اخواتى فى الله حد ينصحنى اعمل ايه وجزاكم الله خير

[زهرة القرنفل]

انا اختكم اية من مصر عندى 13 سنه بحب واحد من النت ومتاكده انه حب حقيقى ومحدش يقولى ده وهم وكمان متاكده من حبه ليا وبرضو محدش يقولى ان ده وهم وهو وعدنى انه يجى يخطبنى يا ريت حد يقولى رايه فى الموضوع ده وجزاكم الله خيرا

[وعد الحياه]

اولا وقبل اي شيئ
اهلا وسهلا بيكي ف الكافيه ووسط اخواتك يا ايه

وبرضو قبل ما اقول رأي ياريت مش تزعلىا من كلامىا لان برضو ف الاول والاخر كلها وجهات نظر
انا من راي حبيبتىا ان اصلا حب النت دا وهم ف وهم ومش تقولي انك متاكده من حبك ليه وحبه ليكي ولو حضرتك متاكده اوي بالحب ده ايه اللي مأكدلك يا بنتى دا اللي بيحب حب عاتى مش نت كمان بينخدع وينجرح ما بالك بقي من حب لا يمسه الاحساس بمعنى ان كلمكم كله من ورا شاشه .......... ودا ليه معانىا كتير اوي
وبعدين يا ايه انتى مش شايفه ان سنك صغير اوي ع الحب والارتباط اصلا اذا كان رسمي او عاطفي
فكرى كويس يا قمر وهاتلاقي اللي انتى فيه ده مش حب وانك لسه صغيرة اللي مفروض تفكري فيه دلوقتى هو مستقبلك وحبك لله
ركزي ف دراستك يا ايه
وسوري لو كلامى ازعجك
تح ـياتىا ليكي

[محسن البدراوى]

السلام عليكم ورحمة الله وبركاته
اولا انا مش عايزك تزعلى من كلامى
وخدى كلامى ثقه وعن تجارب كتير مرت عليا وعلى اصدقائى
عن فكرا انا بحب الصراحه جدا انا اول ما دخلت الموضوع هنا كنت فاكر من العنوان انها مشكله عويصه وكدا
بس اتصدمت باللى بتقوليه
حب نت والكلام ده
احب اقلك عن تجربه مفيش حاجه اسمها حب نت على الاقل من جانب الولد
ممكن البنت يحصل معاها ده فى فترة المراهقه بس الولد بيوهم البنت انوا بيحبها لاغراض اخرى
هتقوليلى لا ده عايز يخطبنى انا معاكى
طيب فكرتى هو جاهز لده وسنوا اد ايه علشان يخطب كمان اهلوا هيرضوا يخطبولوا بنت فى سنك
مش مشكله
فكرتى ان اهلك ممكن يوافقوا انك تتخطبى فى سنك ده
ولو وافقوا هتقوليلهم اتعرفتى عليه ازاى
برضوا مش مشكله
المشكله الاكبر ان النت كله كذب فى كذب وممكن البنات اللى هنا اللى مروا بتجارب زى دى يحكولك ده
يعنى ممكن تكونى بتكلمى شخص متجوز
او حتى شخص كبير فى السن
ولا اقلك مناسب ليكى ومن سنك او اكبر شويه وجاهز فعلا ً للجواز
بس بيضحك عليكى وبيوهمك بالحب عايز علاقه لا اكتر
انتى زى اختى الصغيره
وبقلك ركزى فى حياتك ومذاكرتك ومتفكريش فى الكلام ده الا لما يكون مستقبلك خلاص رسمتيه لنفسك
وبدأتى خطوه فيه فعلاً سعتها هنهنيكى على الخطوبه والجواز
اختى العزيزه نحن فى زمن اختلط فيه كل شىء
لا قيم ولا اخلاق
ومفيش حد بيقول ممكن ده يتعمل مع اختى
بس الشباب اغلبهم اليومين دول كدا كل اللى عايزينوا علاقات من اى نوع حب ومسمياته بقا بيداروا وراه رغبات اخرى
اخيراً ياريت تكونى فهمتينى وانا عارف ان اللى بيحب فى سنك مش بيشوف نصايح الناس ومش بياخد بيها
بس احزرى فى تعاملك مع اى شخص على النت حتى لو كانت بنت زيك
اوك
اللهم انى بلغت اللهم فاشهد

[محمد أبراهيم]

الاخت
زهره القرنفل
مرحبا بك وقلمك
واعتقد ان هناك
اخوه
سبقونى بالرد
ولن ازيد على كلامهم كلمه
غير انى اتمنى لك
السعاده

[brokenheart]

مبدأيا تسجيل اعتراض سريعا ع السن

13 سنه صغيره جدا جدا جدا

عفوا يعتبر سن طفولي .. والله لا أقصد الاهانة ولكن التحذير عشان متندميش بعد كدا

ده أول جزء


اما الجزء التاني

بالنسبه للعريس بقي هل 13 .. 14 .. 15 ..16 سنه ؟!
يعني لسه مطلعش بطاقة
ولا 17 فيما فوق .. فيصبح الفارق 4 سنوات فأكثر !!


