هل الزواج هو نهاية الحب أم بدايته؟

[TiMo0oR]

بردو ما راح الاقي رد احسن ورايي نفس راي اخى علي
جزاك الله خيرا اخى تيمور وبارك الله فيك

شكرا يا ساندرا على مرورك

و على تعليقك

[TiMo0oR]

الاكيد ان الزواج هو بداية الحب الصح حتى لو مش بنفس مشاعر ماقبل الزواج ولكن بيكون برباط مقدس وبالتالي بيكون اقوي لان مهما حب اتنين بعض قبل الجواز ممكن اوي في اي لحظة انهم يسيبوا بعض او حد يتخلي عن التانى بسبب اي ظروف او ضغوط مهما كانت درجة الحب اللي وصلوا ليها لكن بعد الجواز في حاجات اكبر بكتير متجعلش حد من الزوجين انه يتخلي عن التانى حتى لو كان الحب اللي بينهم مش بنفس درجة الحب اللي قبل الزواج لان الزواج رباط مقدس - حياة - عشرة- اولاد بعد كده- أسرة
والقادر بس علي وجود الحب بعد الجواز واستمراريته هو من رأيي توافق الطباع والتفاهم بين الزوجين لان دول ان شاء الله يؤدوا الي الحب بل واستمرارية الحب لكن تبادل المشاعر والاحاسيس فقط من جانب اتنين مش دليل علي توافق الطباع وبالتالي مش هيوصلوا للحب ولو ظنوا انهم وصلوا للحب اكيد اكيد( هيتبخر الحب ده) سواء قبل جواز او بعده
وعلي فكرة مش مهم جواز صالونات ولا جواز عن حب ولا جواز نت ولا ولا ولا المهم توافق الطباع والتفاهم اللي هيوصلوا للحب لكن حب من غير تفاهم لا يكفي سواء في جواز او لا.......

"والاختلاف في الرأي لا يفسد للود قضية"

شكرا يا حبيبة على مرورك

و على تعليقك الجميل

[TiMo0oR]

الموضوع بيعتمد علي الزوجين هما اللي بايدهم الحب ده يكبر ويعيش للابد او يموت مع اول مشكله تحصل بنهم بعد الزواج لان مفيش بيت يخلو من المشاكل زي ما كلنا عارفين والحياة مش ديما وردي المهم ان كل واحد منهم يعرف واجبته تجاه الطرف الثاني علشان يكون في عدل في العلاقه بنهم لان الزواج ده شركه مساهمه زي ما بيقولو لازم كل الشركاء اللي فيها يسهمو بكل مشاعرهم وحبهم تجاه الطرف الثاني واهم شئ في هذه الشركه الصدق ثم الصدق ثم الصدق والاخلاص لان الاثنين في سفينه وحده والسفينه دي فيها هلب واحد يعني يا هيعيشو عيشه سعيده عليها ويكون ليها قائد واحد وهو الزوج وده مش تحيز ولا كان كلنا عرفين ان الرجال قومين عن النساء وده لان النساء عموما بيحكمو علي كل حاجه مشاعرهم اكثر من عقلهم يا اما يكون عليها اثنين ربان ووقتها المركب مش هتصمد كتير لان المركب اللي عليها ربانين بتغرق اهم شئ كل واحد يعرف واجبته تجاه الثاني من المحبه والاخلاص والوفاء وتحمل المسئوليه مها حصل لان الدنيا كبوات والانسان اللي بيحب بجد هو اللي بتعرف وقت الديق من وقت الرفاهيه .... موضوع جميل وننتظر مزيدك ................. وتقبل مروري

تسلم يا جميل لمرورك

و شكرا على تعليقك

[TiMo0oR]

بص يا تيمور

في مجتعنا الشرقي موضوع زواج الصالونات ده هو التوب

وقليل لما تشوف اتنين بيتجوزو بعد ما عاشو قصه حب

الشباب بيعملو البحر طحينه للبنات لفتره من الوقت والبنات بتشرب الطحينه في الفتره دي

طبعا العلاقات دي لا اساس لها في الاسلام وحرام شكلا ومضمونا

انا خرجت بره الموضوع شويه

بس اللي عاوز اقوله ان الشباب بيفصل بين الجواز ومغامراته الرومانسيه

يعني الولد بيدخل مع البنت في علاقه وهم الاتنين عارفين انها ان لم تنتهي انهارده هتنتهي بكره

يعني على حد فكرهم - بيتسلوا -

بس موضوع ان الحب بينتهي بالجواز ده ليه اسباب

يمكن لان كل واحد بيشوف التاني على طبيعته

بالمصري المستخبي بيبان يعني

بس بردو في مثل بيقول ان الحب بيجي بالعشره

بس خلاااااااص

عندك حق فى كل كلمه كتبتها يا كارثه

و تسلم ايدك لمرورك

و على تعليقك الجميل

[mona roshdi]

من وجهة نظرى مفيش حاجة اسمها حب حقيقى وحب كداب الحب حب
وملوش تسمية تانية وتالتة اللى بيكون قبل الزواج دى مشاعر بتحرك قلبين
بس مش بيكون حب بدليل انهم لما بيتركو بعض خلاص كل واحد بيعيش حياتة وبينسى بمرور الوقت
الحب الحقيقى اللى بيشوف النور اللى كل لما العشرة تطول يكبر اكتر واكتر ودة ياتيمور مش ممكن تشوفة الا بلأرتباط اللى الشرع والدين بيتقبلوة الحب على فكرة بيكبر بحب اللى حوليك اوعى تقولى ممكن اتنين يعيشو وحدهم ويفضلو يحبو بعض لازم حيكون فى مشاكلانما لو اللى حوليهم بيحبوهم بيبارك الحب دة وبيكبر الحب وبيزيد وشكرا ياتيمورعلى الموضوع المصيرى دة

[TiMo0oR]

كلامك جميل اوى يا منى

و تسلم ايدك على الكلام المفيد ده