العشق للنافوره المصريه ... (( ســــــر لا يعـــرفه احــــــد )) شاركنا

**• JuSt MeMbEr •** · 8 - 6 - 2011, 10:07 PM

اهلاّ وسهلا بيكم اعضاء منتدى مصراوى كافيه
الموضوع ده يعتبر اول مساهمه بجد ليا ...
اتمنى ان الموضوع يعجب حضراتكم جميعاّ
هو مش FULL COMEDY بس مناقشه لموضوع بشكل ساخر

لما نتكلم جميعاّ عن النفوره .. يبقى مفيش نفوره لها جاذبيه فى العالم اد النفوره المصريه

لما نمشى فى شوارع اى مدينه مصريه

زى اسكندريه ، القاهره ، الاسماعيليه

بنلاقى حاجه ملفته للنظر

كل خطوتين نافوره !!!! ... وبعدين المواطن المصرى
بطبيعته عاشق للنفوره

ايه السبب متفهمش ولا حد يعرف ...

تلاقى الام كده مبسوطه ملبسه عيالها وواخدين معاهم شربهم واكلهم ومستعدين لرحلة سفارى طبعا رايحين عند النافوره

اناكنت زمان من ضمن اطفال كتير معتبرين النافوره هى من ازهى واجمل اشكال الفسح اللى ممكن تتراح

فا كنت بقا وانا عيل صغير البس بقا واتشيك ومدام لبست واتشيكت ومدام انت طفل مصرى اصيل ...
اعرف انك رايح تلعب جمب النافوره .. علطووووول بدون نقاش

بس لما بدأت اكبر .. بدأت اسئل نفسى
" هو ايه وجهه المتعه فى النافوره "

والمشكله اللى بجد إن تقريبا 87 % من
" النافورات او النوافير " عذراّ معرفش جمعها

معظمها مش شغاله ...

وبعدين بدأت افكر تانى فى موضوع النافوره ..

بس لما بدأت اشوف فى شوارع الاسكندريه حاجات غريبه
وهى كالتالى ::

بدأت الاقى ناس بتفك السيراميك بتاع النافوره وبتبيعه

يا نهااار ابيض .. فبدأت اتخيل ان الحكومه بتعمل كده خوفاّ علينا وعلى مصالح الشعب

بمعنى :: انها بتعمل نافوره عشان الحراميه يتلهو فيها ويلاقو حاجه ينشغلو فيها ... اهم بقا يفكو و يسرقو سيراميك الارضيه او ياخدو صفايه .. اهى اى حاجه تتباع

اه متستغربوش ... النافوره بتتسرق

يعنى هو حد بيسرق غطا " البلاعات " فى العالم كله

فى مصر 70% من الغطيان مسروقه بالفعل

نرجع لموضوعنا وبعدين بدأت افكر قولت يمكن سر
الحب للنافوره هو شكل الميه ... طب محنا عندنا حنفيات فى البيت !!!

وبعدين بنلاقى باعه جائلين جمب النافوره ....

طبعا مهو مكان بترتفع فيه الكثافه السكانيه
فلازم تتوافر فيه فرص العمل

للباعه الجائلين -- " بتاع دره ، بتاع ترمس ، ممكن نلاقى بتاع مراجيح " ... مهو لازم امال الاطفال حتلعب من اول النهار لاخره فى النافوره بس

وصحابنا التانيين اللى بيسرقو سراميك الارضيات

( تعتبر فرص عمل برضه ... لانها بتعود عليهم بمال )

فى نهاية الموضوع انا الحقيقه مش عارف لحد دلوقتى
ايه السر العاطفه اللى عند المواطن المصرى للنافوره
العاطفه اللى مش موجوده عند اى مواطن فى العالم

عاوز اعرف رأيكم فى النافوره

كان معكم زكريا من امام "النافوره"

**brokenheart** · 8 - 6 - 2011, 10:22 PM

ههههههههههههههههههههههه

مش عارف والله انا اول مرة اسمع عن حكاية النافورة دي
يمكن عشان كنت عايش في سينا

في انتظار تجارب الاعضاء مع النافورة

وتسلم ايدك يا زيكو ع الموضوع

تحياتي لكــــ

**• JuSt MeMbEr •** · 8 - 6 - 2011, 10:27 PM

المشاركة الأصلية كتبت بواسطة brokenheart

ههههههههههههههههههههههه

مش عارف والله انا اول مرة اسمع عن حكاية النافورة دي
يمكن عشان كنت عايش في سينا

في انتظار تجارب الاعضاء مع النافورة

وتسلم ايدك يا زيكو ع الموضوع

تحياتي لكــــ

يمكن بقا عشان فى سينا...

