قهوتنا على الانترنت
مصراوي مفيش منه
احمد ادم يتحدث الى وزير الماليه السابق / بطرس غالى وهو ممسكا بصورته
احمد ادم يتحدث الى وزير الماليه السابق / بطرس غالى وهو ممسكا بصورته
يا حلاوه ودانك
والفالج اللى ف سنانك
بتضحك وفاكر هنبكى عشانك
انته اللى هنت بلدك ومحدش اهانك
يا برودك يا شيخ
ووساخه لسانك
يا بسألك بحق ربنا
وبحق الطاهره مريم وعيسى
انته ليه كنت مصور لنا ان السنه مليون كبيسه
ديننا ودينكم ومصرنا متبريين من كل الناس الخسيسه
دلوقت بتضحك وديع
وكنت عامل اسد واحنا الفريسه
عملت لك ايه الفوس
والمعادن النفيسه
بقه ضميرك مأنبكش لما شفت ان مصر امك ضاربه تفليسه
دلوقت عاجبك ذلتك وهوانك
يا حلاوه ودانك
والفالج اللى ف سنانك
بتضحك وفاكر هنبكى عشانك
انته اللى هنت بلدك ومحدش اهانك
يا برودك يا شيخ
ووساخه لسانك
ظلمت بلدك ليه
ظلمت اهلك ليه
ظلمت ولادك ليه
وقلب مصر اللى اتوجع
مخفتش يوم عليه
كنت فاكر لحد امته هتداريه
كنت فاكر ان مال امنا راح تعلى بيه
دلوقت يا بطرس اصبحت ايه
معدش باشا معدش بيه
معدش ليك عندنا غير الحساب
انته وعصابتك وحنصفيه
وكبير العصابه
حناخد حقنا فيه
وعزك بتاع الحديد
لما هزوره
هاخد له طبله
يمكن يدندن ويغنى لحن
يرقص الصراصير عليه
ظلمت ليه ليه البلد
وكنا كلنا اخوانك
ولا عمر يوم مننا حد يكون هانك
يا حلاوه ودانك
والفالج اللى ف سنانك
بتضحك وفاكر هنبكى عشانك
انته اللى هنت بلدك ومحدش اهانك
يا برودك يا شيخ
ووساخه لسانك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس