سيد قراره

[abdo389]

سيد قراره يابتاع الكبار
إرفع إرفع ف الاسعار
دلع طبطب عالاحتكار
....
إنشاء الله العيشة تولع نار
و الناس راح تشحت ليل و نهار
و تهج تموت تطفش م الدار
....
زمان قالوا لنا
نواب نقوط دول و لا قمار
و عيشنا و شوفنا
فتحى و عز ف قعدة عار
....
نواب بلدنا يا مبجلين
هى العدالة نجيبها منين ؟
ياللى بتطبخوا ف القوانين
من غير ضمير و لا حيا و لا دين
وعز بيغمز للحاضرين
يقول الكل إحنا موافقين
القوانين مش رص كلام و عد إيدين فى الهوا عاليين
القوانين دى حدود و حقوق و حياة ناس لسنين جايين
....

[طيف عابر]

والله روعه وصحيح فعلا
تسلم الايادى
بيعجبنى النائب ببلدنا قبل الانتخاب وبعده

فقير وبيشحد بيتحول لمليونير لا همه شعب ولا ناس ولا همه الا نفسه ويركب سيارة ويسكن فيلا

مشكور جدا عبده
بالفعل روعه

نواب بلدنا يا مبجلين
هى العدالة نجيبها منين ؟
ياللى بتطبخوا ف القوانين
من غير ضمير و لا حيا و لا دين

[emadshemy]

يا حلاوة النواب ما بنشوفهم إلاّ في أوائل النوبات