على العموم نورت يا معلم الموضوع

**بنوتة مصر 2** · 8 - 6 - 2011, 10:34 PM

غريبه اوي بس حلو

ان حد يحب جمال الطبيعة

**~~ياسمين14~~** · 8 - 6 - 2011, 10:38 PM

هههههههههههههههههههههه
فعلا عندك حق بس احنا
زمان كنا بنروح الجناين علشان
نشوف النفورة بس مش كتير
وبس كنت تلاقى الناس حوليها
امم واللى بيصورها مش فهمة فيه
اه وهية فى الاول وفى الاخر مية
بس انا وصلت لحل ديما كدة بتلاقى الناس
صحاب المحلات يرشوا ادام محلاتهم ويقولولك
تراوة ومعظم الناس اللى بتروح للنفورة بيروحوا
فى الصيف فيمكن يكون شيفين ان ده التراوة
بالنسبة لهم او نفسهم ينزلو يبلبطوا فيه
شوية لو مبيرحوش مصايف زى ماحصل فى فيلم
امير الظالم هههههههههههه

**• JuSt MeMbEr •** · 8 - 6 - 2011, 10:44 PM

المشاركة الأصلية كتبت بواسطة بنوتة مصر 2

غريبه اوي بس حلو

ان حد يحب جمال الطبيعة

نورتى الموضوع

والحمد لله إن الموضوع عجبك ....

**• JuSt MeMbEr •** · 8 - 6 - 2011, 10:47 PM

المشاركة الأصلية كتبت بواسطة ياسمين14

هههههههههههههههههههههه
فعلا عندك حق بس احنا
زمان كنا بنروح الجناين علشان
نشوف النفورة بس مش كتير
وبس كنت تلاقى الناس حوليها
امم واللى بيصورها مش فهمة فيه
اه وهية فى الاول وفى الاخر مية
بس انا وصلت لحل ديما كدة بتلاقى الناس
صحاب المحلات يرشوا ادام محلاتهم ويقولولك
تراوة ومعظم الناس اللى بتروح للنفورة بيروحوا
فى الصيف فيمكن يكون شيفين ان ده التراوة
بالنسبة لهم او نفسهم ينزلو يبلبطوا فيه
شوية لو مبيرحوش مصايف زى ماحصل فى فيلم
امير الظالم هههههههههههه

هو ده اللى بتكلم عنه
كنتى بتروحى الجنينه بس برضه كنتو بتشوفو النافوره

وبرضه يمكن يكون كلامك صح .. إن الناس بيروحو عشان الطراوه

بس لسه محتارين برضه ... ايه سر عشق المواطن المصرى للنافوره

نورتى الموضوع .... وشكراّ على المرور الجميل

**قطره ندي** · 8 - 6 - 2011, 10:47 PM

ههههههههههه
توبيك حلو اوي
سؤال يطرح نفسه
ليه الناس بتحب النافوره
انا اقول لك

يمكن عشان حاجه جديده او
مثلا شكلها حلو الله هو اعلم
واهلا بحضرتك نورت مصراوي
وبدايه جميله اوي

**بنوتة مصر 2** · 8 - 6 - 2011, 10:50 PM

واالله عندك حق يا ياسمين بس بجد يعني نفورة دلوقتي مبقتش نفورة بسبب التلوث والحاجات دي

**~~ياسمين14~~** · 8 - 6 - 2011, 10:53 PM

وبعدين معاك يا زكروتة
اه ينجم مالكش دعوة
يعم بيهم باه سيبهم
يعملوا اللى هما عيزينه
انت هديقهم ليه كل
واحد وليه حاجة مهيسة
كدة بيعملها ومش فاهم هو
بيعملها ليه يعنى مثلا انا
بروح المدرسة ليه واه لازمتها
اهى حاجة مهيسة وخلاص

الموضوع: العشق للنافوره المصريه ... (( ســــــر لا يعـــرفه احــــــد )) شاركنا

أدوات الموضوع

العشق للنافوره المصريه ... (( ســــــر لا يعـــرفه احــــــد )) شاركنا

معلومات الموضوع

الأعضاء الذين يشاهدون هذا الموضوع

المواضيع المتشابهه

عندما تتكلمـ الاحاسيسـ الجميعـ يعلنـ الصمتـ ؟؟؟

شوفوا الصوره دى والى عاوز يعلق يعلق انا مليش دعوه ومش مسئول عن رد حد

لا أعرفه فلم يضيعني فكيف يضيعني اليوم وأنا أعرفه

وسع يا جدع لللاسكندرانيه يعني البحر المتوسط يعني بحري وسمعني ترحيب شحط محط يلا

الكلمات الدلالية لهذا الموضوع

ضوابط المشاركة