سالخير عليكم ياكتاكيتى..

انا هنا عايزة اقول ان الموضوع للبنانيت وبس ..

وبنسمح بدخول الرجال..

يمكن أنا خبرتى فى الجواز مش قوى ..يادوب لسه هتجوز بعد 4 شهور يعني شهر 11 الجاي ان شاء الله..

إتما فى بنات كتيير قابلتهم وما زلت اتعرف واقابل زيهم عندهم قلق من ناحية الجواز...

فى اللى بيتقدم لها ناس كويسة جدا إنما مش بتوافق..

تسألها ليه كدا ..تتحجج بأى حجة..

وعلى ما أنا شايفة ..أغلبهم بيقولوا اسباب مش هيا السبب الرئيسى لرفضهم للزواج..

إنما بيكون السبب الرئيسى

خوفهم من الجواز فى حد ذاته..

خوفهم من انهم يكونوا تحت سيطرة إنسان اللى هوا الزوج طبعا..

او جايز خوفهم من انهم يفقدوا حريتهم..

أو اللى شايفة انها كدا براحتها على الاقل بتعمل كل اللى هيا عايزاه من غير ما حد يقولها لأ..

يعنى بتشتغل وبتخرج تتفسح مع أصحابها مثلا..

وفى بقى اللى شايفة أن الرجالة إنعدموا من الدنيا أصلا ..

وأن فى الزمن دا مافيش راجل يستاهل أنها تضحى علشانه وتتجوزه..

بجد والله فى بنات كدا..

أنا هنا بقى عايزة أقول لكم أى حاجة قلقانين منها فى الجواز تعالوا نتناقش فيها يمكن أقدر أفيدكم..

وأتمنى أن أمهاتنا اللى هنا يفيدونا بخبراتهم فى الموضوع دا..

ويارب نقدر نجاوب على كل تساؤلاتكم..

وربنا يفرحنا بيكم كلكم يارب ..

..