اسئــــــــــــــلة واجوبـــــــــــــــة بس من الأخر

**ayosha love** · 23 - 8 - 2011, 02:16 AM

فى انتظار محمـــود

**البرنس معاذ** · 23 - 8 - 2011, 11:54 PM

اسئله جميله جداااا
فى انتظار حوده

**ابو تريكه** · 25 - 8 - 2011, 06:21 AM

اولا ميرسى ع الدعوه
وكل سنه وانتى طيبه يا يويو
( ..البيت ..)

- كم رقم ترتيبك في الأسرة؟
اخر العنقود سكر معقود

- من هو الاقرب لك من أعضاء أسرتك؟
والدتى واخويا واخواتى البنات قريبين منى جداااا
- حدد اكتر حاجة بتحب تعملها في البيت؟
كل حاجه واى حاجه
- اكلة بتحبها اوووى؟
محشى ورق العنب
- مشروب يستهويك دائما؟
احيانا القهوه
- ماهو الطلب الملح الذي تطمع به من أسرتك ولم يتحقق حتى الآن؟
حتى الان ايه بس
دول هم اللى بيطلبوا منى ههههههههه
هو كان طلب زمان انى العب ف الاهلى بس طبعا والدى ( رحمه الله ) رفض
- عندما تشاهد التليفزيون :ماهو اكتر ما يشد انتباهك وتحرص على متابعته؟
البرامج الكوميديه والحواريه
واكيد طبعا ماتشات الكوره والمصارعه والتنس
والكرتون والمسلسلات وكله كله يعنى هههههههههه
- ماهي أوقات النوم المفضلة لك؟
بعد الفجر طبعا

(..الحياة ..)

- حكمة تؤمن بها كثيرا ؟
ضاقت فلما استحكمت حلقاتها فرجت وكنت اظنها لا تفرج
اذا كنت ذا قلب قنوع فأنت ومالك الدنيا سواء

- احب الالوان الى نفسك ؟
الموف والبمبى واللبنى والبيج والاسمر كمان
- دولة تتمنى ان تسافر اليها ؟
السعوديه اكيد يارب اكتبلى حج وعمرة
- ماهي الوظيفة التي تتمناها لنفسك؟
الحمد لله مدرس لغه عربيه
اشرف مهنه بعد الرسل والانبياء
اعلمت اشرف او أجل من الذى يبنى وينشأ أنفسا وعقولا
- حدد اسم اليوم الذي تحبه واذكر السبب؟
لا عادى كل الايام حلوه وزى الف عندى
- حدداسم اليوم الذي تكرهه واذكر السبب؟
لا طيره
مش بتشائم لان التشاؤم حرام
- حدد نوع عربيتك المفضلة ولونها؟
هتصدقينى لو قلتلك معنديش عربيه اصلا ههههههه
بس لو ف الحلم اكيد بروش دى عربيات شيك اوى

- مكان بتحبه اوى وتتردد عليه كتير؟
الملاهى بحبها جدا
الارض بردو بحب اروح اقعد ف الخضره
وقبل ده كله حضن والدتى طبعاربنا يخليهالى يارب
- أقرب الاصدقاء الى قلبك ؟
كتير من المنتدى قريبين منى اوىاوى
واكيد محمد صاحبى وانتيمى وبردو هبه دى مدرسه صديقه عزيزه

(..المدرسة ..)

- مدرس لسة فاكره ولية؟
اكيد مدرسه الانجليزى مس فاطمه ثانوى
بردو مس هيام مدرسه عربى ف الاعدادى
مس عزه مدرسه عربى ف الابتدائى
وكلهم كانوا زى القمر بل واحلى من القمر مش ممكن يتنسوا ابدا
الواحد ينسى نفسه ومش ينساهم خالص

