جمعة عمل

[محسن البدراوى]

يامصر دايماً مظلومه
واحنا فيكى مظاليم
مين فينا ظالم يامصر
مين فينا ابن النيل
على مر التاريخ احزان
جوا الدروب احزان
على كف اليتيم احزان
ف وش الفقير احزان
ولو فرح جالنا يوم
بيعدى وبسرعه
وناسك غلابه بطبعهم
بيتغطوا بالمواويل
نسناهم
ونسينا ان فى ناس
وسطينا شايله الهم
وناس كواهم ألم
وجرح ما يتلم
وحكومه قاعده تخطط
ازاى دى تسرقنا
ازاى تعلم ظلم
وازاى تجرحنا
طفح المرار يابلد
طفح المرار والكيل
وبقينا شعب زليل
والباقى كلوا عليل
طفحت جروحنا خلاص
من كتر هم وويل
فاتفجر الاحساس
بثوره وغضب عارم
وقفنا وقفة رجال
وعملنا جمعة غضب
نفض مبارك وضحك
وقال سيبوهم يتسلوا
دول شرزمه مهيسه
عيال ويتلموا
وقالوا علينا سيس
بتوع نت واغانى
قوموا اعملولهم فيلم
شويت رقص ومسخره تانى
ونسيوا اننا جيل
متورث القوه
شباب جميل واصيل
لا ينفض بالقوه
ف رباط ليوم الدين
لا تفرقوا قوه
شافوا هتافنا غلط
شافوا امالنا غلط
شافوا المشهد غلط
فانفجرت الثوره
ولما حسوا بالخطر
قالوا روح يا نظيف
اقطع عليهم النت
واياك من الاتصالات
دى عندهم قوه
بتجمع شتات العيال
وتوحد الكلمه
وروح كمان يا عادلى
شوف شغلك دا وياهم
وفض الهرج والمرج
واقبض على اعتاهم
لو حتى بالقوه
لقينا شباب بتموت
وقفنا باعلى صوت
وقلنا هتتنحى
وقفنا واقفه تانيه
وقلنا جمعة رحيل
ولا حد فينا ماشى
ولا حد فينا زليل
رجعت تانى تلعب
لعبه خيبانه
وتطلع علينا وتخطب
تستعطف الملايين
لاكن كلامك ما يوفى
ولا حد فينا يميل
وقفنا تانى وقلنا
جايين بالملايين
وقلنا جمعة زحف
ولا حد راح يرجع
هنموت شهداء ببابك
ملايين ما راح ترجع
سمعنا خطاب التنحى
والقلب مليان فرح
وقلنا تانى هنرجع
نجمل الميادين
وجيشنا وقف معانا
ليه منا كل جميل
بعتنا ليه الورد
والحب والتقدير
ورحنا عند المنصه
وقلنا جمعة رد الجميل
كل العالم اتفرج
وقالوا شعب جميل
واحنا كمان شفناه
مسلسل من الوقفات
كترت جمعنا يابلد
والشكوى والتهليل
ونسينا ان اقتصادنا
عمال بيتدهور
ولا فينا حد فكر
فى حال البلد
وقفت ما تتحرك
ولا حد شاف البديل
سياحه انضربت
ومصانع انقفلت
عامل بسيط الحال
بقى شايف المحال
فى شغله تجيب العيش
ويعدى بيها الحال
كل يوم نعتصم
ونهلل التكبير
ونقفل ميدان وشارع
وبلطجه بالكيل
متيجو يوم نشتغل
ونعمل جمعة عمل
ورد جميل للبلد
والفقراء والمساكين
رد الجميل للشهداء
للارض ويا النيل
جمعة عمل دايمه
ولا حد يتخلف
جمعة عمل مش ف الميدان
الجمعه ف المصلحه
والارض والمصنع
الجمعه تكون ف المدارس
وف الفكر والنهضه
جمعة عمل اصلاح
يعلى بسماها الوطن
والبسمه ترجع تانى
واقتصادنا يتصلح
جمعة عمل ياناس
لمصر نرد الجميل

مع اجمل تحياتى
محسن البدراوى

[حرف مشتعل]

لك فى الابداع بصمه
ولك فى الاتقان لمسه
ولك فى التالق رسمه
ولك فى الاحساس همسه
تعجز فى اطرائك حروف ابجديتى
ارق التحااايا

[محسن البدراوى]

[QUOTE=حرف مشتعل;838871]

لك فى الابداع بصمه
ولك فى الاتقان لمسه
ولك فى التالق رسمه
ولك فى الاحساس همسه
تعجز فى اطرائك حروف ابجديتى
ارق التحااايا

[/QUOT
عجز اللسان عن الثناء
الاخت الشيماء
لكى ودى واحترامى
مشكوره على المرور
لكى منى كل تقدير
وبالتوفيق

[misterattia]

يكفى جمع
الكل شاهد واستمع
لازم بقه نهدا شويه ونجتمع
عايزين نعيد المجتمع
عايزين مسيحى ويا مسلم مجتمع
خلاص بقه
قلب امكم دمع
قلب امكم اتوجع
قلب امكم اتفجع
يكفى وجع دى امكم
مش قطيع من بجع
د الظالم خلاص كن هجع
وحقكم رجع

يكفى بدع
عايزين نبنى اللى انصدع
افهم بقه يا جدع
عايزين نرتاح وكل واحد ينجدع
كل ظالم خلاص اتردع
وكلنا فهمنا معدش حد ينخدع
ومعدش ينفع معانا الخدع
اللى يثور على الظلم هوده الثائر
واللى يفضل تمللى يثور يبقى مش ثائر
يبقى ظالم يبقى جائر
عايزينها تمشى بقه
كلنا اصحاب بلد
مش ضيوف ولا حد فينا زائر
كلنا مصريين عايزين نوحد المصائر
يا جماعه الجرح غائر
والوضع لسه ببطء سائر
عايزين نهدى بقه كل الاحرار والحرائر
عايزين انتاج عايزين صناعه وزراعه
تملا الحقول
ونشوف تانى ع الشجر ميت الف طائر
احنا خوات ومش ضرائر
ياريتنا نفهم كلنا ان اتحادنها
ييجى بعده كتير بشائر

[محسن البدراوى]

ياريتنا نفهم كلنا ان اتحادنها
ييجى بعده كتير بشائر

اصبت وما خاب قلمك يوم
استاذى القدير
تعودنا منك روح الثوره
تعودنا منك الصمود
ولقلمك اجمل معانى الحب والتقدير
ما اجمل كلماتك وبديع احساسك
لك منى كل الثناء والشكر
دومت بكل صحه وخير وسعاده
لك منى كل الامنيات
وبالتوفيق