دعوة من القلب ^_^صارحنا بما تشعر به الان ودعنا نعش معك ^_^

[أحمد عمر]

لعلى الان و انا اكتب كلماتى تلك اسمع صوت المؤذن يرتفع مناديا بصلاة فيها السنه فقط خير من الدنيا و ما فيها فما بالك بالفرض ؟!!

نعم هى صلاة الفجر يرفعها الؤذن الان و ربما قد ينتهى قبل ما اكمل لكم

لما انا الان ادعوكم اليه ؟!

المتأمل لصيغه الاذان يرى العجيب فالؤذن وان كان يخاطب المسلمين جميعا فهو يقول حى اى يخاطبهم بصيغه الفرد و هذا هو العجيب ف الامر فوحدهم الله ف النداء و تفرقوا هم ف الحياة ..

وانطلقا من قول الرسول صل الله عليه و سلم و دعوة الى وحدة الجسد المسلم

نبدأ حملتنا

نعم : صارحنا بما تشعر به الان و اسبابه و دعنا نعش معا !!

فهى

فضفضه حره .. نقول ما نشاء .. نصف مشاعرنا و احاسيسنا ..

فضحكه .. وابتسامه .. وحتا الدمعه .. كلها مشاعر

صارحنا بها و دعنا نعشها معك ..

دعوة من قلوب تحبك .. ترغب ف سماعك .. و تأنس بك .. لعلك تأنس معنا ..


شباب حياة

دعوة من القلب

[أحمد عمر]

لعلى سأكون اول المشاركين

لكن انتظرونى بعد الصلاه ان شاء الله

[طيف عابر]

لعلى سأكون اول المشاركين

لكن انتظرونى بعد الصلاه ان شاء الله

بانتظارك احمد واخشى ان يطول الانتظار

تسلم وعلى فكرة كتييييييييييييييييييييييي يييييييير فكرة روعه

وان شاء الله كمان باخد دور وبفضفض برضه
يبارك بقلبك احمد

مواضيع شيقه جداااااااااااااا

[ساندرا]

جزاك الله خيرا اخى احمد وبارك الله فيك ومستنيين منك فضفضه حتى كمان نعمل متلك

[طيف عابر]

ال لما يرجع من الصلاة
صلاة الفجر المفروض
بعد صلاة العشا ان شاء الله

[شمس]

احنا بقينا العصر مستنيينك يا عم احمد

[أحمد عمر]

عدنا

اسف بجد اصلى كنت بهزر مع الجهاز بتاعى قلت اسليه شويه و اعمله حركه كده فزعل و حلف يمين تلاته ليطلع عينى و من الصبح عمال انزل ف وندوز و اخيييييييييرا الحمد لله دلوقتى خلاص انتيهت اى نعم نسخه بدون صوت بس المهم احسن ما تكون من غير صوره واهو نسمع صوت الباب لما يخبط

قبل ما افضفض عاوز اقولكم كل سنه و انتو بخير و بصحه و سلامه بمناسبه دخول شهر شعبان المبارك و قرب دخول شهر رمضان المعظم اعاده الله علينا باليمن و الخير و البركاته .. فاللهم بلغنا رمضان ..

امممم

انا هتكلم معاكم النهارده عن شب شرفت بالعمل معاه ف موقع حققنا ف اقل من 6 شهور ما يقرب من 40 الف مشترك و لله الحمد لكن منين ابدأ

اوك اقولكم .. انا اللى يعرفنى يعرف انى نادرا ما بدخل الايميل اون لين و قليل مابتسخدم الياهو عموما لكن ف ليله صيفيه حسيت ان ليلها طال عن المعتاد قلت ما اقوم اشوف الايميل و اتفقده شويه ما دمت مش عارف انام .. و حصل بالخطأ انى دخلت اون لين و لقيت الشب دا بعت لى ترحيب و سلامات و و و و كانه كان منتظرنى ..
ما خبيش عليكم كام كان هو وحشنى جدااا لانى من ما يقرب العام ما شوفته و لا كلمته و كمان لانه بيتمتع بخفه دم يحسده عليها الكثير فانا و ان كنت لا ابخل بمجامله الاخرين بالضحك فقليل جدااا اللى يضحكنى من قلبى و بخاصه ع النت و الشب دا كان واحد من اللى كلامه العادى كان بخلينى حتا لو بيحكى مشكله

المهم بعد السلام و الذى منه كنت انا و هو متعودين دايما الكلام عنا و عن اشياء ف الحياة و تطوير الذات و حل المشاكل و و و و لكن المره دى كان مختلف جدااا

كان ف اغلب المرات اللى فاتت كنت انا بتكلم و ليه هو يعلق لكن المره دى حسيت ان عنده كلااااااااااام كتييييييير حابب يقوله فلقت سمعنى يلا و يا ريت دا ما حصل

فسمحوا لى ان احكى ليكم اللى حصل ليه بقلمى .. و من ع لسانه ..

