لو غبت مره ابقوا اسألوا عنى

**misterattia** · 3 - 6 - 2011, 02:01 PM

لو غبت مره ابقوا اسألوا عنى
وادعوالى دايما ر بنا يعنى
يارب عفوك رحمتك
تغنينى عن ذل السؤال
يارب يسر لى امورى
دا الوضع مال
اصبح محال
يارب زوجتى والعيال
يارب ترزقنى بالرزق الحلال
حالى يارب انته اعلم بيه
ودا غصب عنى
لو غبت مره ابقوا اسألوا عنى
وادعوالى دايما ربنا يعنى
يارب اعمل ايه بستحلفك
بستعطفك
بحياه حبيبك النبى
دا انا اللى كنت عزيز ابى
يارب تعلم مطلبى
يارب حقق مطلبى
والله تعلم يارب
انى ما كنت ف يوم غبى
ارفع يارب الحمل عنى

لو غبت مره ابقوا اسألوا عنى
وادعوالى دايما ر بنا يعنى
تلات عيال ويا امهم
ولاعم ولا خال كان لهم
لو متحسنليش يارب احسن لهم
مفيش مكان هيلمنى ويلمهم
يارب تصلح امر هم
يارب بارك عمرهم
يارب يسر لى الامور
ادفع ايجار لمقرهم
واعمل لهم اى شىء يسرهم
قوينى يارب اربيهم
واهذبهم وابرهم
قوينى يارب
على همى الكبير وهمهم
يارب نال الذل منى
لو غبت مره ابقوا اسألوا عنى
وادعوالى دايما ر بنا يعنى
يارب يا عالم بحالى وبدموعى
يارب انته اللى عالم قهرتى وحوجتى وذلتى
والمراره اللى ساكنه ف ضلوعى
يارب انته اللى قادر تعزنى
من بعد ذلتى وخضوعى
يارب عبدك وتايه
بدعيك يارب ترحم ذلتى وكسرتى
وترسم لى طريق رجوعى
بدعيك يارب وواثق م الفرج
طول عمرى بحسن يارب بيك ظنى
لو غبت مره ابقوا اسألوا عنى
وادعوالى دايما ر بنا يعنى

**محسن البدراوى** · 3 - 6 - 2011, 08:53 PM

ربنا يعينك
واحنا دايماً بنسأل عليك وندعيلك
ربنا ويوفقك ويزيل همك وكربك
اخوك محسن البدراوى

**قطره ندي** · 3 - 6 - 2011, 10:50 PM

ربنا يعينك
ويفرج كربك ان شاء الله
اكيد احنا كلنا فاكرينك

الموضوع: لو غبت مره ابقوا اسألوا عنى

أدوات الموضوع

لو غبت مره ابقوا اسألوا عنى

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة