متى تعرف أنك في فرح مصري ؟!

[abdo389]

عندما تقرا عبارة " جنة الأطفال منازلهم " على دعوة الفرح.

* عندما ترى الزفة الدمياطي الأزلية " وبسم الله الرحمن الرحيم و هنبدأ الليلة "

*عندما "يبخر" العريس والعروسة بعضهم .

*عندما تجد النساء "ينمون" على العروسة قائلين عبارات مثل "أنا عارفة ياختي أخدها على أيه " او " فستانها بيئة قوي ".

*عندما تكون أغنية هشام عباس "أسماء الله الحسنى " هي أول شئ تسمعه عند الدخول للقاعة .

* عندما " يزوم " المصور على الشبكة و كأنها قلادة التايتانك الماسية ..و تجد المدعوين " هيموتواو يتفرجوا عليها

*عندما يرقص العروسان رقصتهما الأولى _الرومانسية_ وكل البشر بيصوروهم بكاميرا الموبيل قائلين " يا ترى بيقولها أيه ؟"

*عندما تسمع أغنية "هتجوز " لسعد الصغير .

*عندما تأتي أم العريس كل نصف ساعة و تمسح عرقه قائله " يابني مش كدة , متهدش نفسك ".

*عنما تسمع السؤال السرمدي "هو البوفيه هيبدأ إمتى … الواحد جاع " .

*عندما يعرض الفيلم التسجيلي البوفيه وما يحتويه من لحوم و فراخ وأور و ديوك رومي.

*عندما تسمع" بس الأكل مكنش قد كده" بعد تناول الطعام مباشرة . وعلى رأي المثل " بعد ما أكل و إتكى قال رحته مستكة ".

* عندما تقول أم العروسة للعريس " خلى بالك منها " فيجيب "دي في عنيا يا طنط ".

*عندما تنطلق الزفة مسببة الإزعاج لخلق الله و بييب بييب بييب بييب بييب .

[شمس]

مفيش فرق الافراح متشابهة بكل البلدان
خصوصا العربية
مشكوووووور عبده

[abdo389]

شكرا على الرد واعتبرينى غيرت راس الموضوع وخليتو "امتى تعرف انك فى فرح عربى"

[شمس]

كده تماااااااااام

[mona roshdi]

كل اللى قولتة تمام وياريت يكون فى أغانى تعرف تفهمها من الدوشة
مشكوووووووووووووووور عبدة نقد بناء ياريت نبطلة

[طيف عابر]

عندك حق

تسلم الايادىىىىىىىىىى
مشكوووووووووووووووووووووو ووووور جدااااااااااااا

[أحمد عمر]

لا دلوقتى ف حاجه تانيه
ان بتاع الفديو غالبا ما بيكون الحاكم بامره و شقلب العريس و العروسه و طبعا الكل بيتسابق انه يتصور و العيال الصغيره فكره ما دام الفلاش جه عليهم يبئه اخدوا صوره

مناسبه الفديو انا سمعت ان المصور طلب من ان العريس و العروسه يبوسوا ايد ام العريس =مش عارف ليه يعنى = المهم العروسه رفضت ام العريس ضربها قلم لوحها

وكانت هتبئه مجزره ودا جزات اللى يمسع كلام المصورياتيه

[طيف عابر]

لا دلوقتى ف حاجه تانيه
ان بتاع الفديو غالبا ما بيكون الحاكم بامره و شقلب العريس و العروسه و طبعا الكل بيتسابق انه يتصور و العيال الصغيره فكره ما دام الفلاش جه عليهم يبئه اخدوا صوره

مناسبه الفديو انا سمعت ان المصور طلب من ان العريس و العروسه يبوسوا ايد ام العريس =مش عارف ليه يعنى = المهم العروسه رفضت ام العريس ضربها قلم لوحها

وكانت هتبئه مجزره ودا جزات اللى يمسع كلام المصورياتيه

اما عليك اخبار هع

ما هو طلب يودى ف داهيه من اوله

يا ويله لو كان طلب يدوسوا ايد ام العريس

[abdo389]

طبعا كل اللى بتقولو ياحمد صح وغيره كتييييييييييييييييير

بس تعرفو بيبقى يوم حلو والكل بيبقى مبسوط والاكتر من كده لما تييجى تتفرج على شريط الفيديو تموت على نفسك من الضحك لما تشوف اللى انت كنت بتعمله

تسلم على المرور انت وطيف ومنى بس يامنى نفسى اعرف معنى "نقد بناء ياريت نبطله"

[ساندرا]

يجزيك الخير اخى على المشاركة الحلوة