الشب دا طالب ف احد كليات القمه وهو كغيره يشعر بانه بأقل مجهود يستطيع النجاح فما بالك لو ذاكر ولكنه واخد قرار ما يذاكر تكبير مخ يعنى

ودا سبب ليه مشاكل كتيره جداا مع والده لان والده كان قاسى- حسب كلام -معه لدرجه انه طرده ف يوم علشان جاب ملحق
- انا عن نفسى كنت ابرر ليه دايما تصرفات والده عن انها خوف عليه و ع مستقبله و لانه عاوزه يكون راجل و و و فاغلبنا قد يسئ فهم تصرفات الوالدين ويفسرهم بطريقه عدائيه -
المهم نرجع لشب دا
قال انه اصيب ف خلال السنه اللى فاتت بأكثر من صدمه عصبيه و اتحجزت ف المستشفى اكتر من مره و خاصه بعد وفاة ولدته و اخفاء و الده خبر مرض امه عنه لدرجه انه ما شفها قبل الوفاه علشان كده اصيب بصدمه عصبيه شديده و فضل ف المستشفى فتره طويله لكن المشكله ان صاحبنا والده اخد اخواته و سافر و ساب صاحبنا يكمل درسته ف بلد بعيده عن بلده و فالشب دا اصيب بانهيار عصبى و ظل ف السكن بتاعه فاقد الوعى لاكثر من نصف يوم وما حد يعرف حتا شاء القدر و كان صاحب السكن فاكر ان ما ف حد ف السكن ودخل يضايف حد في الشقه فلقى صاحبنا دا فاقد لوعيه و فى حاله يرثى لها و نقله فورا للمستشفى و ظل الشب دا يعانى ف المستشفى قرابه الاسبوعين يزوره بس من حين لاخر صاحب السكن ... وكان يحكى ليه كم كان يتألم لما كان بيشوف المرضى حوليهم اهلهم و هو واحده لا حد بيزوره و لا حتا بسأل عليه ..
طبعا لما تحسنت حالته شويه خرج من المستشفى و كالعاده ما لقى حد يستقبله و فضل لوحده ف السكن بتاعه و كان بيوصفى شعوره القاتل بالوحده و اصيب بكتئاب ففضل لمده شهر تقريبا نايم و يقوم فقط ياكل ويشرب ميه و يرجع يام ودهورت حالته من جديد و عرض نفسه ع اطباء نفسيين كتير لكن شعر بداخله ان قرارهم ان حلته ميئوس منها و اصبح يتخيل ان ولدته المتوفاه معاه و بتحتفل معاه بالعيد-عيد الاضحى- و انها بتعمله كل شئ و بئه لفتره يشعر بتهيؤات دى و حصلوا انتكاسات ف حالته كتييييير جدااا ..
فتصل بصحابه و تخلوا عنه-دا وصفه - لكن ف يوم قرر انه لازم يتحدى الجميع و يقف من جديد ع رجله و فعلا راح للكليه بعد انقطاع كبيييييير و قدمت شهادات مرضيه علشان الغياب و كان فاضل فقط شهر ع الامتحان فواصل الليل بالنهار علشان يذاكر و تحسنت نفسيته و اصبح بجانب دا يشتغل علشان يصرف ع نفسه و استغل موهبه ف التصميم و عمل المواقع ف اكتساب دخل يعينه ف حياته و ع دراسته و دخل فعلا الامتحانات و نجح اى نعم طلع بماديتن لكن نجح ووقوفه ع رجله و مذاكرته ف كليه عمليه فقط لمده شهر و نجاحه دا انجاز ف حد ذاته .. و دلوقتى بيقولى انه خلال الشهر دا هيخلص كورس الايطالى و يبئه معاه كده انجليزى و المانى و ايطالى و بعتقد اسبانى و اصبح الان بيعمل ف شكره بترول الصبح و اخر النهار ف شركه تانيه منها تدريب و منها دخل اضافى ليه ..
و لكن رغم نجاحه دا و تجاوزه لمشكلته و لحالته اللى اجمع الاطباء انه ميئوس منها فانه لحد دلوقتى بيدور ع حاجه من تلاته -دا كل اميته حياته-

اما اسره تحضنه وتخاف عليه
او صديق صدوق يراعيه و ينصحه ويقف جانبه
او حب حقيقى يشعر به

دى كانت حكاية ممكن يكون حد فينا عاشها او يمكن يعشها او يعرف حد مر بظروف مشابه و استطاع بتوفيق ربنا ثم عزمته تجاوز كل شئ و يحقق نجاح لم يحققه المعافون من اقرناءه ..

