احنا بنكتب ليه ولمين

[tifa]

سؤال أحيانا بيدور فى راسى كلما قرأت بعض المشاركات والردود, إحنا ليه بنكتب فى المنتدى؟..ولمين بنكتب؟

مش هقولكم إيه الإجابات اللى دارت ولفت فى راسى, بس هقولكم ليه أنا بسأل السؤال ده.


* كل ما ألاقى عضو ناشر موضوع وعايزنى أتفق معاه أو على طريقة ( إنتا معانا ولا مع التانيين!!)
أسأل نفسى ليه بنكتب ولمين؟

* كل ما أشوف عضو ناشر كلام هوه مش فاهمه وزعلان لما حد كبير رد عليه.

أسأل نفسى بنكتب ليه ولمين؟*
*كل ما أشوف عدد الزوار لموضوع 600 شخص, وعدد الردود 7 , أستغرب وأسأل نفسى.

إحنا بنكتب ليه ولمين؟
* كل ما أشوف أربعة أصدقاء ينصروا صديقهم صاحب الموضوع ظالم او مظلوم.

أسأل نفسى, بنكتب ليه ولمين؟

* ولما أشوف موضوع يهم كل فرد فى مجتمعنا, يرد عليه 5, واكتر من 70 يردوا على موضوع مايهمش إلا صاحبه.
أسأل نفسى, إحنا بنكتب ليه ولمين؟

هسيبكم مع السؤال ده
وياريت حد يجاوبنى
أحنا بنكتب ليه ولمين؟

[دودويويو]

معاك حق والله
مكن يكون الكسل احد الاسباب

[شمس]

مش هقولكم إيه الإجابات اللى دارت ولفت فى راسى, بس هقولكم ليه أنا بسأل السؤال ده.
اكيد لو عرفناالاجابات حنعرف نرد عليك
كل ما ألاقى عضو ناشر موضوع وعايزنى أتفق معاه أو على طريقة ( إنتا معانا ولا مع التانيين!!)
أسأل نفسى ليه بنكتب ولمين؟
اولا مفيش حد من الاعضاء بيقولك اتفق معايا على موضوعي او انت معانا ولا مع التانيين الكل هنا زي بعض وانا وانت وهو وهي
مش مجبرين نكون في صف حد احنا مع الجيد والممتاز دايما
كل ما أشوف عضو ناشر كلام هوه مش فاهمه وزعلان لما حد كبير رد عليه
الصغير مصيرو يكبر ولي نشر كلام مش مفهوم بكرة
يفهم ويتعلم بمساعدة الكبير ونصحو وارشادو لان الكبير كان
بردو صغير
كل ما أشوف عدد الزوار لموضوع 600 شخص, وعدد الردود 7 , أستغرب وأسأل نفسى
مش معنى ان الردود قليلة ان مفيش حد قرا الموضوع
بالعكس سعات كثيرة بتبق واقف قدام موضوع ومش لاقي
العبارات الي ترد عليه بيها مش عجز منك انما جمالية
الموضوع هي السبب
كل ما أشوف أربعة أصدقاء ينصروا صديقهم صاحب الموضوع ظالم او مظلوم
اكيد مش دايما وسميها يا اخي مجاملة ليه او تشجيع منهم
ويمكن نصرهم بمثابة قرص ودن ليه بس بطريقتهم
أحنا بنكتب ليه ولمين؟


لو فضلت تقول ليه ولمين ولا عمرك حتكتب حاجة
الي لوه هدف بيجري وراه عشان يحققو
ولا بيسال ليه ولمين
اكتب واكلم وقول لانك هنا عشان مواضيعك توصل للناس
حتى لو مفيش حد زارها ولا رد عليها بردو انت واصل
واكتب ولي متاكدة منو مية في المية
ان مفيش مجهود بيروح كده ببلاش
واهم شيء انك بتكتب لنفسك وبقلمك وبتقول الي انت مقتنع بيه
يارب اقدر اكون وصلتلك المعنى

[mona roshdi]

احنا بنكتب مرة قصة تكون موعظة او بيت شعر لة هدف يوصل للآخرين واكيد كل واحد فينا بيكتب حاجة علشان توصل كلمتة علشان النبى علية افضل الصلوات قال من منكم يجد منكرا فليغيرة مالم يكن بقلبة فابلسانة وهذا اضعف الايمان
علشان كدة ياتيفة الكاتب بيكتب علشان كلمتة توصل
والممثل بيمثل علشان دورة يسمعة كل مشاهد
وانت دلوقت كتبت علشان توصلنا اللى انت عاوز تقولة مش كدة ولا آية
مصراوية جديدة وبتحب قوى مصراوى كافية

[طيف عابر]

تسلم الايادي تيفه

نكتب لان عندنا فكرة قد نكون معها او ضدها ونريدها ان تصل لاكبر عدد ممكن من الاعضاء

لا نطلب من الاخرين ان يوافقونا الرأي بل على العكس نتمنى اراء اخرى لنناقشها معاً

التكتلات ان وجدت فللاسف تكون مكشوفه وشخصياً لا يوجد من يتفق معى في الرأي لمجرد اننا اصدقاء

نحاول ان نعبر بطريقة سلسه بسيطة عما نريد ان نوصله للآخرين

مشكور جدا تيفه وانت كتبت لنا
وحتى تخلينا نفكر اكتر لما نقرر نكتب

[tifa]

متشكر جدا علي تفاعلكم مع الموضوع
كتبت هذا الموضوع لان وجدت ظاهره غريبه موجوده في المنتدي عندما اغيب يومين مثلا عن المنتدي واريد ان اتصفح المواضيع الجديده اجد انها في يومين فقد تفوق المائه موضوع
مش فاهم ليه هل بنكتب علشان يبقي عندنا رصيد بس مش مهم الفائده::::::::::::::::::::::::::::::
وممكن الاقي واحد في خلال خمس دقائق كتباكتر من ثلاث مواضيع ونزلهم المنتدي مش عارف كتبهم ازاي في الوقت ده ونزلهم كمان
واتمني ان اجد كتاب يكتبون من وحي خيالهم وليس كوبي وبست

[خاطر]

والله بجد موضوع جميل وعندك حق فى المنتدى ده بتحصل حاجات غريبه زى ماقولت بس كله بقى يبدا يطور من نفسه

[ساندرا]

جزاك الله خيرا اخى ومش الكل بيكتب كوبي وبيست ومش الكل بيكتب اكتر من تلات مواضيع وفي ناس هيكى وناس هيكى والمنتديات كلها متل بعضها وانا شايفه انه نحنا افضل والحمدلله