عـــــــــــــــايز حـــقي

**SCREEM** · 12 - 6 - 2011, 05:38 PM

ماقبل وما بعد الثوره نظره سريعه

30 سنه وكنا بنقول ان البلد مسروقه لحد ما صوتنا راح سقط نظام الفرعون مبارك ولسان حال الشعب بعد السقوط كان ( دعوه للبناء) اما الان

رايح فين ياحاج نازل اعتصم يا ابني: ليه : عايز الحق حته من التورته طب ما تشتغل ياحاج البلد حالها واقف : يا ابني انا بقالي سنين شغال وبتسرق كفاياني كده انا عايز حقي .. انا عـــــايز حقي ..... عـــــايز حقي.. عـــــايز حقي

صدي صوت الكلمه كنت حاسس انه خرج من بق 85 مليون واحد في نفس واحد عايز حقي
البلد كانت في ايد عصابه وكانت بتتسرق ولما جات الفرصه عشان نبنيها بايدينا

ظهرت فلسفه المواطن الفرعوني ابو 7 الاف سنه الي من يوم ما وعيت ع الدنيا ال7 الاف دول مابيزيدوش يوم وبقت ظاهره المطالب الفئويه زي ساندوتش الفول الي بنضربه كل يوم من عربيه عم فوزي ومع طبق الفول لازم شويه تحابيش

طبق صراع ( الاخوان مع السلفيين)
ورغيفين اعتصام الاقباط

وبالهنا والشفا

شوفت كتير وقليل زي انتخاباتك يامصر مشوفتش لازم نعمل حاجه جديده والا منبقاش مصريين انا الي اعرفه ان كل بلد كان بيترشح منها اتنين تلاته بالكتير طبعا علي حسب ماتابعت انهم حوالي عشره والعشره بسم الله ما شاء الله نازلين تقطيع ف بعض وان شاء الله اي حد معندوش شغل يجهز الورقتين ويضربله كام توقيع واهي تبقي سبوبه حلوه يطلعلو منها بقرشين ويبقي ريس علي 85 مليون فهلوي

اسف لعدم دخولي الفتره الي فاتت وطبعا انا دخلت كتبت كلمتين بسرعه بس ده طبعا لظروف التجنيد والجيش

اقعدو بالعافيه

**حرف مشتعل** · 12 - 6 - 2011, 06:53 PM

حمد لله على السلامه
افتقد السياسى حضوركم جميعا
فعلا محق
كل يدور على حقوق بلا واجبات
سلمت اليمين

**SCREEM** · 13 - 6 - 2011, 01:07 AM

المشاركة الأصلية كتبت بواسطة حرف مشتعل

حمد لله على السلامه
افتقد السياسى حضوركم جميعا
فعلا محق
كل يدور على حقوق بلا واجبات
سلمت اليمين

السياسي والمنتدي منور بالاعضاء المحترمين الي فيه وغيابي لم يؤثر لان الموجودين افضل مني في اداره القسم والمنتدي

نورتي الموضوع الف شكر لمرورك الجميل

**~DREAM~** · 13 - 6 - 2011, 01:25 AM

بجد والله موضوع رائع
وعودة اكثر من رائعة
فلنا فترة طويلة لم نتعلم ابجديات السياسة بعد رحيلكم
فدمت متالق ويا رب دايما منور الكافية
الف حمد لله على سلامة حضرتك
تحياتى
DREAM

**SCREEM** · 13 - 6 - 2011, 10:54 AM

المشاركة الأصلية كتبت بواسطة ~DREAM~

بجد والله موضوع رائع
وعودة اكثر من رائعة
فلنا فترة طويلة لم نتعلم ابجديات السياسة بعد رحيلكم
فدمت متالق ويا رب دايما منور الكافية
الف حمد لله على سلامة حضرتك
تحياتى
DREAM

اربنا يخليكي يادريم المنتدي منور بيكي وبكل الناس الي فيه من اجدد عضو لاقدم عضو وان شاء الله المنتدي يفضل رقم واحد دايما

الف شكر لمرورك الجميل نورتي

**brokenheart** · 13 - 6 - 2011, 11:21 AM

فعلا يا سكريم كلامك صح

المطالب الفئوية كترت جدا

وللاسف محدش عايز يصبر

طب ما بقالنا 30 سنه واخدين بال .... عفوا يعني و محدش كان بيفتح بؤو

اعتقد فئه كبيرة من الشعب مكانتش لسه مهيئه للحرية
( يارب ملاقيش حد يقولي خاين عميل و فلول بقي )

_ _ _ _ _ _ _ _ _ _ _ _ _

بالنسبة بقي لمرشحين الرئاسة كترتهم مش عيب
اعتقد ده بيفتح مساحة اكبر للاختيار وبالتالي منافسة حامية
وبالتالي الجميع سيقدم افضل ما لديه وده من مصلحتنا

بس المشكلة في التوقيت
هو احنا لسه عندنا دستور ؟!
هو لسه رشحنا مجلس الشعب ؟!
هو لسه قررنا هنلغي مجلس الشوري ولا لأ ؟!
هو لسه جبنا حكومه ؟! الحكومه الحاليه مجرد حكومة انتقالية

غريب جدا ناس بتتنافس علي مين اللي هيقود السفينة في حين ان السفينه لسة متصنعتش اصلا !!

واخيرا
تسلم ايدك ع الموضوع
تحياتي لكــــ

**~DREAM~** · 13 - 6 - 2011, 11:32 AM

الموضوع بجد روعة سكريم
حضرتك اتكلمت فى نقطتين مهمين جدا سواء المطال الفئوية
وان كل واحد دلوقت عايز حاجة يقوم معتصم
ومطالب اصلا مش وقتها بس ازاى ما احنا بعد الثورة

تانى حاجة موضوع انتخابات الرئاسة
الحكاية فعلا زادت عن حقها الموضوع بقى اكله او تورتة ومين هو الى حيلحق له قطمة
وللاسف ولا واحد من الموجودين يستحقوا فعلا الرئاسة
لا وكمان الى جادد دلوقت ان الموضوع بيوسع مش بتلم والوقت مش فى صالحنا
والناس بتتباطئ فى المحاكمات وكمان سوزان مبارك يفرجوا عنها ويطلع الجوهرى ولا كانه بيزيع ماتش كورة ويقول ان المتهم لو خروجة كان حيثير بلبلة فى الراى العام ساعتها ما نفرج عنه
ده على اساس ان تباطئهم فى الحكم او الافراج عن سوزان مبارك مش حيثير بلبلة او غضب الشعب وثورة الراى العام..

الموضوع: عـــــــــــــــايز حـــقي

أدوات الموضوع

عـــــــــــــــايز حـــقي

معلومات الموضوع

الأعضاء الذين يشاهدون هذا الموضوع

المواضيع المتشابهه

عايز تتعلم صيانة عايز ............؟؟

عايز تتجوز واحده عجباك وعايز تخلى ابوها يوافق غصب عنه

الكلمات الدلالية لهذا الموضوع

ضوابط المشاركة