كنــت بـــحلم

**SCREEM** · 12 - 8 - 2011, 07:48 PM

في الماضي في الماضي

الاول لما كنت تيجي تتكلم وتقوله زمان وفي الماضي كان دايما مفيش الا اجابه واحده علي لسانه قصدك من سبع الاف سنه من ايام الفراعنه

دلوقتي بقي ا لماضي هو ما قبل 11 فبراير

لغه الحوار عند المواطن المصري اتحولت بنسبه 180 درجة

المواطن المصري يتحول المواطن المصري الان رمي مخه القديم وجاب مخ جديد تقفيل كوري
مرورا بالثوره حتي الان واسترجاعا لشريط الذكريات كانت مطالب من نزلو محدوده الا ان توالت المطالب واصبح سقوط النظام هو المطلب الرئيسي للشعب

ولكن كنت اتمني بعد سقوط النظام ان تبدا مرحله البناء لا مرحله التسرع والتفكك
مينفعش تبني بيت من غير اساس ومينفعش تسكن في بيت اهله مش طايقين بعض

الحياه مليئه بالحجاره ..لاتتعثر بها بل اجمعها واصنع بها طريق وسلم تصعد به للنجاح..

مينفعش مصر تبقي زي تركيا في يوم وليله ولا الشعب ا لمصري يبقي مصحصح زي اليابان في تلات اربع شهور

وابتدي عباقره السياسه يبص كل واحد للتاني علي انه هو غلط ياعم طب اسمعني طب اسمع وجهه نظر لا بقي هيا ركبت معاياا انا صح عافيه اه عافيه

انت اخواني يبقي لازم تخون الليبرالي انت ليبرالي يبقي لازم تكره السلفي

بس انا مصري انا مالي بده كله الي بيحصل علي الساحه الان من الانقسامات الداخليه والتشكيك وعدم صدق النوايا يشوه صوره الثوره المصريه التي رسمتها وجوه وابتسامات وصور شهداء الثوره ..

للاسف تحول بعض الاشخاص الي فكره بناء مصر ف يوم وليله ونسو ان الكون خلق ف ست ايام مش في يوم وليله

واتفق المصريين الان علي الا يتفقو منين عملنا ثوره وبنادي بالديمقراطيه واحنا مش قادرين نطبقها في ابسط الاشياء محدش حاول يبص علي نفسه من جوه كل واحد بيحاول يشوف نفسة من برا محدش فكر في شويه الاسماء الي كانت نايمه بقالها 30 سنه وبتسبح بحمد النظام وفجاه في يوم وليله بقو ابطال واصحاب اساطير
لو قعدنا نتكلم من هنا لبكره الكلام مش هيخلص بس احنا مش عايزين نتكلم احنا عايزين نشتغل محدش فكر ف الناس البسيطه الي كان كل هدفها من ايام مبارك وما قبله انها تلاقي لقمه عيشها وتستر عيالها كم رهيب وغريب من برامج التوك شو وهما هما الي بيظهرو هنا بقو كل يوم عاملين زي الطبيخ البايت ويطلع الواحد من دول وهو قاعد ف الاستوديو وحاطط رجل ع رجل ويقول انا قلت وعملت وانا عندي خطه خمسينيه تلاتنيه سبعينيه هتخلي مصر احسن من تركيا ويفضل يقول الجمل المشهوره الامبرياليه والتقدم الفسيولوجي في حركه الشعوب المتوازي والتفكك الروحاني للمواطن ويفضلو يغنو ويردو ع بعض طول اليل وكانهم هما بس الي فاهمين ف مصر لحد ما المزيع ينام منهم ويقول نروح لفاصل ونررررررجع لبعض تاني

هما دول الي عليهم انهم يكملو المشوار الي بدؤوه لو عايزين حلمهم الي حلمو بيه والي ناس ضحت عشانه والي الناس البسيطه شافت انه هما دول الامل وموتو فيهم اليأس الي كان ملازمهم سنين طويله مينفعش يقف عشان اشخاص كل هدفهم اللعب ف دماغ الشباب عشان مصالح شخصيه
لو كنت عملت كده عشان تخلي بلدك احسن ف ايد ك انك تخليها احسن واحسن ...

خلص الكلام اقعدو بالعافيه