مقتطفات.......... من زمن فات"2"

**Serag Magdy** · 5 - 6 - 2011, 04:30 PM

السلام عليكم من جديد
نأسف لأن النت عندي بعافية اليومين دول
ثم انا اساساً مش فاضي والله
الشغل مبهدلني
عقبال عندكم اشتغلت وظيفة جديدة
باحث عن عمل
شغلانة مرهقة فعلاً لدرجة ان انا جات لي فرصتين سفر بس كنت مشغول في الشغل شوية
نرجع بقي لمرجوعنا
المرة اللي فاتت جيبت موضوع مميز للعضو احمد الزعيم
رغم اني كنت متخوف بعض الشئ الا اني الي حداً ما وجدت الموضوع اعجب بعض الناس فحبيت اتكلم النهاردة عن يوزر تاني
-يوزر مفتري بعض الشئ الا انه مثال لليوزر التحفة والله
-خريج المدرسة الاستفزازية يعني ممكن يكتب رد علي موضوع صاحب الموضوع ممكن يبيع الكمبيوتر بسبب الرد بتاع اخينا
-العضو الوحيد اللي انطرد من موقع بسبب سمايل
يعني تخيل كدة واحد داخل حط الاسمايل ده في رد يروح مطرود
-مثقف الي درجة الجنون........يعني كلمه في اي حاجة تلاقيه شغال معاك مش بيقول لا
سباكة ماشي
نجارة شغال
الفيزياء النووية مش ها يقول لا
دين ها تلاقيه برنس
يعني من الاخر كدة موسوعة متحركة
مجادل درجة اولي
خفيف الدم
عيل جدع واحيانا بيفهم
علشان مطولش عليكم بس
اليوزر ده هو
عبقرينو
جينيس الشوقة كما كنت احب ان اطلق عليه في الكافيه
اليوزر رقم 3
السن 25 سنة
انا ابقي عمه
فيومي.... من بلدنا يعني، خريج كلية تجارة بعد رحلة عذاب زي حالاتي كدة
في السعودية حالياً
علشان تشوفو الروح اللي كانت بتميز الكافيه في الوقت ده ممكن تشوفو الصور دي
كنت انا وهو مشرفين عموم ع الكافيه
وكنت كاتب حاجة في قسم الاشراف تحت
كنا بنعامل القسم ده علي اساس انه اودة نوم مثلاً
او شقة محدش فيها الا انا وهو وعلي
كنا ممكن نشتم بعض عادي
ندور في القسم ده بالشورت ...عادي برده

كنت طلبت من علي حاجة وعملها.طبعاً لازم نشكره

طبعاً كانت لينا طريقة مميزة للشكر بس عمنا عبقرينو كان ليه تعليق

بس ها اسكتلوه؟؟؟؟طبعاً لا

المهم يعني
الجدع ده مقعدش هنا فترة طويلة
علشان كدة كانت مواضيعه قليلة بس كانت جميلة
منها علي سبيل المثال:-هي دي رموزك الحقيقية يا مصر&اينشتين في سطور&سلسلة تعليم الفوتوشوب من اعدادي

الموضوع بقي اللي حبيت اجيبه النهاردة هو موضوع:- هو احنا مش اسلاميين ولا ايه؟

السلام عليكم ورحمة الله وبركاته

بأمانة الموضوع ده كان عبارة بين نقاش بينى وبين واحد صاحبى وكان بيحكيلى حاجة حصلت معاه ... المهم ده اللى قاله صاحبى على لسانه :

" سمعت حوار لزعيم حزب الكرامة اللى انا مش متذكر اسمه دلوقتى بيتكلم فيه عن أهداف الحزب وكده المهم عجبنى أوى كلامه وقعدت بدها أفكر فى اللى قاله ومقتنع جدا بيه حتى قررت أنى أروح اشترك ف الحزب ده وانى اكتب فى الجريدة بتاعتهم ببلاش المهم اتصلت بيهم وكنت رايح مقر الحزب خلاص .... تصادف وسمعت حوار تانى ليه وبيقول فيه " احنا مالناش علاق بالاسلاميين أحنا حزب منفصل ومستقل " الكلمة دى ضايقتنى أوى ....

يعنى هو فى اسلاميين وغير اسلاميين يعنى أنا مثلاً مسلم لكن مش اسلامى !

قلتله: ما علينا

ما علينا ازاى

ثم ايه موضوع عصام الحضرى ده كمان ؟

البلد كلها قامت ومقعدتش علشان عصام ساب البلد ومشى , طيب وأيه يعنى ما ياما ناس سافرت وسابت البلد لكن كنت بتبقى محملة وسارقانا اشمعنى بقى عصلم اللى زعلانين منه .

طيب انت عارف - صاحبى بيقولى يعنى - انا بشجع الأهلى ليه وفرحت لما المنتخب كسب ليه لأنى أخيراً لاقيت حاجة صح فى بلدنا وحاجة اتعملت صح .وقال أيه يقولولك كنا بنصحى نصلى الفجر ونقعد ندعى ربنا اننا نكسب قال يعنى عمرو بيه زكى اللى عندى ليه صور على الكمبيوتر وهو قاعد فى كباريه وقدامه البيرة والبنات قاعدين معاه كان بيصلى كل يوم الفجر ويقعد يدعى ربنا انه يكسب ...

على العموم ربنا يهدى العاصى ..."""

كده صاحبى خلص كلامى وطبعاً انتوا شايفين انه اتكلم فى كذا حاجة مالهومش دعوة ببعض لكن انا شايف انه عنده حق وللعلم انا اختصرت الحوار كتير وشلت كلام كتير أحسن انتوا عارفين الظباط اديهم تقيلة ؟

يارب الجزء ده يعجبكم
وانتظرونا في الحلقة الجاية
مع يوزر جديد قديم

**Mr.Karsa** · 7 - 6 - 2011, 12:40 AM

المشاركة الأصلية كتبت بواسطة Serag Magdy

السلام عليكم من جديد

و عليكم السلام و رحمة الله ..

ثم انا اساساً مش فاضي والله

لاء في دي معاك حق ..

الشغل مبهدلني

ده حقيقي ..

عقبال عندكم اشتغلت وظيفة جديدة
باحث عن عمل

يا أخي مش تقول من الاول ..

و انا اللي كنت فاكر , صحيح إن بعض الظن إثم ..

المهم يعني
الجدع ده مقعدش هنا فترة طويلة
علشان كدة كانت مواضيعه قليلة بس كانت جميلة
منها علي سبيل المثال:-هي دي رموزك الحقيقية يا مصر&اينشتين في سطور&سلسلة تعليم الفوتوشوب من اعدادي

ياما يا اخي و الله الجدع ده ابهرنا بـ علمة الفياض ..

و ياما عزمنا برده ..

وانتظرونا في الحلقة الجاية
مع يوزر جديد قديم

أتمنى انها تكون خلال 2011 ..