قهوتنا على الانترنت
ابحث عن :  
النتائج 1 إلى 4 من 4
  1. افتراضي حسام حسن .. للبلطجه عنوان

    بسم الله الرحمن الرحيم

    ماشاء الله امبارح جيت اكتبــ الموضوع اشتراك النت خلص .. تقريبا صاحب الشركه ابن اخت حسام حسن ولا ايه

    المهم

    طبعا امبارح حصل منظر قذر ده اقل ما يصف اللي عمله حسام حسن

    للدرجه دي وصل التخلف ؟!!

    هل حسام حسن ده نبي عشان جمهور الزمالكــ يبقي مُغَيب للدرجه دي !!

    والله لو المجلس العسكري منصف يقدمه لمحاكمه عسكرية لاثارة الفتنه و الشغب ..

    عايز حــد يفسرلي يعني ايه مدرب يروح للمنطقة الفنية لمدرب تاني .. هل بقت ماشيه بالدراع دلوقت !!

    طبعا اذا كان ربُ البيت بالدف ضاربٌ .. ف شيمت اهل بيته الرقص

    الصفتي عمل زي مدربه البلطجي .. و راح خبط عماد متعب في وشه !!

    و لاعيبة الزمالكــ راحت ممر اللي بيودي علي اوضة لاعيبة النادي الاهلي و حاولو يعتدو علي اللعيبة !!

    هل مجلس ادارة الزمالكــ هيعمل حاجه ؟

    طبعا ولا الهوا

    علي الجانب الآخر

    الاهلي يدرس معاقبة عاشور للطرد المباشر !!!

    واحد هيجي يقولي اصل لعيبة الأهلي لعبت و في واحد واقع في الملعب

    هقولة انت حافظ زي مدربكــ .. دور علي حجة تانية

    الكورة بره اصلا .. لما الحكم يقول العب يبقي لاعب الأهلي ملوش غير انه ينفذ القرار

    ده الحكم نفسه يا راجل قرف من تمثيل اللعيبة و كترة سقوطها


    بنتكـــلم ع الروح الرياضية ؟!!

    لاعيبة الزمالكــ في ماتش 3-3 مخرجتش الكورة بره ليه لما ابراهيم صلاح رزع الكورة في وش بركات

    اظن مستحيل بركات يكون بيمثل في دي ولا ايه ؟

    والزمالكــ جاب جول التقدم منها مش مجرد جول تعادل !!

    و في ماتش الطلائع اللي فات عبد الشافي خرم رجل الواد بتاع الطلائع و مع ذلكــ الزمالكــ كمل الهجمة ولم يبالي !!

    عفوا فاقد الشئ لا يعطيه

    لا تتحدث عن الروح الرياضية الا عندما تمتلكها .. ولو معكش نسلفكــ


    _ _ _ _ _ _ _ _ _ _ _ _ _ _ _ _ _ _ _ _ _ _ _ _ _


    خلصنا الكارثة اللي عملها في ماتش امبارح ؟!

    نيجي لاخوه بقي

    كان قبلها كارثة ماتش الافريقي التونسي

    و تحريض الجمهور علي نزول الملعب

    ستبدأ جماهير الزمالكــ بالدفاع و يقولكــ فلول

    لا مكنش فلول وكان جمهور الزمالك و كان تحريض من ابراهيم حسن

    اتفضل





    طبعا ده غير انه ضرب واحد من القناة الرابعه بعد ماتش المصري اللي فات ده

    وغير موقفه المعادي من الثورة و قال يمنعه عنهم الاكل و الشرب و العلاج !!

    و عامل خناقة في مصر الجديدة

    بيدور علي المصايب في أي حته

    للاسف اليو اس بي مكسورة و فاتح بلوتوث بالموبايل ف جبت فيديو واحد بس

    لكن اكتب علي يوتيوب بس المواقف دي كلها و شوف عشان تتأكــد


    الي متي سيظل جمهور الزمالكــ
    يقدس حسام و اخوه !!