الجزء الثالث

سنكــ 13 سنه لو افترضنا هتتجوزيه هيبقي بعد 5 سنين بأقل التقديرات لانه السن القانوني للزواج 18

الخمس سنين دول هيبقي ايه موقفهم من الاعراب ..
مقابلات من ورا اهلكــ ؟
ولا مجرد انتظار وبالتالي البعد يعلم الجفا زي ما بيقولو
ولسه هتشوفي ناس و تكوني دخلتي الكلية هتشوفي ناس أكتر و هتغيريي رأيكــ أكيــد

اعتقد حالتين كلاهما لا يرضي


الجزء الرابع

حبــ النت

ناس قالتــ ينفع .. ناس قالتــ مينفعش

بالتالي اللي يجرب احق بالحكــم

ف نصيحة بلاش .. مش هفترض سوء الشخص ده وان كان ده وارد

ولكــن زي ما قولتــ البعد يعلم الجفا .. وبالتالي مشاعر لن تصمد خمس سنواتــ


يارب اكون قدرت افيدكــ
انتي مقولتيش الموضوع كــامل
وبالتالي الحكم كان علي قد المكتوب و تخمين لـــ سن اللي بتحبيه

و عفوا لو استخدمتــ طرقة حاده بس كان القصد النصيحة

تحياتي

[kont a7b]

اولا اهلا بيكى ياقمر فى المنتدى
ثانيا انا عاوزة اقولك على حاجه ان مافيش حب بيكمل اصلا ولو فيه بيبقى ضعييف جدا ومش كتير
وحب النت ده مافيش كلنا مجربين اكيد ومافيش حب نت خالص
ولو كان فيه يمكن يكون ضعيف هو فيه فعلا لان بنت خالتى حبت واحد عن طريق النت واتجوزو بس االاول اتكلمو مع بعض واتقابلو وجه لوجه
ممكن اى حد يوعد بس هيخلف فى الاخر
وانتى لسه عندى 13 سنه يعنى لسه العمر قدامك طويل واكيد هتدخلى جامعه وهتكبرى ومشاعرك هتتغير اكيد وهتقابلى ناس كتيره غيره
وهتحبى غيره والسن الى انتى فيه اى واحده فى سنك بتحب وتتحب بس لازم تفكرى مليوون مره وانتى لسه صغنونه واكيد لما هتكببرى هتحبى تانى ولو بيحبك زى مابيقول كده ابعدى عنه ولما تكبرى شوفى مشاعرك هتبقى لسه بتحبيه ولا لاء وهتكونى لسه عاوزاه ولا الء ولما تكبرى وتكونى عاوزاه وهو لسه بيحبك وشاريكى يبقى ساعتها ييجى ويتقدم
واكيد انتى ممكن تاخدى الكلام من هنا وتطلعيه من النايحه التانيه بس فكرى الاول حبيبتى قبل ماتعملى اى حاجه واهم حااااجه كراامتك لازم تكون فوق كل حااجه وصدقينى مافيش حبب نت بيكمل واكنتى هتقابلى غيره وهتحبى غيره
ياريت كلامى مايكونش فيه حاجه زعلتك بس نااس كتيره بتوعد والكل بيخلف بالوعد ده وصدقينى مافيش حب نت بيكمل الا ضعييييف اوى اوى

[زهرة القرنفل]

اولا المنتدى منور بيكم يا اجمل اصحاب وبجد انا متشكره جدا على نصيحكم دى وانا مش زعلت من اى راى وصدقونى انى هفكر فى كلامكم وهنفز كلامكم ده وابقى اقولكم على النتيجه

[زهرة القرنفل]

يا جماعه انا نسيت بيحطوا مواضيع ازاى ممكن لو حد موجود دلوقتى يقولى لو مش هضيقكم يعنى وهتقل عليكم اسفه بس يا ريت رد دلوقتى

[زهرة القرنفل]

انهارده عيد ميلادى وكل سنه واحنا طيببين جميعا

[شهوود]

محدش قالك انه مش حقيقي بس انتي بجد صغنونة اوووووووووووووووي علي الحب لسة بدي حبيبتي وياااتري بقي هو عمره قد ايه هيخطبك وانتي عندك 13 صعبة دي بلاش تشغلي وقتك بكلام لسة بدري عليه انتي لسة متقدريش تحددي مشااعرك ولا تعرفي نوااياا الناس بحكم سنك ركذي في مذاكرتك ومستقبلك وبرائتك وهيجيلك الي يستاااااهلك ياااااقمري