- مواد دراسية بتحبها؟
العربى طبعا والانجليزى والتاريخ
- مواد دراسية بتكرهها؟
الفلسفه
- حدد بالضبط مكانك في الفصل؟
اخر ديسك اساسى
والله كنا بنعمل بلاوى مهما تروحوا بخيالكم
مش ممكن تتوقعوا احنا كنا بنعمل ايه
- ايه اكتر مرحلة حبيتها فى المدرسة؟
كل يوم كل ساعه كل دقيقه
الحمد لله انا فرحان ومبسوط بكل حياتى
والحمد لله كلها احلى من بعضها
يارب بقى حسن الخاتمه يارب
- ماهو ابرز عقاب مر عليك طول فترة الدراسة وانهى سنه؟
انا كنت سوسه يعنى اعمل العمله وادبس غيرى
هى مره واحده اللى جالى استدعاء
علشان قلت للمدرسه القرن طش هههههههه
بس طبعا كان فيه اكتر من كده 100 مره بس الحمد لله عدت
- هل حصلت على شهادات تفوق خاصة وفي أي سنة؟
ف 3 ابتدائى هههههه
كنت تانى الجمهوريه اول المحافظه
بعد 2 اعدادى فشلت بقى خالص
يلا الحمد لله كل واحد بيخد نصيبه
- سنة دراسية تعتبر هي الأجمل في حياتك؟
2 و3 اعدادى و3 سنين ثانوى و2 و 3 و 4 كليه
وكل سنين شغلى ف التربيه والتعليم
- موقف محرج حصل لك في المدرسة؟
موقف محرج
ف مدرس قصير عندنا وكان واقف بره الفصل وانا بحسبه طالب
وبحط ايدى ع كتفه وبقوله خش فصلك يا ابن تيت تيت تيت
لقيت رجل بشنب قدامى بصراحه انا جريت وسبته ونادى عليه ولا عبرته ساعتها
واكيد ف بلاوى كتير اوى بس علشان الرقابه

(..المنتدى ..)

- عضو تعلمت منه الكثير ؟
بصراحه كتير اووووووى
بعد ما كتبت اكتر من 40 او 50 اسم شلتهم علشان ممكن انسى حد
انا بحبكم كلكم وبتعلم كل يوم منكم

- عضو تتمنى ان تراه شخصيا؟
اكيد كل البنات طبعا

اصلى بحب البنات اوى

- عضو لا تتمنى ان يغيب ابدا ؟
متنفعش عضوه ههههههههههههه
لا طبعا كل الاعضاء نفسى يفضلوا هنا ع طول
- عضو مشاغب ؟
كتير
كلهم كانوا مشاغبين معايا
الله يسعدهم ويهنيهم كلهم
لو قلتلك عليهم مش هتصدقى
هههههههههههههههههههههه
- عضو يعتبر الافضل في نفسك ؟
شيماء واميره بلا وطن وسهيله واسماء وايه ومنار ومونه وايوش
الناس دى جامده اووووووى
واكيد بردو كل اعضاء لا كل اخواتى ف مصراوى كافيه هم الافضل
- عضو يثير اهتمامك ؟
مش هينفع اقول

- عضو تعرفه خارج المنتدى ؟
شووو واسلام ومتعب والقلب الكبير

- عضو تكونت لديك علاقة معه عن طريق المنتدى ؟
دى احلى حاجه بجد انا عرفت اصحاب واخوات كتير
رب اخ لم تلده امك
بجد ربنا يديم المحبه والمعروف وما نبعد عن بعض ابدا

- عضو اكتشفت مؤخرا انك لم تعطيه حقه بالاهتمام بيه؟
لالالالالالالالالا
الحمد لله انا بهتم بالكل وبحبكم كلكم ف الله
- عضو ترى ان عنده امكانيات كتيرة ولم يقدمها حتى الآن ؟
كل الاعضاء الجداد لان المنتدى الفتره دى كسلان شويه
بسس بعد العيد مستنيكم بقى
وكل سنه وانتم طيبين

ايوووووووووووووش الاسئله جميله اوى
ميرسى يا قمر ع الدعوه الحلوى دى
يارب اجاباتى تعجبك وتعجب الناس كلها
كل سنه وانتى طيبه يا جميل ورمضان كريم
دمتى ف طاعه الرحمن
ربنا يوفقك ويسعدك

**حرف مشتعل** · 25 - 8 - 2011, 02:46 PM

اجابات رائعه محمود
بالتوفيق دائما

بانتظار الضحيه النيو

**جمال الكون** · 25 - 8 - 2011, 05:07 PM

اجابات جامده جدا ياتريكه ده انت طلعت مشااااااااااغب فى طفولتك اوى غير دلوقتى

ربنا يوفقك وتجيب العربيه اللى انت عايزها وتروح كمان السعوديه انشاء الله

وفى انتظار العضو الجديد ياايوشه