قهوتنا على الانترنت
ابحث عن :  
النتائج 1 إلى 3 من 3
  1. #1

    حوار اعرفي عريسك بدري بدري من طريقة اكله ..

    السلام عليكم ..

    ازيكم يارب تكونو بخير

    حبيت اشارك باول توبيك ليا هنا في المنتدى ده ويارب يعجبكم
    يكمن يكون مكرر ويمكن يكون ناس شافته قبل كده

    بس معرفش اذا كان مكرر ولا لا بس حبيت اشارك فيه

    ويارب يعجبكم


    1- إذا كان عادي يعني لا بياكل بسرعة ولا ببطء ولا دايمًا شبعان ولا
    مفجوع على طول..
    يبقى شخص معتدل في عواطفه
    وقراراته ويبقى ده آخر
    الرجال المحترمين..
    كلبشي.. واستعجلي الزفاف والحياة هتبقى بمبي

    2- إذا كان بيحب الأكل زي عينيه.. وأول ما يدخل من الباب وقبل ما
    يقول لك ازيك يقول لك ريحة التقلية تجنن ياروحي إنتوا عاملين ملوخية
    على أرانب؟؟.. أموت أنا.. ويقعد ياكل ويحشر لحد ما يغمى عليه..

    يبقى إنسان طفس.. وهوائي..
    وطايش.. وأوعي تتجوزيه أحسن ياكلك وانتي نايمة....؟؟
    3- أما إذا كان مش مهتم بالمرة.. لايقولك ده حلو ولا ده عادم ولا
    مالح ولا مستوي ولا لسه ني ولا بيعلق أي تعليق.. وعمره مايقولك جعان
    أو شبعان

    يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
    وهاتعيشي إنتي الراجل والست ف وقت واحد واعملي حسابك هاتركبي وتدلدلي
    رجلييكي.
    4- أما إذا كان بياكل زى مايكون حد بيجري ورااااه وساعة الأكل
    بيجيله حالة صرع معوي.. ويقوم من ع الأكل قبل أي حد تاني.

    يبقى متسرع.. ومتهور في اتخاذ قراراته وممكن بعد الجواااز يكتشف إنك
    لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
    إخلعي إنتي بدري أحسن لكرامتك.

    5- أما إذا كان بياكل على مهله.. ويمزمز.. ف كل صنف لوحده.. ويسأل
    عن كل صنف إيه مقاديره ومعمول إزاااي ويقعد يستطعم ف الأكل من العصر
    للمغرب .

    حاسبي منه يا اختي ده النوع اللي له مخ.. وبيوزن الأمور بطريقه تفقع
    المرارة.. ولو في يوم طلبتي منه يقولك كلمة حلوة هايقولك مش عامل
    حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
    إيه؟؟
    نظااااام شلل رعاش

    بدري.... بدري....

    إخلعي يا أمي...

    6- أما إذا كان بيقعد يقطع ف الأكل زي مايكون ف خناقة ويخبط ف الطبق
    من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
    طول ماهو بياكل لما يغرق وشك أكل..

    ده شخص عصبي جدًاااا.. ومع أول خناقة هايروح مناولك بالكرسي ف راسك أو
    بالسكينة ف عينك يعمل لك عاهة مستديمة وبعدين.. يهدى.. ويقول لك:
    "سوووري يا روحي هي جت فيكي.. ماعاليش"

    ""ماعاليش برَّه يا حبيبي وخد الباب ف أيدك""

    7- أما إذا كان دايمًا قرفاااان دايمًا مش عاجبه العجب ولا الصيام ف
    رجب.. يع..

    الملوخية تقيلة.. ياي.. السمنة كتيرة على وش الشوربة.. ياساتر.. دا
    محشي ولا صوابع
    مووووز.. أووووف.. الرز محصويل.. يامَّه المكرونة
    معجنة..

    إذا كان كده توكلي على الله وهاتي أحمى ساطووووور عندك وأنا أعرف لك
    واحد محامي هايطلعك منها زي الشعرة م العجيييين

  2. #2
    تاريخ التسجيل
    3 - 11 - 2007
    ساكن في
    c:\programfiles\MaYa
    العمر
    38
    المشاركات
    298
    النوع : ذكر Egypt

    افتراضي رد: اعرفي عريسك بدري بدري من طريقة اكله ..

    طيب هو مفيش حاجة الواحد يقدر يعرف بيها عروسته بدرى بدرى

  3. #3
    تاريخ التسجيل
    11 - 11 - 2007
    ساكن في
    انت مالك
    العمر
    30
    المشاركات
    3,362
    النوع : انثيEgypt الفريق المفضل  : الاهلي

    افتراضي رد: اعرفي عريسك بدري بدري من طريقة اكله ..

    ههههههههههههههههههههههههه
    نصائح ممتازه يا بينك بس بيتهيقلي فعلا لو كده يبقا القعده في بيت ابويا احسن

    أيا دمعه مقيده باغلال الكبرياء...
    افتقدتك ..
    ففقدت احساسى بكل الاشياء...
    يا صديقتــى فى لحظــات الحزن والشقــاء ...
    اشتقـت اليكـــى ..
    اشتقـت الى البكــــاء ...

    البحث على جميع مواضيع العضو Young DeviL

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ادخلى اختارى عريسك من 1 الى 5
    بواسطة ♥بـونـبـونـايـه سـكـره♥ في المنتدى خمسة فرفشة
    مشاركات: 2
    آخر مشاركة: 23 - 10 - 2009, 11:16 PM
  2. طلب معلومات عن الفجول بيسك
    بواسطة ساندىsh في المنتدى منتدى البرامج العام والشروحات المصورة
    مشاركات: 0
    آخر مشاركة: 6 - 9 - 2009, 03:08 PM
  3. الفرق بينك وبين رئيسك في العمل
    بواسطة emadbatta في المنتدى خمسة فرفشة
    مشاركات: 0
    آخر مشاركة: 27 - 4 - 2009, 06:33 PM
  4. الفرق بينك وبين رئيسك في العمل
    بواسطة ~ man neO ~ في المنتدى خمسة فرفشة
    مشاركات: 2
    آخر مشاركة: 15 - 3 - 2009, 05:39 PM
  5. اعرفي عريسك من طريقه اكله
    بواسطة سهرالليالي في المنتدى مصراوي كافيه
    مشاركات: 1
    آخر مشاركة: 6 - 3 - 2009, 01:53 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©