ادخل وجاوب؟؟؟

[ميدو الجامد أوى]

طبعاً كل واحد منا اكيد حصل له مواقف كتيير ضحكته

قولى بقى انت

ايه اكتر موقف فى حياتك ضحكك جدًا؟؟؟؟ ... فكر شويه علشان تقول اكتر موقف .. وضحكك من قلبك بجد .. لاااااااااااااااااااااااا ااااااازم تقول .. امال دخلت وقريت اللى انا كاتبه ليه .. هتهرب من انك تقول ... لا انت جدع وهتقول ... حتى علشان تضحكنا معاك

[Rosy magic]

حلو الموضوع

الموقف اللي فاكراه دلوقتي لما كنت عند واحدة صحبتي وكنا بنتكلم فصحبتي قالتلي معاكي لبان وانا بدور في شنطتي قام الكرسي اللي هي قاعدة عليه واقع متكسر وهي وقعت واقعة جامدة منظرها رائع يعني

كل اللي في البيت انفجروا في الضحك << مما جعل الموضوع ينشر في الصحف

ثانكس ميدو على موضوعك

[شمس]

اكثر موقف لسة محفور في ذاكرتي كنت لسة بنت 14
وكان البيت عندنا مليان ضيوف فيه خالتي وولا دها و كثير
المهم كنت شيطانة بمعنى الكلمة وعمالة اضايق في اخواتي وولاد خالتي
وكنا ساعتها لسة بنحط الاكل وكان عبارة عن شربة
فقالي اخويا يا بنتي روحي العبي بعيد وسيبينا ونا عندية ولا بسمع الكلام
فقالي والله لو ما بعدتي عني لكون كابب الشربة فوق دماغك وهي سخنة طبعا ونا من قلة عقلي قلتله اهو دماغي اهو لو تقدر تعملها
هههههههههههههههههههههه
وفعلا سكبها وراسي بقا فيه حمص على عدس بس بجد حرمت
اتحدى حد وقولو اعمل او ما تعمل
برافوووووووو عليك ميدو

[mona roshdi]

انا بجد الموضوع كان مضحك جدا ومقلب فظيع
انا عشت 17 سنة فى سويسرا لوزان بلد جميلة جدا جدا ومن عادتهم كل سنى وعلى يوم الكريسماس تقدم الهدايا يعنةى ممكن تكون رايح تشترى حاجة والبائع ليلة الكريسماس يعطيك هدية
دى بقى عاداتهم اوتصحى الصبح تلاقى على باب شقتك هدية ومش تعرف حتى مين اللى جابها هم بيعملو كدة علشان بيقولة لن بابا نويل هو اللى بيحمل الهدايا كانت الساعة الخامسة بعد ظهر يوم 24 ديسمبر وهناك المحلات بتقفل الساعة 7 مساء
خلصت الشوبنج بتاعى وراجعة البيت وانا ماشية ووحدى والشوارع هناك مش حقولك فاضية ومفيهاش ولا حد ماشى ببص على الارض قدامى لقيت باكيت ملفوف على هيئة هدية جميلةوبعدين انا فكرت انها ممكن تكون كدة هدية من بابا نويل بتاعهم وجت من نصيبى ودى فى الارض على الرصيف يعنى ولسة بوطى آخد العلبة اللى معمولة على هيئة هدية وآلاقى العلبة تطلع لفوق وتعلى
ابص آلاقى الشياطين... اطفال اشقية بيعملو كدىة فى المارة علشان شقاوة اطفال وفضلو سضحكو كتير ومعرفش الناس جت منين وقالولى هى اتعملت فيك ههههههههههههههههههههههه
انا أتعملت فينا قبلكبس بجد كان مقلب جميل ومضحك جدا جداااااا ومش بنساة ابدا
بشكرك ياميدو انك فكرتنى بأحمل السنوات اللى عشتها

[Treka]

ههههههههههههههههههههـــــ ــــــــــ

موضوع جميل والمواقف كلها جامدة بصراحة

انا بقى موقفى عمرى ما هانساه لانى ضحكت فيه ضحك ياااااااه كتير اوى

بس محدش يضحكـ عليا وعلى اللى حصل فينا انا واخويا ماشى ..

وتسلم يا ميدو باشا عشان فكرتنى بمواقف ياه جامدة موت


شوفوا بقى الموقف بتاعى ...

