من خطيب لخطيبته

**abdo389** · 7 - 8 - 2008, 09:18 AM

خطيبتى حبيبتى أموره تشبه زهرة الياسمين

جمال وحلاوه وخفة دم ورقه وحنين

شعنونه ولما تغير بتبقى شبه المجانين

حبها مكلبش جوايا وأنا ليها نور العين

بس ساعات تستعبط وعبطها يبان للناظرين

فى مره ياساده كنا الاتنين متواعدين

نخرج نتمشى فى نص البلد ساعتين

لهوايه عندنا اسمها الفرجه على الفتارين

والأيد فى الأيد وكيس اللب المتين

الحاله أخر رومانسيه وفى الحب منشكحين

لحد ماوقفنا قدام جواهرجى دهبه سمين

البنت وقفت متبنجه ولسانها مدلدل مترين

وعينيها برقوا بشده تقولش بقوا كلوبين

ياحلوه.. يابنت.. ولاترد كأنها طرشت الودنين

قربت على ودانها قلت أقرى المعوزتين

لحسن تكون ممسوسه وأفك المس اللعين

أخيرا مسكتنى من أيدىبأيد عرقانين

ودخلت المحل..وعرقى سال على الخدين

سألت البياع بكام الطقم أبو لونين

وزن وابتسم وقال من الألافات عشرين

هزت كتافها كأ نها بنت البرنس حسنين

قالت مش بطا ل وبصتلى بعين واسعين

سألتنى رأيك ايه ياحبيبى نقشتهم حلوين

همست فى ودانها ليلتك أنهارده طين

أبتسمت بسمه عريضه عرضها حوالى مترين

قلت خلاص بكره نيجى مع الوالدين

واشتريه ليكى ياربيع الزهر والريا حين

خرجنا وضغطى أرتفع وزاد على المتين

ناديت على مشروع وع البيت رحنا مروحين

هى قاعده بتحلم وأنا مقهور وحزين

على باب العماره بلغت فرار المطاردين

وهات جرى ع السلم وداست بنزين

وأنا وراها طيران نفاثه فيها محركين

أقفى يا سبب جنونى أقفى ليلتك طين

أنتى بتستعبطى يا بنت أقفى يا بنت المجانين

وحياة أبوكى ما سايبك حوريكى أنا مين

دخلت شقتها بتضحك وضحكتها أمل وحنين

من غلبى ضحكت ضحكه ليها رنين

وقلت فى سرى بحبك قوى يازهرة الياسمين

**mona roshdi** · 7 - 8 - 2008, 11:24 AM

الله يكون فى عونة لكن بقى الحب وما ادراك ما الحب
حلووووووووووووووووووووووو ة عابدوووووووووووووووووو

**ساندرا** · 7 - 8 - 2008, 11:25 AM

حلوة كتير
يجزيك الخير اخى

**نجمة عسولة** · 7 - 8 - 2008, 01:23 PM

صحيح الحب بهدلة
ميرسي على الموضوع الخرافة ده

**abdo389** · 7 - 8 - 2008, 01:39 PM

تسلمى يا منى على الرد الحلو ده ثم ان هو فيه احلى منك برده

**abdo389** · 7 - 8 - 2008, 01:40 PM

تسلمى يانجمه انت و بنت الاسلام على المرور

**yara** · 8 - 8 - 2008, 12:42 AM

حلوه اوى جميله اوى رومانتيك اوى
يسلمو دياتك

دخلت شقتها بتضحك وضحكتها أمل وحنين

من غلبى ضحكت ضحكه ليها رنين

وقلت فى سرى بحبك قوى يازهرة الياسمين

مشكووووووووور

**طيف عابر** · 8 - 8 - 2008, 08:21 AM

تسلم يا عبده على الكلام الرومانسي الجميل الكلف والثمين
ده ثمنه غالي ومش عقد ياسمين

الموضوع: من خطيب لخطيبته

أدوات الموضوع

من خطيب لخطيبته

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة