مش هسيبك

[محسن البدراوى]

ياللى علمتينى كلمة اه عذابى
ياللى دوبتى ف عذابك كاس مرارك
مدتيلى
خمر ريقك
وبكسات الحزن دورتى
فى وريدى
كنتى ناويه تبلى ريقى
من ألأمك
من عذابك واشتياقك
من رحيلك دوبت فيكى فنستينى
وطوفتى تانى بحلمى وبكل الامانى
تستسمحينى
وكان سماحى
بس لحظه وكان عنادك
لثأر ماضى
رحتى تانى لشخص تانى
بشهد ريقك تخمريه
وعايزه ايه
تقتليه
طاب وليه
هو حبك مفيش مثيله
وايه بديله
تكرهى كل الوجود
تحزنى وحبك يعود
مش وعود
حبك انتى من سنين
ضاع وولى
هو سابك فى عذابك
ليه تضيعى من ألامك
وتاخدى تارك من شخص تانى
زنبوا انوا حب روحك
ليه تدوسى اليوم جروحى
كات جروحى نايحه روحى
وف ألامى كان طبيبك
ياللى علمتى الفراق كيف يكون
ياللى علمتى الحياه معنى الجنون
كيف يكون ارتحالك
بين ورودى
وبين شطوطى
بحرى منك يا ما فاض
فاض عذاب
وموج حزين
هادر وثاير م ألانين
ليه تكونى
فى جروح الناس سعيده
تفرحى بمر الكلام
وتقتلى البسمه العنيده
لما تيجى فى هيام
دورى دورى
ولفى دورى
بين شطوط الدنيا دورى
اوعى بس يجى تانى
عليا دورى
وتألمينى
وتوجعينى
وتقولى حبك انت كان
كان زمان
بين ضلوعى
حبك انت لما لان
شفت فيه ضعف وسلام
عايزه احب حب غادر
عايزه اطوف بين ألوف
عايزه أهيم
وأنشر الدمع اللئيم
بين ألوف
عايزه أصرخ من أنينى
عايزه أقتل كل طيبى
عايزه كل يوم شهيد
عايزه حبى يكون عنيد
يقتل الفرحه فى عيد
عايزه اسخر م الشباب
عايزه أثائر م اللى فات
عايزه أقتل كل قصه فيها حب
أقطف الزهره النديه
وارتوى من كل حب
عايزه احلم حلم أبدى فيه اعيد
كبريائى جوا قلبى من جديد
ومش بأيدى يا حبيبى حزنك انت
لو بأيدى كنت هفهم ان حزنك جرح ليا
ياللى علمتينى معنى الانسانيه
لما تجرح
ياللى علمتينى أفرح من دموعى
لما تيجى وتسكنى ما بين ضلوعى
ياللى كنتى ف يوم حبيبتى يلا روحى
واحلمى بتارك ونوحى
وأبعدى عن شط ليا
كنتى دايماً مفتريه
فى عذابى
يالا روحى
أرضى بارت خلاص وجارت
أرضى جفت من جروحى
وقلبى مات من عذابك
ياللى خليتى ورودى طارحه شوك
عمر عودى ما كانلوا شوك
كنت دايماً بحلم الحلم الجميل
عاد كابوس ومستحيل
ياللى علمتينى اكتب من جروحى
واستبحتى الحياه جوا روحى
تاخدى روحى وتبعدى
جسمى عليل
وكيف يصير
بعد روحى منك انتى راح تطير
تملى نظرك منى تانى
وتضغطى على جرحى تانى
انزف ابكى تفرحى من ألاّمى
وتقولى لازم اخد بتارى من اّلامى
انت اول عشق جانى كان نصيبى
هاخد بتارى من حبيبى
ف صورتك انت
وده نصيبك
والغريب انى بحبك
والغريب ان فبعادك كنت جنبك
كل ده ولسه بحبك
ياللى علمتينى معنى الحب نازف من وريدى
ياللى علمتى العذاب كيف يكون
فوق جبينك
كان عذابى فيكى راحه
بجد راحه
وبصراحه
مش هسيبك
يوم تضيعى
بثأر ماضى من حبيبك
ليه تضيعى
بثأر فاضى
بصى للدنيا الزكيه
انتى بسمة نور شجيه
حرام تضيعى بحب ماضى
من جروحى معادش ليا
غيرك انت تكون طبيبى
هجمع النسمه النديه وأهدهالك
وأدعوا ربى كل يوم يهديكى ليا
ومش هسيبك يا صبيه
تضيعى منى مره تانى
جسمى اهوا من امامك
أقتليه واشفى جرحك
لو نصيبى أموت بأيدك
يكون ميلادى
حبك انتى صار ميعادى
ولو عذابى يطفى نارك
عذبينى
واوعى يجى عليكى يوم
وتكرهينى
حبك انتى طاف عليا
وارتمى ف حضنى وحوانى
ومنك انتى مش هتوب يا حنانى
احلى حاجه فى عذابى انك تتوهى
وترجعى
عارفه سكت حضنى فيه تتوجعى
حضنى ضمك من زمان
حتى جرحى صار حنان
بين ضلوعى
ومش هسيبك يا صبيه
ترحلى ما بين دموعك
المس الدمعه الغريقه
نازفه من عينك بريئه
واشفيهالك
وامسح الدمعه الشقيه
من جفونك
واحتويكى بين رموشى
يا صبيه كونى ليا