    يارب خلص مصر من الاتنين البلطجية دول

    وصمة عار في تاريخ مصر و فضحونا الله يفضحهم

    ( إن لله أهلين من الناس : أهل القرآن هم أهله و خاصته )
    ( القرآن شافع مشفع و ماحل مصدق من جعله أمامه قاده الي الجنة ومن جعله خلفه ساقه الي النار )
    ( لو جمع القرآن في إهاب ما أحرقه الله بالنار )
    مين معانا

    همة تسمو للقمة

    تسجيل خروج حتي عودة الإدارة 18/07/2011

    البحث على جميع مواضيع العضو brokenheart

  2. #2
    تاريخ التسجيل
    2 - 11 - 2008
    ساكن في
    El Faiyûm, Al Fayyum, Egypt, Egypt
    العمر
    33
    المشاركات
    4,989
    مقالات المدونة
    3
    النوع : ذكر Egypt الفريق المفضل  : الاهلي

    افتراضي

    والله يا عم الحج انت راجل تمام ..
    وانا اضايقت فعلاً لما سمعت واحد على قناه مودرن فى احد القاءات قبل المباره ويقولك " احنا بنعبده بعد ربنا " استغفر الله العظيم

    وعمر ما حسام وابراهيم هيعملوا انجاز فى حياتهم كل اللى هيعملوه انهم يوصله لحافه الانجاز وبرده مش هينولوه بس ما يفعلون ..

    غير ايضاً كان الكابت عصام عبدالمنعم قال حته حلوه .. ان الانسان طول ما هو ما بيعترفش بخطأه عمره ما هيصححه وعمره ما هيتغير
    .. فلو ركزنا هنلاقى مفيش ولا ماتش الزمالك اتعادله او خسره الا اما قال حكام يا فعل فاعل " وابراهيم وحسام مالهمش زنب "

    هرجع واقول حسبى الله ونعم الوكيل فيهم

  3. افتراضي

    والله يا عم الحج انت راجل تمام ..
    وانا اضايقت فعلاً لما سمعت واحد على قناه مودرن فى احد القاءات قبل المباره ويقولك " احنا بنعبده بعد ربنا " استغفر الله العظيم





    ربنا يخليكــ يا بوب ده من زوقكــ و الله

    و أنا بردو سمعتها والله حاجات تحرق الدم فعلا



    وعمر ما حسام وابراهيم هيعملوا انجاز فى حياتهم كل اللى هيعملوه انهم يوصله لحافه الانجاز وبرده مش هينولوه بس ما يفعلون ..

    غير ايضاً كان الكابت عصام عبدالمنعم قال حته حلوه .. ان الانسان طول ما هو ما بيعترفش بخطأه عمره ما هيصححه وعمره ما هيتغير
    .. فلو ركزنا هنلاقى مفيش ولا ماتش الزمالك اتعادله او خسره الا اما قال حكام يا فعل فاعل " وابراهيم وحسام مالهمش زنب "


    و لو وصلوا لانجاز هيوهوه بــ أخلاقهم دي
    و يريتها بتيجي علي قد الحكــام
    ده كل شوية يقولكــ معمولنا عمل و يجيب شيوخ
    و يقولكــ اللعيبة مقصرة .. طب يلعبو ازاي بعد تصريحاتــ مدربهم ده

    هرجع واقول حسبى الله ونعم الوكيل فيهم




    صح كلامكــ .. حسبنا الله و نعم الوكيــل

    شكرا مستر مانو علي ردكــ الجميل

    نورتني

    تحياتي لكـــ



    ( إن لله أهلين من الناس : أهل القرآن هم أهله و خاصته )
    ( القرآن شافع مشفع و ماحل مصدق من جعله أمامه قاده الي الجنة ومن جعله خلفه ساقه الي النار )
    ( لو جمع القرآن في إهاب ما أحرقه الله بالنار )
    مين معانا

    همة تسمو للقمة

    تسجيل خروج حتي عودة الإدارة 18/07/2011

    البحث على جميع مواضيع العضو brokenheart

  4. #4
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    نبض
    حرفك وحديث
    كلماتك
    هو الرافد لاي
    صفحه
    كانه عيد الاعياد
    يترك في المساحه
    فرحه
    فالياسمين تفتح بعطر بحروفك

    تحيه
    لك لروعه تواصلك ونقاء ودقه اسلوبك

    وسحر قلمك وروعه
    الفكره


 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©