يا جماعة ممكن حد فيكوا؟؟؟

[حبيبة]

ممكن حد فيكوا سواء بنت ولا ولد يرضي انه يتجوز من عالنت؟

[شمس]

لو تعارف اوك
انما جواز
مفيش تفاهم وهما قريبين فما بالك لو فيه نت
ويمكن اكون غلطانة مين عارف

[حبيبة]

لو تعارف اوك
انما جواز
مفيش تفاهم وهما قريبين فما بالك لو فيه نت
ويمكن اكون غلطانة مين عارف

طب ما انتى ممكن تكونى غلطانة في اختيارك من واحد كان قريب منك اوى وبعدين افرضي ان اللي من عالنت ده شخص كويس وهو اللي طلب منك كده هتعملي ايه؟
ويا جماعة الموضوع مفتوح للكل ارجوا ردودكم لانى بجد شايفة ان الموضوع ده مهم وكتر اليومين دول

[شمس]

ياما كويسين وياما محترمين اجوزا من النت
ونا مش بكلم كده شفت حالات انجرحت بسبب جوازة النت
الي قدامك وعلى عينك ممكن تعرفيه اكثر
والنت واقع بس وهم وسراب كبير
ونسبة النجاح فيه 5/100
على كل ده رايي وبرفض بشدة جوازة النت
(اكيد مش ليا للسة ما تجوز)

[خاطر]

هو الموضوع ده مينفعش يبقى جواز لان اكيد احد الطرفين مش صادق فى كلامه
ومن عالنت صداقه ماشى جواز لا والله اعلم
وكل واحد ونيته

[حبيبة]

هو الموضوع ده مينفعش يبقى جواز لان اكيد احد الطرفين مش صادق فى كلامه

وكل واحد ونيته

طب مهو لو الشاب اتقدم للبنت ده دليل انه صادق في كلامه ولو البنت وافقت عليه ده برضه دليل انها صادقة في كلامها
طب نفترض ان ده حصل يكملوا مشروع الجواز ولا يرفضوه لمجرد انهم اتعرفوا من علي النت

[حبيبة]

ياريت يا شمس توضحي رأيك اكتر

[خاطر]

لو هم فى سن عدوا فتره المراهقه ممكن الموضوع ينفع ايه رايك
متابع

[mona roshdi]

على فكرة انا رأى ان مفيش حاجة اسمها جوز نت وجواز صالونات وجوار عن الحب ......وهكذافى الواقع اى اتنين بيتعرفو على بعض فى اى مكان لازم يحتكو ببعض ويتكلمو وكل واحد يعرف وجهة نظر الآخر فية ... يعنى لو اتنين اتعرفو على النت بتبدأ بلصداقة واكيد حيشوفها علشان يعرف كل من الطرفين وجهة نظرة فى الحياة ومش معقولحيتعرفو على النت وبعدين يتجوزو على النت ويكون الشاهد على عقد القران الكمبيوتر
انا شايفة انة ممكن يكون ناجح وجدا كمان لية لاء
وشكرا

[حبيبة]

ميرسيه اوى يا جماعة علي ردودكم وانا فعلا مع وجهة نظرك يا منى فعلا مفيش حاجة اسمها جواز نت ولا صالونات ولا حتى علي حب اهم شىء ان يكون الاتنين مناسبين لبعض ومتفاهمين وتكون وجهات نظرهم عن الحياة والواقع متوافقة مع بعض بشكل كبيريعنى مش مهم عرفوا بعض ازاى لان الطريقة اللي عرفوا بعض بيها مش اهم من شخصيتهم طالما كويسة وبينهم توافق وتناسب...
واضيف ان لازم العقل يكون موافق وراضي عن الانسان اللي هرتبط بيه وطبعا لازم القلب يحبه وبالتالي تحصل الدرجة التالتة والمكملة للارتباط وهى انى مقدرش استغنى عن الشخص ده وبكده يكونحب حقيقي:( قلب- عقل- مقدرش استغنى عنه) لان لو حد حب حد بالقلب بس يبقي اعجاب ولو اتشد له بالعقل بس يبقي انجذاب لكن عشان يكون حب حقيقي لازم القلب والعقل عشان تحصل الدرجة الاعلي من الحب وهى( انى مقدرش استغنى عنه)
اتمنى ردود اكتر علي الموضوع والاختلاف في الراي لا يفسد للود قضية