طيب هبداء انا بموقف صغنن كدا
حصلى زمان انا واحد اصدقائى
وصاحبى ده مصيبه وليه مواقف كتير مضحكه معايا
هبقى احكيهالكم كلها
المهم انتوا عارفين انى صعيدى
وفيوم كنت بشتغل فى مصنع حلويات فى مصر كنا بعد ما نخلص مدرسه نطير على مصر نشتغل وسافر معايا صاحبى ده علشان اجمعلوا شغل معايا
وبالفعل اشتغل معايا فى المصنع
وفيوم واحنا مروحين من الشغل قلى تعالا نركب المترو
قلتلوا يا عم احنا طريقنا ملهوش مترو لسه هنركب متروا وننزل ونركب مواصله تانيه يلا بس نركب عربيه توصلنا على طول
قلى لا لازم نركب المترو انا عمرى ما ركبته
وزعل منى قلتلوا خلاص نركب مترو انا هقطع التذاكر واديك تذكره وزى ما اعمل انت كمان تعمل هتحط التذكره فى الماكنه وتعدى بسرعه وتاخد التذكره من الماكنه من الناحيه التانيه قلى يا عم عارف انت هتعمل ابو العريف عليا بس هات التذكره اديتهالو
المهم انا عديت الماكنه وهو راح عند ماكنه تانيه خالص وحط التذكره
الماكينه اللى حط فيها التذكره كانت معطله ومكتوب عليها حرف اكس قد كدا
التذكره دخلت ومطلعتش وهو عايز يعدى
شافوا امين شرطه طبعا وبخوا وفى الاخر طلع ابن حلال وقلوا عدى ورا اى حد بسرعه وانا هعمل انى مش شايفك
طبعاص صاحبى ده ذكى جدا اختار واحده بنت جميله جداً ولابسه جيبه قصيره
ههههههههههههههههههههههههه
شكلها عجبتوا يعنى
هههههههههههههههههه
وقام لازق فيها وعايز يعدى بسرعه
البنت عدت فالدراع بتاع البوابه شنكلوا فى رجليه
طبعا وقع على وشوا
مسك فى الجيبه بتاعت البنت علشان ميقعش فى الارض
ههههههههههههههههههه
طبعاً نزل بالجيبه
وكان منظر مقلكمش
البنت صوتت المحطه كلها مسكت فيه
هههههههههههههه
وكان منظر والله بجد مش عارف اوصفوا اشى شباشب واشى كعب كوبايه واشى ايدين ورجلين صاحبى معتش شايفوا وسط الناس
كنت بدعى ربنا الشرطه تلحقوا بسرعه من ايدين الناس بس الشرطه مش قادره تدخل فى النص وتجيبوا من الزيطه
المهم مش هطول عليكم انا طبعا متدخلتش خالص
ههههههههههههه
هدخل ليه هو انا عبيط
وبعد 15 يوم عرفت انوا وصل البلد تراحيل وكان وشوا وارم من الضرب فى الاقسام
اتمنى تكون عجبتكم ولما اشوف مشركاتكم هجيلكم بمواقف تانيه اجمل
ومضحكه جداً
دومتم بكل خير وبالتوفيق