.. اللغــه العبـــريـــه ..

**ورقه** · 18 - 11 - 2007, 12:04 AM

طبعا كلو عارفين انى اداب عبرى

و لازم اقرفكو زى ما انا مقرفا يعنى مش هتقرف لوحدى
ماهو اصل حاجه من الاتنين يا هقرفكو يا هقرفكو .

اللغه العبريه لغه سهله جدا جدا جدا

و يمكن كمان اسهل من العربى

اه اسهل من العربى بكتييير ..

اللغه العربيه فيها اعراب .. و لغه اشمل و اقوى من اللغه العبريه عشان كدا القراءن الكريم نزل باللغه العربيه ..

اللغه العبريه ملهاش اعراب ..

طبعا فيه تشبه كبير الى حد ما بين اللغه العبريه و اللغه العربيه .

طبعا دى حاجات بسيطه و قواعد عامه مش توغل يعنى .

اول حاجه طبعا الحروف
و هى 22 حرف ..

و اللغه العبريه فيها حروف قديمه اللى هى مكتوب بيها التوراه .. و فى حروف اسمها الحروف اليدويه اللى هى فيما يقابلها الخط الرقعه فى العربى

و الحروف الاتنين مستعملين ..

بتتكتب من اليمين للشمال زى العربى

و حروفها مش متشبكه .. يعنى زى الانجليزى و الفرنساوى ..

و ادى الحروف ..

א .... يلفظ >> أليف

ב .... يلفظ >> بيت

ג .... يلفظ >> جيميل

ד .... يلفظ >> داليت

ה.... ويلفظ >> هيه

ו .... ويلفظ >> فاف

ז .... ويلفظ >> زاين

ח .... ويلفظ >> حيت

ט ....ويلفظ >> تيت

י .... ويلفظ >> يود

כ .... ويلفظ >> كاف
ך... كاف ولكن في اخر الكلمة

ל .... ويلفظ >> لاميد

מ .... ويلفظ >> ميم
ם ....ميم ولاكن في اخر الكلمة

נ .... ويلفظ >> نون
ן ....نون ولكن في اخر الكلمة

ס ....ويلفظ >> سامخ

ע .... ويلفظ >> عاين

פ .... ويلفظ >> فيه

ף .... فيه في اخر الكلمة

צ .... ويلفظ >> تسادي

ץ .... تسادي ولكن في اخر الكلمة

ק .... ويلفظ >> كوف

ר.... ويلفظ >> ريش

ש .... ويلفظ >> شين

ת .... ويلفظ >> تاف

و دى الحروف اليدويه ..

و فى جمله بنقولها عشان نحفظ الحروف بالترتيب و تبقى سهله

اللى هى .

ابجد هوز حطى كلمن صعفس قرشت

و دا موقع للنطق للى عايز يسمع نطق الحروف صح ..

^ ^ ^ ^
^^^^
^^
^

http://www.akhlah.com/aleph_bet/aleph-bet.php

انا جبت الحروف كدا ..

عشان تعرفوا تاخدوها كوبى و باسط .. و تكتبوا اساميكو ..

يلا بقى .. كل واحد يدخل ياخد حروف اسمه و يكتبها ..

ورقــــــــــــ ,, ـــــــه

**AYOOOOOYA** · 18 - 11 - 2007, 12:21 AM

حلو اوىىىىى يا لولى

و أرفينا يا حبيبتى

احنا حايين هنا اصلا عشان نغتت نرزل و نكره بعض

بس و الله نطأ الحروف عسل اوى

بس حقيقي الحروف شبه بعض بغباء

איזזזזזיא

هههههههههههههه بزمتك ده اسم

انا حسه انو تعويزه

هتخفى اسمي

ميرسي يا لولى على الموضوع الهايل

و مستنيه باأى الدرووس

**ورقه** · 18 - 11 - 2007, 12:28 AM

انتى عارفه يا ايه انتى كاتبتى ايه ؟؟

ايززززززززززززززززا

مش ايووووويا ..

ههههههههههههههه

حرف الزال و الواو شبه بعض اه

بس انا كاتبه حتى جانبها ان دى زال و دى واو
ههههههههه

كدا اسمك يا توتا

איוווווויא

اه سورى هو ممكن يكون الغلط عندى عشان ماكتبتش الحروف العربى

طب ثوانى و هنزلها عشان ماحدش يتلخبط تانى

ورقـــــــ ,, ــه

**ورقه** · 18 - 11 - 2007, 12:33 AM

أ .. א .... يلفظ >> أليف

ب .. ב .... يلفظ >> بيت

ج .. ג .... يلفظ >> جيميل

د .. ד .... يلفظ >> داليت

هـ .. ה.... ويلفظ >> هيه

و .. ו .... ويلفظ >> فاف

ز .. ז .... ويلفظ >> زاين

ح .. ח .... ويلفظ >> حيت

ط .. ט ....ويلفظ >> تيت

ي .. י .... ويلفظ >> يود

ك .. כ .... ويلفظ >> كاف
ך... كاف ولكن في اخر الكلمة

ل .. ל .... ويلفظ >> لاميد

م .. מ .... ويلفظ >> ميم
ם ....ميم ولاكن في اخر الكلمة

ن .. נ .... ويلفظ >> نون
ן ....نون ولكن في اخر الكلمة

س .. ס ....ويلفظ >> سامخ

ع .. ע .... ويلفظ >> عاين

ف .. פ .... ويلفظ >> فيه

ף .... فيه في اخر الكلمة

ص .. צ .... ويلفظ >> تسادي

ץ .... تسادي ولكن في اخر الكلمة

ق .. ק .... ويلفظ >> كوف

ر .. ר.... ويلفظ >> ريش

ش .. ש .... ويلفظ >> شين

ت .. ת .... ويلفظ >> تاف

ورقـــــ ,, ــــــــه

**AhMeD El-Za3eEm** · 18 - 11 - 2007, 04:01 AM

אחמד אלזעימ
هههههههههههههههههههه
كتهم نيلـــــة دا خــط بالذمــــة
يلا ميرسي يا لولي بجد بجد بجد موضوع فــــوق الرائع
تسلم ايديك عليــــــــه
تقبلي إحتـــــراماتي

**أحمد عمر** · 18 - 11 - 2007, 06:22 AM

אחמד עמר

أنا متابع ...كمان كنت اقترحت اننا نعمل منتدى او فرع كامل للغه العبريه ..لان سمعت اننا عندنا انتنين عبرى ..انتِ..وا امممممم..مش فاكر

...
ع كلا انا متابع ان شاء الله معاكِ

ورقـــــ ,, ــــــــه

دمتم مبدعه

**ورقه** · 18 - 11 - 2007, 02:46 PM

يا جـــــــــــــامد يا احمد

صح يا معلم اسمك

ههههههههههه و بعدين هى الحروف بتاعتهم كدا .. هنعملهم ايه بس انا خلاص اتعود عليها .

احمد عمر صح اسمك .يا باشا .

اه و انا كمان مش فاكره مين .

تسلمـ ..

ورقــــــــ , , ـــه