسوه
معتلش هم الطعام والكسوه
معرفش طعم الكراهه والقسوه
ما متش ع الدنيا اللى ما تسوى
واعيش كما الاحرار
انا نفسى ابقى حمار
هولف على حماره
قريبه او جاره
والتانيه والتالته
لاحكومه ولا اداره
واسعى مع الدنيا
الدنيا دواره
لكنى مش هروح النار
انا نفسى ابقى حمار
مكلش حق الناس
اصلى حمار حساس
مش هنعى هم لباس
ولا مفروشات واساس
ولا ايجار ولا فواتير
ولا ديون مدونه ف كراس
ولا ويسكى ولا بانجو
ولا معسل على الجوزه
ولا انفاس
ولاانعى الهم اخر الشهر
ولا اتحير واكون محتاس
يمكن صحيح هتركب
لكنى مش هنداس
علاقتى بربنا
واحده اللى يعلمها
مش محتاج صلاه ولا قداس
صلاتى لربنا حمده وشكره
سبحان من سوانى رب الناس
ولا عمرى اكون خسيس
ولا مفترى ومياس
مش هنعذر ف قروش
ولا شقه بالمفروش
ولا محتاج لسقف
بالبوص او بالعروش
ولا هعوز المال
عشان املى الكروش
ولا محتاج لسلطه
البس لها طربوش
ولا محتاج بلطجه
على خلق الله
واقف لهم زنهار
والله كان نفسى
عمره مكنش هزار
انا نفسى ابقه حمار
امشى بين المزارع واشم ف الازهار
اقضى حياتى كلها حمد مع استغفار
يمكن صحيح بخرف
يمكن صحيح اذنبت
لكن عارف وواثق
ان ربنا غفار
مهما اكون مذنب
يغفر لى باستمرار
اصل انا انسان
اصل انا حيوان
لكن طلع لى لسان
بعرف ساعات افرح
ادمنت ع الاحزان
مخلوق على قدى
لاقيراط ولا فدان
لكنى صحيح بفهم
من بعد ثوره شبابنا
ومن بعد الانتصار
مش نفسى ابقى حمار

[محسن البدراوى]

كان زمان ناس كتير تشكى
وتقول نفسى ابقى حمار
عل الاقل مش هتعب وادور
على لقمه بيها اعيش
بس دلوقتى انسان او حيوان
لازم نتعب
لازم نعمل
علشان اللقمه
مبقيتش ببلاش
ابدعت
لك ودى واحترامى
وكل الامانى
وبالتوفيق

[قطره ندي]

رائع رائع رائع
ما شاء الله كلام حلو اوي
دمت ف تالق باهر