اخر يوم (هااااااااااااااااام)

[Basmalah]

انا اسفة جدا
انا دخلت المنتدى وفكرت انى لقيت اللى بدور عليه
بس للاسف مش ده اللى بدور عليه
رغم انى بشكركم كلكم على المنتدى والشغل الكتير اللى فيه
والتميز طبعا
بس انا كنت بدور على اسرة داخل المنتدى
مش مجرد توبيكات وبس وعداد بيعد


احب اوضح بس معلومة
انا ملقيتش منكم اى تجاوب خالص
التعليق على التوبيك والنقد بيشجع على الكتابة

هو ده اللى حبيت اقوله
لازم يكون فيه تشجيع من الكل على التوبيكات اللى بتتكتب
والنقد البناء شئ مهم جدا

انا اسفة جدا لانى محبتش اخرج كدة وخلاص منغير ما اتكلم
وشكرا على سعة صدركم
وشكرا لكل واحد دخل قرا التوبيك ده وفهم
ودايما لاحظوا عداد المشاهدات والمشاركات
وشجعوا بعض اكتر من كدة
اشوف وشكم بخير

بسملة

[دره]

بصى يا قمر احب اقولك ان كلامك صح جدا بنسبه كبيره اولا لان المنتدى جه مده اختفى منه شويه جو الاسره بس لفى دلوقتى هتلاقى توبيكات ترحيب بالاعضاء اللى غابوا فتره ورجعوا وكلهم متميزين عاوزه اقولك انى زيك مشيت مده ورجعت اهو تانى بس رجعت لان انا عارفه ان الالفه والاسره بترجع تانى فانا بس بطلب منك تراقبى المنتدى المده اللى جايه وشوفى الاسره هتلاقيها ولا لاء وعاوزه اقولك كمان ان احنا من خلال المنتدى بقينا اخوات مش مجرد صحاب والاعضا ء كلهم يشهدوا بده فنا بس عاوزاكى متتسرعيش ومش كل حاجه بتيجى بسرعه كل شئ عاوز الصبر وانتى لسه جديده ادى لنفسك فرصه اكبر تعرفينا وصدقينى هييجى يوم تتمنى تشوفينا وتحلمى بينا كمان وده عن تجربه والله....اختك اسماء

[حرف مشتعل]

حبيبتى
احنا كلنا هنا اسره واحده

وطبعا انتى اخت لينا

ويكن الكل كان مشغول شوى
فالتمسى لاخوانك العذر

ونتمنى تفضلى معانا
بين اسرتك

[Basmalah]

ميرسى جدا يا اسماء وميرسى اوى حرف مشتعل
بس انا محدش يعرفنى
وانا معرفش هنا اى حد
وحاسة انى غريبة جدا بينكم
حتى الناس اللى دخلت قرات التوبيك مهتمتش تعمل كومنت عليه

[♥بـونـبـونـايـه سـكـره♥]

السلام عليكم
مش معنى ان محدش رد
او ان قليل الى ردو
يبئه احنا منتدى بيعدو مشاركات والسلام
بالعكس احنا كلنا هنا اسره مع بعض
وبنحب بعض كدااااا
وبنرحب بـ الاعضاء الجداد
بينورونا اكييييييد بمشاركاتهم
وعمتا احنا كنا فى امتاحانات كلنا
ويادوب لسه النتيجه تلعه
ورجعنا المنتدى من تانى
وان شاء الله نكون مع بعض كلنا من تانى
وهنكون متواجدين
وهتشوفى جو الاسره الى على حق
واهلا بيكى معانا
منوره المنتدى وستنا
واتشرفنا بيكى
ورمضان كريم عليكى
وعلى مصراوى كافيه كله
اختك سولى

[الزهرة123]

بصراحة الكلام اللى قالوه الاعضاء وفى وكفي وبعدين حضرتك ما كملتيش فترة معانا عشان تحسي بأسرة مصراوي ربنا يسهل منورة المنتدى

[mona aly]

thank you so much

[Basmalah]

شكرا يا سولى على كلامك
وميرسى اوى يا زهرة
واتمنى كلامكم يكون صح واكون انا فعلا اللى اتسرعت

وبعدين يا منى فيه ايه فى كلامى يزعل علشان يكون هو ده ردك على التوبيك يعنى؟؟
واضح انك مافهمتيش اى حاجة من الكلام

[قطره ندي]

لا ياقمر
احنا هنا كلنا اخوات وبنحب بعض جداااااااا
انا برده كنت غايبع فتره عن الكافيه
بس الحمد لله رجعنا تاني
وان شاء الله هيكون احلي واجمل من
الاول وانتي هتحسي ده بنفسك
لما تضي معانا وقت جميل
سدئيني بجد احنا بنحب بعض جدا جدا
وف يوم من الايام هتتعرفي علينا
وهتحسي كل ده بنفسك
نورتي ياقمر مصراوي

[Ali Pharouq Najar]

بسملة
و اسم يحمل
من المعانى
ما يطول وصفه
نزلتم أهلا .. حللتم سهلا
مرحبا بكم و أهلا و سهلا
قبل الحديث
لفتة طيبة
و حديث جميل
عكس صدق شعوركم
و جميل احساسكم
ونبيل صفاتكم
طيتم أينما طنتم
وتبوأتم من الجنة منزلا
باقات ورود
و سلال أزهار
تمضى من هنا
الرائعة الحديث
بسملة
و أصدقك القول
حيث لا مجال للكذب
فى تلك اللحظات
نحن هنا
أسرة ... مهما اختلفنا
مهما ابتعدنا
يد واحدة
أتعلمين فاضلتى
هنا
و أصدقك القول
تعلمت
كيف الحديث
تعملت
أن أقف
لأتابع بصمت
لأتحدث بفائدة
و ها أنا أمامكم
أرجو ألا أكون قد اطلت عليكم
و لكن
ولو للحظات
أتمنى
أن تراجعوا قراركم
و تعطوا لأنفسكم الفرصة الكافية
بالمشاركات الهادفة
بالتعليقات المثمرة
و سنوافيكم دوما
مودتى
لا تحرمونا اشراقتكم
لا تحرمونا إطلالتكم
دمتم بأمان الله