*****************************************

كنت انا واخويا محمود من حوالى 4 سنين كدة كنا بنتفرج على فيلم رعب الساعة 3 بليل وكنا طافيين النور ومشغلين المروحة على اخر سرعة عشان كنا فى الصيف بقى وبنسهر المهم واحنا قاعدين مش عارفين نتفرج على الفيلم من الناموس فا جيه اعلان فى وسط الفيلم فا انا قولت لمحمود اخويا بص بقولك ايه الواحد مش عارف يتفرج حلو صح فقالى ايوة عندكـ حق بس هنعمل ايه فا قولتله ولع كيتو - رش بيرسول - اعمل اى حاجة قبل ما الاعلان يخلص فا قالى بص احنا الاتنين ندور على بيرسول بسرعة قبل ما الاعلان يخلص قولتله ماشى - فا فضلنا ندور ما لقناش حاجة - المهم انا قولتله بص انت خد المفتاح بتاع المكتبة وانزل جيب علبه بيرسول --اصل احنا عندنا مكتبة تحت العمارة علطول -- المهم قالى ماشى فا انا جيبتله المفتاح وراح جاب البيرسول وفضل يرش يرش يرش يرش يرش يرش يرش يرش يرش يرش يرش لحد ما عمانا انا وهو المهم الاعلان خلص وبدأ الفيلم من جديد وانا بقى طفيت النور وعليت المروحة زى ما كانت واندمجنا جدا مع الفيلم - المهم ايه واحنا قاعدين كدة محمود اخويا لاقيته عمال ينفض فى البنطلون بتاعة جامد فا بقوله ايه يا عم فى ايه -- قالى مش عارف حاسس انه فى حاجة داخله جوا البنطلون فا قولتله يا عم تلاقى بس الفيلم وهمك ولا حاجة وانت متأثر اوى بالفيلم فا انت بتحس انه اللى فى الفيلم فيك قالى ممكن - فا اعدنا بتاع دقيقة بظبظ -- وببص على محمود اخويا لاقيته عمال يتنطط يتنطط يتنطط يتنطط - فا انا روحت بقوله فى ايه فى ايه قالى معرفش معرفش وبيصرخ وعمال يضغط وينفض فى البنطلون وهو لابسه المهم رحت انا رايح جارى على مفتاح النور علطول واول ما فتحت النور ببص >>>-(( فى ناس بتقولك ايه وعينك ما تشوف الا النور)) ->>>> لأ بقى انا فتحت النور وعينك ما تشوف الا (( الصراصير )) - اه والله وعينكـ ما تشوف الا الصراصير لاقيتنا كم صراصير مئات الصراصير - بجد كان عدد كبير جدا والوان غريبة والله احمر واسود واصفر واخضر والوان غريبة جدا عمر ما الواحد شافها قبل كدة ولا هايشوفها بعد كدة - المهم ايه روحت انا كنت قريب من الباب بتاع الشقة روحت فاتح وقولت يا فكيك ومحمود اخويا ورايا بس كدة - واعدنا نضحك ضحك عمرنا فى حياتنا ما ضحكناه ولا هنضحكه - كان موقف يا ربنا وقعدنا بتاع نص ساعة كدة بره الشقة وبعد كدة دخلنا بقى بنتسحب ولا كأن فى حرامية جوا المهم بنبص لاقينا الارض مش باينه من عدد الصراصير اللى ميته - المهم رحنا شايلنها ومسحنا مكانها فا لما دخلنا اخويا اتوقع ان الرش اللى كان بيرشه للحشرات الزاحفه مش للطائرة وطلع صح بنبص لاقيناه للحشرات الزاحفة مش للطائرة - انتو بقى لو مكانى هتعملوا فيه ايه - ومعرفناش ننام والله الا تانى يوم .... شوفتوا بقى الموقف ده - ومعلش بقى انا كنت بحكيهولكم بالتفصيل الممل - واسف على انى طولت عليكم وهو ده كان اكتر موقف مضحك بالنسبالى وعمرى ما هنساه لانى بحكيه كتير لاريبى وزميلى ولاناس كتيره عشان كدة عمرى ما هنساه لانه ضحكت فيه ضحك كتير اوى .... يلا بقى سلاحف عشان اكيد انتوا زهقتوا منى .. يلا سلام ...

[Essam Net]

يخربيت دا موقف يا اخى .. مع انى عرفكـ بس اول مره اسمع منكـ الموقف ده يا اخى ..
المهم انتوا كملتوا الفيلم ولا ..لآ .. ههههههههه

موقف حلو يا تريكه وانا لما افتكر موقف ليا هبقي اكتبوا ..

وشكراً ميدوا على الموضوع الجامد ده .. تسلم الايادى يا ريس ..

[ميدو الجامد أوى]

مشكوووره روزى على الرد العثل ده وبجد نورتى الموضوع

مما جعل الموضوع ينشر في الصحف
واتنشر بقى فى انهى صحيفه
.................................................. ......................ز

[ميدو الجامد أوى]

تسلمى شمس على مرورك وبجد نورتى الموضوع
بس انتى كنتى شقيه اوى وانتى صغيره

[ميدو الجامد أوى]

الله يخليكى منى وتسلمى وبجد نورتى الموضوع
على فكره الحركه دى باردو بتتعمل فى مصر مش فى سويسرا بس ههههههههههه

[ميدو الجامد أوى]

مشكوووووووووور مصطفى حبيبى على مرورك للموضوع
بس موقف جامد ههههههههههههههههههههههههه ههه
اوعى بعد كده تكتر من البيرسول ههههههههههههههههههههه