كفاية طلبات .. استرجل بقي

[brokenheart]

بسم الله الرحمن الرحيم


الثورة الأولي
الثورة التانية
مظاهرات اسبوعية
اعتصامات دورية


خرج الثوار يوم 25 مطالبين بالديموقراطية و العدالة .. فأين هم من الديموقراطية و العدالة الآن

بالنسبة للديموقراطية

من يخالف الثائرين في الرأي هو من الفلول الخائن لبلده يستحق أن يرجم حتي الموت في ميدان التحرير
الذي أطلق عليه ميدان الفاضيين

اما العدالة

هي أن يُحكَم علي كل من ذكر اسمه في النظام السابق بالاعدام حتي و ان لم تتوافر الأدلة للقاضي !!
لمجرد اعتصام بضعة الآف
فضلا انه لا يجوز أصلا اعدام شخص و لو كان المتظاهرين مصر بأكملها شباباً و شيوخاً و اطفالاً و نساءاً


ان كانت تلكــ عدالتكم فلا أذاقكم الله اياها
و ان كانت تلك ديموقراتيتكم فــ لبئس الشعوب مسعاها
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

أهالي الشهداء لا يطيقون الانتظار لتقوم الدولة بحصر الاعداد و التفرقة بين المجرمين و الشهداء
لماذا !!
هل حقا ما ذكر أن شهداءهم من البلطجية فيخافون ان ينكشف سترهم؟!

يهددون بالقصاص بأنفسهم ؟
اهالي شهداء ام اهالي عصابات شوارع ؟!

يوميا .. اهالي الشهداء يخرجون في مختلف وسائل الاعلام ليقولوا انهم رفضوا الدية
و ان الحكومة تريدهم أن يبيعوا دماء أبناءهم
أفغير دين الله يبغون ؟!
الله هو من شرع الدية ..
فيجب عرض الدية أولا .. اما ان تقبل أو ترفض .. هذا شأنكـ

لكن ليه التنطيط كل يوم في وسائل الاعلام للحديث في الموضوع ده
أيريدون التفاخر ؟! أم يريدون ان ينقلب الشعب علي الحكومة التي تم أختيارها من قلب الثوار ؟!

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

دائما ما نسمع ان المظاهرات و الاعتصامات سلمية
كدابين و الله
الشرطه الآن أجبن من ان ترفع عينها في عين المواطن
البلطجية هم اللي بيبدأوا استفزاز الشرطه
هم اللي بيكسروا المرافق العامة

نفسي حد يقولي من المستفيد الوحيد من غياب الأمن في البلد ؟!

أقسم بالله العظيم اني شوفت الـ 3 مواقف دول بــ عيني

الموقف الأول

من فترة كدا التاكسي اللي راكب فيه وقف في دوران في القومية ( الزقازيق ) فــ لاحظ ان الضابط كتب حاجه في ورقة افتكر انه خد رقم عربيته
سواق التاكسي فضل ماشي وراه لحد ما وقفه و خلاه يحلف بأغلظ الأيمانات انه مكتبلوش مخالفة

الموقف التاني

انهردة و أنا راجع من اسماعيلية ع الطريق الصحراوي عسكري الجيش بيشاور للسواق يقف
السواق راح مشاورله بايده فيما معناه ( ياعم اتنيل ) و موقفش و مشي طريقه عادي

الموقف التالت

انهردة بردو في الطريق في أبو حماد ( الشرقية ) ناس موقفة عربية شرطه بوكس
و منزلين الضابط بيضربوه في وسط الشارع ؟!

عربيات بتتسرق كل يوم و ضرب نار علي فترات

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

طلبات الثورة

العدالة .. فيطالبون الاعدام حتي و ان لم تتوافر الأدلة
الديموقراطية .. كل من يخالفهم الرأي من الفلول
حد ادني للأجور .. فتمت الموافقة .. فــ قفلوا مجمع المصالح
تأجيل الانتخابات البرلمانية عشان ملحقوش يجهزوا نفسهم .. طب كنتوا بتعملوا ايه ال 6 شهور دول ؟!


مصر لم تتغير الا للأسوء و ده الواقع الملموس .. قرفنا بقي من كلام الشعارات
المتظاهرين لو قولنا ليهم احنا مش ملاحظين أي تحسن .. يقولوا الثورة مبتغيرش حاجة بين يوم و ليلة
لو قولنالهم اصبروا مفيش حاجة بتتغير بين يوم و ليلة .. يقولوا احنا مش حاسين بتغير و معتصمين في التحرير


قصه علي جنب كدا

كنت انهرده في المرور عشان اطلع رخصة
ورايح من غير واسطة و من غير ما ادفع

النتيجة كانت كالآتي

قفلنا اللجنة تعالا يوم الثلاثاء الجاي !!
يا باشا انا لجنتي انهردة
لا قفلنا خلاص


طبعا اللي داخل بوسطة اشطة مبيتكشفش علي عربيته
و بيغمز السواق اللي جنبه ب حته ب خمسين كدا ( اشرب بيها كباية شاي )

النتيجة كالآتي

تعالي بكره عشان تتصور و تستلم الرخصة




بجد احنا محتاجين توعية شعب
محتاجين نية مخلصة لجيل جديد
عايزين نبدأ بنفسنا
مصر اقتصادها بيضيع دلوقت و انت بتطالب بزيادة في الأجور و تدعيم للسلع
حقك تطلب ده بس اشتغل عشان متبقاش مجرد طلبات .. عايزينها خطط قيد التنفيذ !!


عايزين نبطل حكاية اشرب كباية شاي !!
عايزين نبطل روح لاستاذ كذا فيبعتك لاستاذ كذا عشان حضرتك مكسل تشتغل !!
عايزين نبطل نمشي قبل الشغل ما يخلص بساعة و خصوصا بتوع الخزنة !!
عايزين نبطل امضي ليا معاك يا ابو احمد !!
و الستات لو مش عارفين يشتغلوا و هيفضلوا يمشوا بدري عشان يلحقوا يطبخوا يبقوا ارحمونا و متشتغلوش !!


عايزين نغير بالفعل .. كفاية مطالبات بالتغيير
كيف تطلب العلا .. و لم تكن يوما محسناً
كيف لك ان تطلب مكافأة .. ان لم تكن من الاصل موظفاً
لو لم تستطع التغيير بنفسكـ .. فـ عار عليكـ ان تصبح مستجدياً
كم من سنين كنت متواكلا .. الم يأن لكــ أن تصبح متوكلاً ؟!

الامضاء / مصري فخور بالثورة الأولي فقط

[ayosha love]

عنــــــدك حق والله يا محمــــد
كل شــئ ماشى بالوسطة اليوميـــــن دول
او بمــــعنى اصح الحياة كلها
والمفــــروض كل واحد يلتــزم بشغلـــة ومواعيــدة
علشــــان نبقى عايـــشين الحياة صح
ومصــــــر تبقى احســن دولة
جزاكـ الله كل خيـــر

[brokenheart]

عنــــــدك حق والله يا محمــــد
كل شــئ ماشى بالوسطة اليوميـــــن دول
او بمــــعنى اصح الحياة كلها
والمفــــروض كل واحد يلتــزم بشغلـــة ومواعيــدة
علشــــان نبقى عايـــشين الحياة صح
ومصــــــر تبقى احســن دولة
جزاكـ الله كل خيـــر

جزاني الله و إياكي

و بالرغم من ده كله لسه متفائل ان احنا شعب عظيم و هنبني حضارة من تاني ان شاء الله

ثانكس لمروركـ الجميل آيوش

نورتي التوبيكــ

أسعدني مروركــ

تحياتي