نكت مش بتضحك خالص ههههههههه

[mona roshdi]

بسم الله الرحمن الرحيم




· واحد زرع ورده............ ‏طلعتله ام كلثوم.

• مرة واحد راح 'يوكّل' محامى....... ‏لقاه صايم.

• كسلان دخل الامتحان وقع منه القلم ..‏سلم الورقة.

• مرة واحد باع اللى وراه والى قدامه وا شترى اللى جنبه

· وواحد رجع في كلامه صدم اللي وراه !

• ليه الخشب يتيم؟.......‏لأنه مقطوع من شجرة.

• واحد بلديتنا كبّر دماغه معرفش يخرجها من التي شيرت.

• مره واحد 'عدّاه العيب' وأخذ اللي بعده.

• واحد خلقه ضاق أعطاه لأخوه الصغير.


• واحد مشغول اتجوز واحدة مشغولة خلفوا ولد مش فاضلهم.

• ‏مرة مدرس رياضيات خلف ولدين واستنتج التالت.

• واحدة اتجوزت واحد شخصيته مهزوزة . ‏ركبت له أريل.

• همبورجر وبيبسى و بطاطس بيجروا فى الشارع تفتكر ليه؟........ عشان وجبات سريعة

• خبير ارصاد جويه ... ‏اتجوز وخلف بنتين.. الكبرى 27 ‏والصغرى 13

• ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير الحمير

• واحدة سودة قوي ركبها عفريت حاولوا يطلعوه قالهم نفسي أطلع.. بس مش شايف

• واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة ...

• مسطول صدم شرطي وقتله راح متصل بـ999 وقالهم:أحب أبلغكم إنكم بقيتوا 998

• محشش بيسأل محشش التعلب بيولد ولا بيبيض قال له التعلب مكار أتوقع منه أي حاجة

• مرة واحد وقف تاكسي و قاله : ‏فاضي ياسطى ؟؟؟
قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!

• ‏مره واحد ابنه طلع من الأوائل .......... شفروه !

• ‏التلميذ : ‏بحبك يا أبله و عاوز أتجوزك.... ‏المدرسه: ‏بس أنا مبحبش الأولاد الصغيرين التلميذ: ‏وأنا مش مستعجل على الأولاد

• ثلاثة مساطيل قاعدين في سهرة لأول : ‏أنا عندي فلوس أشتري بيها أمريكا الشمالية الثاني : ‏وأنا عندي فلوس أشتري بيها أمريكا الشمالية و الجنوبية الثالث : ‏و مين قالكم إني رح أبيع

[abdo389]

اهىء اهىء اهىء اهىء

ليه بس كده حرام عليكى انا تعبت

وشكرا على النكت اللى ياريت ماتضحكش بس دى كمان تخنق(اسف اوعى تزعلى)

[خاطر]

ههههههههههههههههههههههههه
جااااااااااااااامده بجد منى تسلم اديكى

[×X× sHeKo0o0o ×X×]

تسلم ايدك منى على التوبيك الجميل ده
و على النكت اللى مش بضحك دى

[Rosy magic]

• ‏مرة مدرس رياضيات خلف ولدين واستنتج التالت.

الراجل اللي نكت كان فاضي خالص
ميرسي على الموضوع يا عسل

[mona roshdi]

عبدة...اتخنقت ياعبدة...ايوة...طب ما انا كنت عاوزة كدة
ههههههههههههههههههههههههه هههههههههههههههههههههه
طبعا مش أزعل من أحلى عبدة

[mona roshdi]

اقولك بقى حاجة ياخاطر بجد انت انسان رائع ورقيق جدا
والله انا كنتعارفة ان عبدة حيقول كدة وعلشان كدة انا ضحكت مش على النكت تخيلتة وهو بيقراها
مرسى مرة تانية لمرورك ياخاطر

[mona roshdi]

ياشيكو كلكم بتقولو نكت بتضحك
لازم بقىانا اعكس تغير
علشان عبدة بس
ههههههههههههههههههههه
مرسى يااحلى شيكو

[mona roshdi]

مرسى ليك انت ياروزىاللى قدرت اخليكى تقريها ومش تضحكى
جديدة ها .....نكت بايخة مش بتضحك بتزهق
ههههههههههههههههههههههههه ه

[Serag Magdy]

لا والله يا مونا
شوية نكت زي العسل
تسلمي عليهم يا جميل