الفراشة والسجين

[mona roshdi]

فى بلد بعيد وفى مكان ميسكنوش انسان كان هناك سجن كبير
وكان عايش جوة السجن دة راجل وحيد لا معاة انيس ولا جليس
وكان جوة السجن دة فاتحة صغيرةفوق علشان يشوف منها الليل من النهار
وفى يوم وهو وحدة دخلت علية اجمل مارأت عينة فراشة اتجمع فيها كل الوان الكون
فرح السجين بلفراشة وقالها تعالى اقعدى معايا
الفراشة قالتله انا بحب اطير قالها طيب خدى دة وكلية ومن خير ربنا وعلى قد المقسوم لى تشاركينى بة بس تسلينى ومتمشيش
الفراشة وافقت وجلست معاة وهو كان فرحان ومسروروبعد الاكل قالتلة انا لازم اطير
وحرجع تانى اكيد
اصبحت الفراشة بتجيلو كل يوم تاكل وتشرب وهو يسيب لها اكلة علشان بس يشوفها
وفى اليوم التانى مجتش الفراشة ومرت الايام والايام والايام وهو حزين
لكنة نام وقال لنفسة مش لازم ايأس هى لازم حتيجى
وحلم وهو نايم بالفراشة وهى جيالة وعلى جناحها حطاة وطارت بة من الفتحة الصغيرة وخرجتة من السجن الكئيب وشاف اجمل ما شاف ومن الزهور اشكال والوان
وصحى من الحلم وهو سعيدان لازم الانسان حتى لو كان سجين يكون عندة امل
وامل كبير ان حلمة ممكن يتحقق فى يوم من الايام
اية رايكم مش بردة احنا لازم يكون عندنا امل فى الدنيا والحياة

[طيف عابر]

قصه جميله وفيها لمحة امل لا بد لنا جميعا ان نحيا به
تسلمى منى ومشكورة جدا

[mona roshdi]

اشكرك من قلبى ياطيف على مرورك ياعسولة مصراوى كافية

[Dr: Adnan]

صحيح اختي لازم يكون عندنا امل بس لا تنسي ان طول الامل يؤدي الى تأخير التوبه والاستمرار على البعد عن الله عزوجل بمعنى ( انا لسه صغير ، انا لما اكبر اصلي واصوم ) وتمر الايام واذا به قد فارق الدنيا وهو عايش على طول الامل
تحياتي لك والى المزيد ان شاء الله

[خاطر]

عندك حق لازم يكون عندنا امل فى الحياه
قصه جميله تسلم الايادى

[ميدو الجامد أوى]

بجد قصة جميلة اوى والهدف منها أجمل....مشكوووووره

[mona roshdi]

عندك حق يازيد بس انا بتكلم على الانسان اى انسان ميفقدش الامل وان الله سبحانة وتعالى قادر ان يحيى العظام وهى رميم
الامل ثم الامل ثم الامل
واشكرك اخى زيد لمرورك الكريم

[mona roshdi]

ااشكرك ياميدو وتحياتى لك ياخاطر على مرورك الكريم