شعب مصر عامل دماغ .............. سيبرتو و نولتوا

**باتعه** · 19 - 7 - 2008, 04:49 PM

هو فيه ايه
حد شامم اللي انا شماه دة
و الا انا بس

ايه ريحة السبريتو الجبارة اللي في البلد دي

حد يقولي
طب بمناسبة رمضان هل استنشاق السبرتو مفطر على اساسا انه كحول يعني و مش مفطر بس دة مُسكر كمان

المشكلة اني كنت في الاول لوحدي اللي شامة ريحة السبرتو و كل ما اسأل حد هو انتم شامين ريحة سيبرتو

؟؟؟؟؟؟؟؟؟؟

يقولولي لا

يا جماعة دي في ريحة مستشفيات هما بيعقموا الجو و الا ايه

و خصوصا اني سمعت انهم حيغسلوا مية النيل و مفهمتش حيغسلوا المية ازاي

يا ترى حيجيبوا مية مبلولة يغسلوا بيها النيل و الا حيعملوا ايه

لكن الكل كان بينكر

لدرجة اني شكيت في نفسي و افتكرت ان مناخيري هي اللي بتفرز السبرتو عشان كدة محدش شمة غيري

و اكيد اكيد حتتعمل شركة باتعكو لانتاج و تصدير السيبرتو الخام
و ابقى مصدر من مصادر السبرتو في البلد

و اصدر سبرتو خام
و يمكن كمان اتخصخص او اتأمم شركة مساهمة مصرية لانتاج و توزيع السيبرتو

بس اكتشفت بقا ان الموضوع كبر و ابتدت الناس تفوق قصدي تسكر
الناس ماشية تطوح في الشوارع و تقول انا جدع هئ

و بصفتي انا كمان ماليش في أي منبهات من شاي و قهوة و نسكافية و خلافة فريحة السيبرتو بتعملي دماغ جامدة اوي لدرجة اني بكتشف اني بضحك للنكت البايخة و على كل حاجة اصلا و خوفت حد يقول عليا حاجة و خصوصا ان سمعة الضحك مش ولابد في البلد لان الضحك من غير سبب كخ

معقول الحكومة تكون رشة رشة سيبرتو جريئة في البلد عشان الناس تشم و تنسى ؟؟؟؟!!!!

يعني مثلا واحد يروح يشتري كيلو سكر و يدفع فيه 3.5 جنية فتمر شوية هوا مشبعين بالسيبرتو فيتسطل و يفتكر نفسة دافع 1.35 قرش و يدفع و هو منشكح

بس الغريب ان الريحة متجددة و السبرتو دة بيطير بسرعة

يعني لو ماسورة السيبرتو انفجرت في مصر بعد يومين بالكتير الريحة لازم تختفي
لكن الواضح ان الموضوع اكبر من مجرد ماسورة منفجرة

اكيد الموضوع كبير

طلعت اوشاعات قال ايه استوردنا بنزين من معرفش فين فيه كحول

احنا ليه اساسا بنستورد بنزين دة اول حاجة في الصادرات المصرية و على رأس قائمة الصادرات و اخيب عيل في اعدادي و ثانوي عارف انه البنزين رأس الصادرات المصرية

و الا احنا بنصدرة يحوطولنا عليه سيبرتو و نرجع نستوردة تاني

؟؟؟؟؟؟؟؟؟؟؟؟؟!!!!!!!!!!!!!!!!

و بعدين دة السيبرتو دة خطير جدا
على سبيل المثال الاستاذ السيبرتو يعتبر مادة مخدرة

طب نعمل ايه منتنفسش مثلا

السيبرتو مادة مطهرة
يبقى اكيد البلد بتطهر ( بس يا ترى من مين

من الشعب مثلا )

السيبرتو مادة قابلة للاشتعال
يبقى هو دة

- اكيد حيولعوا فينا

مع تحياتي

باتــــــــــــــــــــــ ــــــعة

**Treka** · 20 - 7 - 2008, 07:08 PM

اولا اشكرك جدا على التوبيك
الرائع ده بجد جامد جدا واسلوب السبرتو اصدى الكلام اللى فيه جامد جدا

ثانيا :

لكن الواضح ان الموضوع اكبر من مجرد ماسورة منفجرة

دى مش ماسورة بس دي ده خزانات كبيرررررررررررة جدااااا
وانفجرت فى البلد ..

( بس يا ترى من مين

من الشعب مثلا )

حاجة زى كدة ...

السيبرتو مادة قابلة للاشتعال
يبقى هو دة

- اكيد حيولعوا فينا

ياريت يا باتعة والله يبقى ريحنا كتيييييييييير ...

**حسام** · 6 - 8 - 2008, 12:09 AM

ياريت نلاقي السبرتو دا مافيش حاجة في البلد ترضي الله مش لاقيين نأكل

**خوخا** · 7 - 8 - 2008, 08:45 PM

مشكووووووووووووره على التوبيك الهايل دا
انا كمان شامه السبيرتوا

**د-كوكو** · 31 - 8 - 2008, 04:58 PM

يا لهوي علينا هو ايه اللي بيحصل
بس ممكن سوال حد يجاوب عليه قبل رمضان
هو السبرتو اللي بنستخدمه في الكليه ريحته بتفطر
ولا مش بتفطر
حد يجاوبني وبسرعه
ربنا يخليكم

**محمدحسن فرغلى** · 19 - 9 - 2008, 03:06 PM

رمضان كريم كريم

**MagMan** · 20 - 9 - 2008, 06:43 PM

باتعه ايه السبيرتو اللي انتي جيباه ده كله ....

وايه الموضوع الجامد والحلو ده ...

مشكوره ا باتعه علي التوبك الهايل ...

**re-ham** · 2 - 10 - 2008, 03:59 PM

توبك تحفه يا باتعه ...ودا اكيد التفسير وراء كل الحرايق اللي حصل في اقل من شهر ......
وكمان الروقان المبالغ فيه من ".........."بدون ذكر مراكز..........
و استقبال ايضا الملئ بالامبالاه من الشعب

الموضوع: شعب مصر عامل دماغ .............. سيبرتو و نولتوا

أدوات الموضوع

شعب مصر عامل دماغ .............. سيبرتو و نولتوا

معلومات الموضوع

الأعضاء الذين يشاهدون هذا الموضوع

المواضيع المتشابهه

شعبنا عامل دماغ سيبرتو ..... و نيلتواااا ^^

شفتو تورتة الزفاف تعالو شوفو طورتةالطلاق

الكلمات الدلالية لهذا الموضوع

ضوابط المشاركة