حاجه تحرق الدم

**abdo389** · 23 - 6 - 2008, 07:04 PM

عندى فكره ياشباب هى بصراحه مش انا اللى مفتكسه بس شوفتها على جروب وعجبتنى

الفكره ان كل واحد يدخل ويقول موقف قبله او قابل حد يعرفه وحس انه حرق دمه

وفى نفس الوقت يكون ظريف
مثلا (اول موقف)

الصيف و الحر هلو و فيه حاجات كتير كده تانية بتهل معاهم يمكن اللي هيقرأ الكلام ده هيقول اني منفسن منهم علشان انا مليان شوية بس انا حتى ايام ما كنت رفيع كان بيستفزني قوي منظرهم ...تمشي في الشارع تلاقي ولد كده ثانوية عامة وراح الجيم بقاله اسبوع وواهم نفسه انه خلاص بقى الشحات مبروك ولابس تي شيرت او بدي ضيق قوي ونازل منهم عصايتين و مشنجهم كده علشان الدمل اللي بدأ يظهر في ذراعه يبان للناس وماشي رافع كتفه على اساس العضلات بقى مش مخلياهم في مستواهم الطبيعي وهو اصلا سلسلة ظهرة باظة من التي شيرت وممكن اي حد يعدهم بمنتهى السهولة ...طيب يا حبيبي استنى شوية و بعدين صدرهم ما البلد كلها اتنفخت من الامينو يعني مبقتش مشلكة ..بس المناظرديه بجد تحرق الدم

**نجمة عسولة** · 24 - 6 - 2008, 02:29 PM

هههههههههههههههههه
انا بقا سمعت موقف مش عارفة اذا كان يحرق الدم ولا لا
ان فى واحد اخده حرامي وبيقوله قول آخر كلمة فى حياتك
فقال: حرامييييييييييييييييييييي يييييييييييييي
هو يحرق الدم بالنسبة للحرامي

**abdo389** · 25 - 6 - 2008, 02:27 PM

جميله وشكرا على المرور

**ELKHWAGA** · 25 - 6 - 2008, 04:09 PM

تسلم يا اخ عبدو على التوبيك

**خاطر** · 25 - 6 - 2008, 04:23 PM

اللى يحرق الدم انك تكون بتحب حد ومش عارف توصله
مشكور خواجه على الموضوع الهايل ده

**abdo389** · 26 - 6 - 2008, 10:31 AM

و احنا في مسلسل اللاشعور و الكلمات الهلامية ...زي "راضي الرجالة" ...وانت بتتكلم مع واحد وبتقلب في القنوات لاقيت قناة فيها صوت اغاني عالي و مذيعة واقفة كده شكلها عايز تروح الحمام تقريبا ...و شكلها شاربة سيبرتو و عنيهاا مقفلة كده و فيه ابتسامة بلهاء مرسومة على وشها و هي بتقول بمياصة كده ...يلا يا اصحابنا يا حبايبنا ميين اللي هيعرف اجابة سؤالنا الخروف ليه كام رجل علشان يفوز معانا ...اتصلوا و الكمبيوتر يختار من اسمائكم ...يلا انا مستنياكم ....و طول ما هي عمالة تتكلم و انت متنح معاها لدرجة انك نسيت انك كنت متعاطف معها لما حاسيت انها مزنوقة و عايزة تدخل الحمام ...لكن بعد الخمس دقايق دوول حسيت انك انت اللي محتاج تدخل الحمام ...وبجد مش عارف هو لسه فيه ناس ممكن تحب المياصة الهبلة ديه ...واحدة مش حاطة رموووش ديه مركبة تندة وعمالة تستهبل!!!!! بجد حاجة تحرق الدم

الموضوع: حاجه تحرق الدم

أدوات الموضوع

حاجه تحرق الدم

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة