شروط مرشح الرئاسة الجديد!!

[~ NORA ~]

شروط مرشح الرئاسة الجديد

1-مايكونش منوفي .

...2- ألا يستخدم بعض المصطلحات مثل محدودي الدخل ولا مساس والمرحلة المقبلة وغيرها من العبارات التي تردد على أسماع الشعب أول مايو من كل عام .

3- يسمع كل يوم الصبح أغنية دامت لمين .

4- ما يعملش زيارات مفاجأة يوم السبت الساعه11 الصبح إحنا اللي هنعمله زيارة مفاجأة كل 3 ساعات .

5- ما يفكرش إنه عشان بقى ريس يبقى قائد الثورة .

6- ما يقولناش الأخوة والأخوات أنا أمي ما خلفتش غيري أنا وإخواتي .

7- يصدر قرار بمنع عبارة "بناء على تعليمات السيد الرئيس" واللي يقولها يتحاكم فورا

8- يكون بيتكلم وبيفهم إنجليزي من غير ما يطرطق ودانه .

9- يكون عارف إننا انتخبناه هو مش هو مراته وابنه وجوز خالته وعمة أم اللي جابو أبوه

10- يبقى عنده فيس بوك بس ما بيلعبش فارم فيل ويكتبله بوست واحد في اليوم عشان ما يضيعش وقت الشعب .

11- يكون متواضع جداااا بس مش لدرجة إنه يقعد في خيمة .

12- مراته تاخد لقب سيدة مصر الأخيرة .

13- ما يقعدش في القصر الجمهوري ، ياخدله شقه إيجار جديد

14- ياكل عيش من أبو مسامير (أبو شلن) ويشرب من مية الحنفية .

15- البدلة بتاعته ما تكونش سينييه وماضي عليها الخواجه فيرساتشي .. يجيب بدلته من أبو نسمه .

16- يتفرج كل يوم على قناة الجزيرة .

17- ما يكونش عمل أي ضربات جوية ولا أرضية ولا فضائيه يذل أهلنا بيها .

18- ما يعطلش المرور عشان يروح مشوار عايز يوصل بسرعة يركب طياره .

19- ما يكونش راعي الرياضة والرياضيين ولا الثقافهة ولا المثقفين ولا الفن ولا الفنانين ويسيب الناس دي في حالها .

20- ما يضحكش علينا ويروح يفتتح نفس المكان عشرين مرة .

21- يبطل كلمة نشجب وندين .

22- ما يكونش بيصلي العيد قبل ما يبدأ وتنزل صورته وهو بيصلي في الأهرام يوم الوقفة بالليل في الطبعة الأولى

23- ما يكونش من محبي الاستقرار .

24- بمجرد فوزه في الانتخابات وقبل ما يحلف اليمين يشتري كرسي تيفال الأصلي عشان ما يلزقش

للأمانة منقول
تحياتي لكم

[الملاك الملاك]

هو ده الله ينور عليكى

تسلم ايدك

[محمود أبو تركي]

هههههه هههههه هههههههههه حلوه اوي اوي يا نورا ..

وكمان عجبتني أوي حتت : يجيب بدلته من أبو نسمه ...!!

تسلم ايدك وتقبلي مروري ..

..................

[الزهرة123]

ههههههههههههههههههههههههه ههههههههههه بجد حلوة تسلمي يا نورا

[قطره ندي]

ههههههههههههه
زي السكر ياقمر

[brokenheart]

20- ما يضحكش علينا ويروح يفتتح نفس المكان عشرين مرة

عجبتني دي

تسلمي ع التوبيك

تحياتي لكــي

[nor_taha2001]

جمييييييييييييييل اوى الموضوع يا نورا
بس المنوفية ذنبها ايه ما احنا منها ومتبهدلين
ذنبها ان كل الناصبين الى ماسكين الدولة منها لمدة 40 سنة
هاتعمل ايه نصبها

[نسيم الذكريات]

ههههههههههه

شروط حلوة مووووت

مين اللي حايطبقهاااا

[mariouma_zoarb]

ميرسي توبىك بجد جميلة جداااااااااااااااااااا

[♥بـونـبـونـايـه سـكـره♥]

ايوااااا هوه ته الكلام
انتى تعملى التوبيك ته منشورات
وتوزعيها هههههه
احبيكى اوى وحشانى يانورا والله