رد مع اقتباس
مساء\صباح الورد
مساء الفل و الياسمين
ازيكم يا احلى اعضاء
بما ان انا الاعضاء الموجوده دلوقت .. يبقي تمام الحمدلله
جيتلكم بشوية اسئلة صغننين خالص خالص
يا خوفي يا بدران .. هو الصغننين دول اللي يخوفو
لو الفرصة اتفتحت لكـان تعيشـ حياة فنان من المشاهير مين تختار وليه؟
محمد أبوتريكه .. عشان حب الناس ليه
و طلب منكـ ان تختار احد من الاموات من اقاربك لترسلـ له رسالهمن تختار وماذا ستقول له؟
لــ والدي / هقوله وحشتني جداااا .. واقوله اني عمري ما قصدت ادايقه ..
و الفرصة اتفتحت لكـ ان تقرأ الافكار لكن لشخص واحد مين تختار وليه؟
اللي كنتــ مرتبط بيها .. اما بالنسبه ليه .. ف دي مسائل عائلية
من اول شخص تشكو له همك وتواسيه في همومه؟
لــودا و ساســو
لو كنت ماشيـ مع اصحابك في أي مكان وفجأة شفت اختك ماشية مع
واحد انت متعرفوش تفتكر ايه اول حاجة هتفكر انك تعملها؟
زي ما بيقول حبيب قلبي سعيد صالح في مسرحية ( العيال كبرت )
الطار ولا العار يا جليصي يا ولدي
الشرف يا بنت الكلب الشــــــــرف
والنتيجه هتتوقف علي نوع الشخص ده
لو بادي بيلدينج والحاجات اللي بنشوفها في المصارعه دي يبقي يانهار ابيض ده انا هاكل ضــــرب
اما لو من الاحجام الطبيعية المتعارف عليها دي ف يبقي انكتبت له عاهة مستديرة
الخلاصة : ان في حد مش هيروح علي رجله في اليوم ده ( ويارب مكونش انا )
تعمل ايه لو كنت ماشي في السوق ولاحظت ان حد مراقبك؟
يعني مراقبني و هعرف انه بيراقب ؟ ده يبقي طفل انابيب اكيد
مش هعمل حاجه مدام بيراقب في حاله ولا هنمشي نضرب في خلق الله يعني
هتعملـ ايه لو اجى اخوكـ الصغير وضربك على وشك ومشي؟
مليش اخ صغير وده من حسن حظه
بالنسبه لأيده في مش هترجعله تاني ده امر مفروغ منه
بالنسبه للي انا هعمله بقي ف اكيد هياخد خبطه يرجع جمب القاولون تاني .. ولا هو نازل الدنيا يلطشني علي وشي
اتغديت ايه امبارح وهتتغدى ايه انهارده؟
امبارح مؤمن
انهرده كفته و بطاطس .. بس لسه متغدتش بجاوب ع الاسئله اهو الاول
مين اقرب شخص لك في حياتك؟
حاليا لـــودا و ساســو
لديك مصباح علاء الدين ثلاث أمنيات أطلبها ؟؟
راحة البال >>>
اشوف والدي >>>
bmw 530 i >>>
لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟
الماضي .. عشان ابني حياتي بصورة صح اللي كنتـــ عايزها
هل فكرت يوماً للأنسحاب من المنتدى ؟؟ لماذا؟؟
اول ما اشتركتــ في المنتدي و لقيت ناس كتير قررت انسحب و انسحبتــ
لو رجع بك الزمن إلى الوراء من تتمنى أن يرجع لك ؟؟
والدي .. جدتي ( والدة امي ) ..
اذا اردت ان تبكي الان , فعلى من تبكي؟ا
علي نفســـي
غمض عينيك دقيقه لو سمحت, ماذا خطر على بالك وانت مغمض العينين ؟
قولنا الدنيا بتبقي ضلمه مش شايف حاجه خالص كله اسود
أقرب الاصدقاء الى قلبك ؟
لـــودا و ساســو بردو
مكان تتردد عليه كثيرا؟ ولماذا؟
بلاي ستيشن عشان دي بقت حاجه من الطقوس الطبيعية للشاب المصري
city STarS بروح اشوف افلام و اتمشي شوية
ماهو ابرز عقاب مر عليك طوال فترة الدراسة وباي سنه؟
اتفصلت من المدرسه في المرحلة الاعدادية .. طيش شباب بقي
ما هو رقمك المفضل بين 1 و10 ؟
9 و 4
فترة الامتحانات عدت ازاي احكيلنا عن شوية من اللي كان بيحصل؟
اممممممممممممممممم
حكيت واحد قبل كدا .. ف نحكي واحد جديد
في امتحان الانجليزي فــ 3 ثانوي مكنتش عارف 4 نقط في الاختياري
و المراقب سرح شوية كدا .. وانا كان معايا الموبايل ومعمول سايلنت
ف مسكت الموب من تحت الديسك و بعت مسجات لاختي بالاربع اسئلة
ومكنتش محتاج ابص و انا بكتب لاني حافظ اماكن الكتابة ف الموضوع كان ماشي طبيعي
المهم استني دقيقه مفيش رد .. دقيقتين ولا الهوا .. ربع ساعة .. ف عرفت ان كل حلفاءك خانوك يا ريتشارد
ودي المرة الوحيدة اللي حاولت اغش فيها .. و فشلت فيها الحمدلله
سألت اختي اما روحت مردتيش علي المسجات ليه
قالتلي الغش حرام .. انا كان هيجيلي ساكته قلبية
قولتلها و انتي جاية تتوبي دلوقت ده ثانوية عااااااااامة
بس سبحان الله كان المفروض انقص درجتين و نص والله و نقصت درجة بس متفهمش ازاي
اخر موقف حصل مع اخوات لحد الوقت؟
اختي خدت اللاب من الاوضة وانا نايم .. ف لما صحيت خدته منها
ف وانا بحدفه ع السرير اليو اس بي مودم اتكسرت
طلعت اتخانق معاها .. انتي السبب حركتيه ليه من مكانه من الاول
بس انا ال هدفع كالعاده انا عارف دايما مضحوك عليا في البيت ده كدا
بس خلاص
حمدلله ع السلامة ممكن اروح اتغدي بقي ؟
ده انا عمال اكتب من الصبح و يتمسح بالغلط
ثااانكس يا همسه ع الاستضافه
و توبيك جميل و اسئلة جميلة
وطبعا صاحبتهم اجمل
تحياتـــي
قهوتنا على الانترنت
المشاركة الأصلية كتبت بواسطة brokenheart
