الحقونى يا جماعة حبيبي بيخونى .........

[Nona Xd]

االسلام عليكم ورحمة الله بركاتة
انا عضوة جديدة معاكم وحبيت استشيركم في مشكلتى وتقولولى اعمل اية علشان انا تعبت بجد
حبيبي بيصاحب بنات كتير وكل لما اكلموا في الموضوع دة يقولى دى صدقات عادية وانتى بس اللى فى قلبي
بس من يومين حولت ادخل على ايميلوا ونجحت لقيت مسج اوف لاين واحدة كتبالو اا نا بحبك و بموت فيك انا بقي اتجننت وزعلت معاة وقلي انوا هوا بيكلمها بس على النت وكلام عادى بس انا مش مصدقاة بس احنا رجعنا لبعض وانا بحبوة ومش قادرة اسيبوة علشان ه روحى بس هو بيعرف بنات كتير
مش عارفة اعمل اية هل اسيبوة ولا اكمل معاة وازاى اخلى يبعد عن كل البنات ويحبنى انا بس
وافضل انا بس اللى في قلبو وانا بس اللى حببتوة اانا عايزة مشاركتكم يا جماعة بسرعة بليززززززززز

[brokenheart]

اعتقد قرارا في ايدكــ انتي بس

انتي اكتــر واحدة عارفة هتقدري يخليــه يبطل الموضوع ده او لأ

و هل ممكن تفضلي في قايمة الانتظار

لو اجابة واحد من السؤالين دول بــ نعم .. يبقي كملي مفيش مشكله

لو لأ .. يبقي متضيعيش حياتكــ في الأتجاه الغلط


نصيحة علي جنب سريعا كدا

بلاش اسطوانه انا مخنوقة انا مضايقة انا تعبانه الخ الخ الخ

وبلاش معارضاتــ كتير في حكاية اللبس و الخروج


يارب اكــون قدرت أفيد بحاجه

تحياتي

[محسن البدراوى]

االموضوع ده عادى اليومين دول
يعنى كتير من الشباب بيعرف اكتر من بنت
بس انتى الوحيده اللى ممكن تعرفى مين اللى فى قلبوا بجد
يعنى الموضوع فى ايدك انتى
ولو شايفه انوا شخص فعلاً يستاهل حبك
حاولى تصلحى فى صفاته
الكلام ده لو هو بيحبك
هيحاول يصلح ده
بس عارفه ازاى
اقلك انا
اعملى مشكله معاه صغيره بخصوص الموضوع ده
وسبيه كام يوم ومترديش على تليفوناته
لو لقتيه لسه بعدد فتره متمسك بيكى يبقى بيحبك بجد
لو بعد فتره طنش
يبقى انتى بقا فى ايدك الحل ومش هقلك تعملى ايه
وانتى وتركيبتك بقا وشخصيتك

لكى منى اطيب الامنيات وبالتوفيق

[Nona Xd]

ميرسي بجد يا جماعة على مساعدتكم ليا في حل مشكلتى
بس انا هسأل سؤال وحد يجاوبنى علية ازاى اخلية يبعد عن البنات دى
وازاى افضل انا بس اللى في قلبوا
اعمل اية وهل التقل هايجيب معاة نتيجة اتقل علية يعنى

[brokenheart]

ميرسي بجد يا جماعة على مساعدتكم ليا في حل مشكلتى
بس انا هسأل سؤال وحد يجاوبنى علية ازاى اخلية يبعد عن البنات دى
وازاى افضل انا بس اللى في قلبوا
اعمل اية وهل التقل هايجيب معاة نتيجة اتقل علية يعنى

لو حاسه انه فعلا بيحبكــ وده اهم شرط

يبقي بلاش اسطوانة النكد المعروفة بالفطره دي اللي هي زهقانه مخنوقة الخ الخ

حكاية اللبس و الخروجات متناقشيش فيها كتير .. الا لو كان تحكم واضح

خليكي دايما أجمل من البناتــ التانية .. الشياكه و التصرفاتــ

بلاش مقارناتــ .. حكاية شوفت صاحبتي حبيبها مهتم بيها اكتر ما انت بتهتم بيا وعمل و عمل و عمل ..
لما تحبي انه يعملكــ حاجه لمحي ليها من غير ما تقولي فلان عمل و فلان عمل


لو كل ده بتعمليــه فعلا و مفيش فايده ..
يبقي انكــ ترجعي من نص الطريق افضل من انكــ مترجعيش خالص

[Nona Xd]

شكرا على ردك الجميل يا brokenheart هو من ناحية النكد فا انا بزهقوا بسبب تصرفاتوا احسن هو انسان عنيد جدا
بس باردوا انا مقدرش اعيش من غيرو بس حد يقولى يا جماعة اعمل اية
في البنت اللى عندو على النت دى نفسي اعرف هى مين وعلاقتة بيها ية
علشان انا حاسة ان هو مش صاريح معاية هل اكلمها بطريقة غير مباشرة
واعرف منها الموضوع ولا اية

[حب العمر]

انا رايى انك الوحيدة اللى تقدرى تعرفى هو بيحبك بجد ولا لا وانه بيتغير معاكى وبيتاثر بالصداقات ده ولا لا انت الوحيدة اللى تعرفى تقدرى ده
ولو عرفتى واتاكدتى انه بيحبك وما يقدرش يستغنى عنك ساعتها تبقى على طول معاه وتعرفى بيكلم مين وبيقول ايه وتخليه يعرفك على البنات ده وتعرفى كل حاجة بيعملهخا على النت
لان معرفتك لكل حاجة هيسهل عليكى تعرفى مدى العلاقة اللى بينه وبين البنات ده وتعرفى ايه الحاجة اللى بيلاقيها معاهم ومش بيلاقيها فيهم
وتحاولى تعوضى النقص ده
سورى لو اى لفظ فى كلامى ضايقك
اتمنالك حياة سعيدة وابقى طمنينا عليكى

[شهوود]

الحال من بعضه والله ياقمر

[ELBRNSISA ESRAA]

انا راى من راى حب العمر

[mreda eino]

السلام عليكم
ولله انا عايز اقولك إن من الصعب أن احب فلان او علان ومن المستحيل ان اجبر شخص على حبى .
وانا حاسس من كلامك انه مش بيحبك وكمان انتى مش بتحبه ؟
لان " فاقد الشئ لا يعطى "
والحدق يفهم "
وياريت رائى مايزعلش حد منى
ويابخت من بكانى . ولا ............