و من حكايه صحبى دى طلعت بفائده عظيمه و هى

لا تنتظر احد فلن يأتى احد

اللى بيعش علشان يتسنى حد يمد ايده يساعده و اللى مستنى حد يحبه و اللى منتظر حد يعمله شئ قادره هو ع فعله

اقول له
لا تنتظر احد فلن يأتى احد

لو انت دلوقتى ما عشتش ف سعاده يبئه امتا؟؟؟ ولو انك دلوقتى ما حستش بطعم النجاح يبئه امتا؟؟؟

بعرف طولت عليكم و بعرف كمان ان كلماتى متناثره كوريقات شجره ف ليل الخريف لكن انا عشت ما عاشه الشب دا ف لحظات حكايته لى ما عاشه هو ف سنه و اكتر .. ولعلى ادركت كم من الاسره قد تركت اولادها ف مهب الريح داخل قارب صغير وسط امواج عاتيه دون ادنى شفقه ..

فى الاخير
صف لى مشاعرك الان بعد قراءه حكايه الشب دا؟؟
و هل شفت حد مره بشئ مشابه و استطاع ان يتغلب ع كل مشاكله رغم تشكيك الكثيرين ف قدرته ع دا؟؟

دلوقتى

احكلنا انت بئه و فضفض لينا عن شئ حصل ليك او لصاحبك او اوصف لينا مشاعرك و احاسيسك !!

يمكن
تأنس بينا

اسف للاطاله ..
دمتم بسعاده

[طيف عابر]

فعلا قصه بتشجع كل واحد فينا يتحدى كل شيء حوله ويقرر يقوم ويعمل شيء لنفسه وما يستسلم لليأس والاحباط
وما ينتظر المساعدة تأتيه من الاخرين
القصه مؤثرة وموقف الاب والاقارب كان سلبي للاسف

لكن الموقف ورد الفعل للشاب كان رائع

انا بعرف بنت تقريبا قصتها مشابهة في نقطة الوحدة والظروف الصعبه

وتحدت الصعاب فعلا ونجحت وحققت شيء في حياتها

الفرق انها بنت يتيمة الاب وحدانيه وكانت مع والدتها وخالهم مسؤول عنهم وظروفها صعبه جدا

ورغم هيك صممت عالنجاح واحيانا كانت تدرس على ضوء الشارع --الانارة يلي بتطل على شباكها من الشارع لانه كانت الكهرباء تقطع عندهم بسبب عدم دفع الفواتير

وحققت مجموع ودرست جامعه وحصلت على منحة والحمدلله هلأ بتشتغل وحياتها ممتازة الى حد ما
وهى اعتمدت على الله وعلى نفسها فقط في نجاحها
مشكووووووووووووووووور احمد
تسلم الايادى على الفكرة الروعه

والبدايه المشجعه والرااااائعه

[أحمد عمر]

اهلا بيك طيف
دايما سباقه بالرد و المتابعه

لعل النموزج اللى عرضته اصعب قليلا من الشب لان الفتاه قد تكون حياتها وطرق التغلب ع العقبات اصعب و اشق

أسأل الله ان يهدينا الى سواء السبيل ..


منتظر منك فضفضه طيفويه

[yara]

صف لى مشاعرك الان بعد قراءه حكايه الشب دا؟؟
بصراحه اتضايقت وزعلت لحاله جدآ واذا كنت بعرف ذلك الشخص ما كنت تركته لحاله ووقفت بجانبه لانه يعنى بما انو بعيد عن اقاربه وبيته مش عارفه ازاى حتى اصحابه او اصدقائه لم يقفوا بجانبه
فعلآ من الصعب دلوقت انو الواحد يلاقى حد او صديق حقيقى يقف بجانبه بجد مافيش غير ربنا هو الملجأ والملاذ الوحيد لكل انسان وخد بالك منه يا احمد وجميل انه قدر يتحدى تلك الصعوبات ويتغلب عليها ياريت الناس كلها يبقى عندها تلك العزيمه والاراده القويه فى مواجهة مثل هذه الصعوبات ربنا يوفقه لما يحبه ويرضاه يارب
مشكور على الموضوع الجميل وعلى الفضفضه
جزاك الله خيرآ
وفعلآ
من السهل ان يكون لك الف صاحب لكن من الصعب ان يكون لك صديق لالف عام
مشكوووووووووووووووور