[اميره بلا وطن]

أسجل اعجــــــــــــــــــابى الشديــــــــد ثم.............

[اميره بلا وطن]

كونى ليه
عن عذاب الكون فى حبك عوضيه
يلى حبك كان طريقه وتاه فى بعدك
انتى وحدك قادره تانى ترجعيه


بصراحه أحييك جدا على القصيده الأكثر من رائعه دى
وبجد سعيده بتقدمك الملحوظ ده
ثانيا بقى انت كتبت مش هسيبك
عكسى تماما
انا كتبت قصيده بعنوان
ياحبيبى خلاص هسيبك
اتمنى تقرأها
رابط القصيده
https://forum.masrawycafe.net/showth...021&highlight=

[محسن البدراوى]

ياحبيبىخلاص هسيبك

حد غيرى يكون حبيبك
خلى بالك بعد ماامشى
واوعى سهم الخوف يصيبك
ياحبيبى انا كنت جارك وبجوارك
قايده نار الخوف فى قلبى وطافيه نارك
بعد ماامشى والقرار هيكون قرارك
ابقى حدد وابقى احكى
وابقى روح لمكانى وابكى
بس اوعى لحد تشكى
مش هيسمع الا حد يكون جوارك
حد يقدر يطفى نارك
ياحبيبى اوعدنى دايما تبقى أحسن
انسى قسوة قلبى خالص واوعى تحزن
وانسى انى بعدت عنك
أو سافرت وشايله منك
وافتكر أنا فرحى يكمل بانتصارك
واتعاهدنا وقلت ان دا كان قرارك
ياحبيبى مهما نركب دوامات
مهما يِِِقْدَم وقتنا والذكريات
مهما توهنا ومهما غبنا
أو من الأيام تعبنا
إفتكر أنا كنت إيه منك وليك


انا فاكر انى مريت بيها
بس اللى مش فاكروا رديت ولا لا
وبصراحه
لوحه فنيه رائعه
ابداع متميز
وسهوله فى الاداء
ومسيقى هادئه جميله
يا أميره
بجد انتى رائعه على الدوام
وتستحقى ان تكونى مع نخبة الشعراء بمصر


وميرسى جداً على كلماتك ليا هنا
وردك الجميل المميز بصفحتى
دامت المحبه والاحترام
لكى من كل باقه زهره
ومن كل قصيد لحن
دومتى بألق
كل التمنيات العطره
لحرفك الشاجى
وبالتوفيق

[اميره بلا وطن]

ربنا يكرمك ويوفقك أكتر وأكتر

انت أخ كريم

وانسان مجتهد ومحترم

أعزك الله

[حرف مشتعل]

عندما وضعت قلمى
على بدايه السطر

احسست انى بعيد كل البعد
عن نقاط كلماتك الرائعه
لا استطيع ان الملم ابجديات الكلام
عبارات تكشف عن موهبه
عاليه الاحساس

وراقيه المشاعر
سلم فكرك ودام نبض قلمك

ارق التحااايا

[جينا]

استاذى الفاضل
محسن البدراوى
تحية من القلب
لروعة مشاعرك
كلمات رائعة
وذات احساس مرهف
نتمنى من ابداعك المزيد
جينا

[محمد أبراهيم]

كان
حبا ومضى
لم يبقي الا شواظا
ولظى
فهل سيعود الحب بك
الى ماكان
وكيف ستلملم
ما مضى
الرائع...
محسن البدراوى...}
رائعة
هذه المشاعر
المسطرة بكلمات
خارج من قلب ..
مرهق
ورغم الألم الا أن
بسمة الجمال
ترتسم
على شفاه
الاحساس
يابدراوى.....}
اجمل
الاوقات واللحظات
هي برفقه
قلمك الراقى
والتى تنير به
الصفحات
لذا تشرفت
بالمرور
واهداء الزهور
لتكون امنيه من
اجمل الامنيات
اسعدني حضورى
فعلا
لك مني ارق
التحيات

[♥بـونـبـونـايـه سـكـره♥]

ابداع
من قلم متألق
و كاتب متميز
بارك الله فيك

[قطره ندي]

جميله جدا
دام لنا قلمك الراقي