دمى اتحرق

**abdo389** · 7 - 7 - 2008, 09:49 AM

في مترو الانفاق بصرف النظر عن الزحمة و الناس اللي غاوية تدوس على جزمك و تحس انه بينشن عليها ...اصعب لحظة هي مرحلة الصراع خصوصا في رمسيس و التحرير ..اول ما المترو هيوصل المحطة تحس انك في فيلم حرب الطروادة " تروي"و الطرفين بيصارعوا على البقاء اللي عايز ينزل و اللي عايز يطلع و البقاء للاقوى المهم ان بعد التخبيط و الشتايم و الخناق بيبقى فيه وقت لحد لما الباب يقفل ...بجد حاجة تحرق الدم

------------------------------------------------

و مازلنا متواصلين من الشارع المصري وبستغرب من كمية المطبات اللي ملهاش لزمة و مش عارف هو المفروض ان السبب من المطب ان العربيات اللي جاية بسرعة تهدي فلازم المطب ده يكون قبل تقاطع...مدرسة...مكان مرور المشاه لكن الظاهر ان اللي بيزفتوا الشارع بيحبوا يعلموا هم وصلوا لفين النهاردة فبيعملوا مطب علشان تاني يوم يكملوا من بعد لان شوية الزفت اللي بيترشوا على الارض مش بيفرقوا في حاجة...بجد حاجة تحرق الدم
----------------------------------------------------

انا كواحد من ابناء الطبقة المتوسطة بركب المواصلات العامة تاكسي - ميكروباص ( زرفييز) و مترو الانفاق و الحقيقة دايما اكتر حاجة بتشدني في مترو الانفاق اني لما اروح اقطع تذكرة الاقي اثنين واقفين في طابور انبسط و اقف معاهم تالت ابص الاقي واحد جي بعدنا و يبص لينا واحد واحد و يروح رايح على الشباك على طول ...اللي هيفرسني بقى هو وقتها بيفتكرنا ايه ؟؟ مثلا ديكور للشباك على اساس انه شباك و يلزمه طابور ...او فراغ مثلا بدل ما نقعد على القهوة قلنا اهو نعمل طابور...بجد حاجة تحرق الدم
---------------------------------------------------------

وياريت اللى عندو حاجات من اللى بتحرق الدم دى يورينا
مستنى ردودكم

**طيف عابر** · 12 - 8 - 2008, 03:47 PM

فعلا اشياء بتحرق الدم

كمان لما بتكون واقف ومنتظر تدفع فاتورة متلا او اي شيء ويجى شخص ويبتسملك قال يعنى مؤدب ويصف مكانك
وانت ببساطة بتعطيه دورك من غير تفكير وبعدين بتكتشف انه ضحك عليك واخد مكانك

وكمان شيء بيحرق الدم لما تكون بمطعم وتقرر تترك مبلغ محدد للجرسون كبقشيش ويقوم هو وحده يخصم مبلغ على كيفه
او يقلك مفيش فكة

مشكووووووووووووووووووووور جدا عبده

حلوة كتير الفكرة

**abdo389** · 12 - 8 - 2008, 04:03 PM

والله عندك حق ياطيف وخاصة فى موضوع الجارسون ده

الواحد دايما يحب يسيب الحاجه بمزاجه ميحبش يسيب حاجه غصب عنه

**مصر اغلى الاوطان** · 12 - 8 - 2008, 04:13 PM

ربنا يرحمنا برحمته

البلد بات مهزله

**mona roshdi** · 12 - 8 - 2008, 10:15 PM

وكمان لو كان نفسك فى اكلة سمك حلوة وتروح تشترى مثلا بورى
يروح يقولك لاء خد دة احسن وحتى انت لو مش عاوزة ومش بتحبة ويفضل وراك وبدل ما تشترى ا كيلو يشيلك 3 كيلو
دى حاجة بتحرق الدم
لو روحت للفكهانى تشترى فاكهة نفسك تاكل مانجو وبعد ما رجعت البيت وبتفتح تلاقى نصف المنجة بايظة
حاجة تحرق الدم
مشكور ياعبدو على التوبيك الجميل اللى رائعة من روائعك

**×X× sHeKo0o0o ×X×** · 12 - 8 - 2008, 11:29 PM

يا عم فى حاجه نتجيش جنبها الحاجات دى كلها
طوابييييييييييييييير العيش
دى مفيش بعدها حرقه دم
تسلم ايدك يا عبدو على التوبيك الجميل ده

**Low Battery** · 13 - 8 - 2008, 12:08 AM

ياريتها تيجي على كده وبس .. ده الواحد لما يفكر يعمل اي مصلحه بيبقى يومه ازرق وياسلام لو كانت حكوميه
.... تطلع سلالم وتنزل سلالم وتلف الكره الارضيه وده يقولك روح لده وده يقولك روح الحق فلان قبل اما يمشي مع انه بيكون عارف انو مشي .. بجد انا من وجهة نظري شايفه ان دي الحجات اللي تحرق الدم بجد
وبيتهيألي ان لو كل حد اتعامل مع التاني بضمير شويه الحياه هتبقى وردي
ميرسي عالموضوع
وبس..

**abdo389** · 13 - 8 - 2008, 09:57 AM

كل اللى اقدر اقوله

بجد حاجه تحرق الدم

وشكرا لكل اللى شارك معانا برايه وبحاجه من الحاجات اللى تحرق الدم

الموضوع: دمى اتحرق

أدوات الموضوع

دمى اتحرق

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة