لا والف لا لهذه المبادىء بل المهزله
سلمت اليمين على التوضيح
الكرامة الإنسانية حق أصيل لكل إنسان، وجميع المواطنين المصريين أحرار ومتساوون أمام القانون فى الحقوق والحريات والواجبات العامة، ويحظر التمييز بينهم بسبب الجنس أو الأصل أو اللغة أو الدين أو العقيدة أو الثروة أو المكانة الاجتماعية أو الآراء السياسية أو الإعاقة أو غير ذلك، ويجوز تقرير بعض المزايا للفئات التى تستدعى الحماية.
المادة دي بتقرر التمييز لفئات في الحقوق !!!
حد شاف في الدنيا جهل قد دة ؟
حد شاف في الدنيا دستور ينص صراحة على تقديم بعض المزايا لفئات من الشعب ؟
طبعاً الأرثوذكس هيركبوا المادة دي ويدلدلوا رجليهم ولا عجب إن كان نجيب جبرائيل أكبر إرهابي في مصر من ضمن المساهمين في وضع وثيقة الفلول اللي حطها آخر رموز الفلول في النظام أحمد الطيب عضو لجنة السياسات الأسبق بالحزب الوطني المنحل
وهاتك بقى يا إمتيازات ونرجع تاني لعصر محاكم التمييز !!
لنقطة الأخرى
الخاصة بدين الدولة
" الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع، ولغير المسلمين من أصحاب الديانات السماوية الاحتكام إلى شرائعهم في أحوالهم الشخصية وشئونهم الدينية."
المادة دي أسوأ مادة ليه بقى
لأنها بتنص على نقطتين
1/ إحتكام غير المسلمين إلى شرائعهم
ودة بيدي الحق للكنيسة في مزيد من إضطهاد أبنائها المطالبين بتعديل قواعد الزواج وقبل ما أناول حد بضهر إيدي علشان ميقوليش متتدخلش تخيل إن واحد قاعد محروم من الجواز ومراته تتجوز وهو قاعد لما ينشف
مطالبهم إنهم يسمحولهم بالجواز النص دة يمكن الكنيسة من التعنت رسمياً لأنها هتبقى قدام المحكمة الدستورية مصدر الشريعة المسيحية ودة معناه إن المسيحيين في مصر يعيشوا في دولة داخل الدولة
على الجانب التاني النص وإن كان ملزم لإحتكام المسيحين لشرائعهم في الأحوال الشخصية مبيديش نفس الحق للمسلمين ومفيش حاجة تنص على إحتكام المسلمين لشريعتهم في الأحوال الشخصية على الأقل خصوصاً في ظل مشايخ لجنة السياسات بتوع شمال شمال يمين يمين
حد عارف أزمة الأب الحاضن ؟
في أي شريعة إني يبقى لي إبن أو إبنة ومش حقي قانوناً إنه يبات عندي ؟
دة قانون في البلد دي ومخالف للشريعة
يعني المادة أولاً بتفتح باب لظلم الأقباط
ثانياً تحتوي تمييز ضد المسلمين
إقروا يا ناس بعقل
لتسقط الأيدلوجيات اللي بتعمي الناس عن الحق
20 - لكل مواطن الحق في التعليم، وتلتزم الدولة بتوفير فرص التعليم في مؤسساتها التعليمية بالمجان، وتعمل على ضمان جودته بهدف تعظيم الاستثمار في الثروة البشرية، ويكون التعليم الأساسي على الأقل إلزامياً و تشرف الدولة على جميع المؤسسات التعليمية العامة والخاصة والأهلية، بما يضمن الحفاظ على الإنتماء والهوية والثقافة والوطنية.
تقليص الإلزام في التعليم للحد الأساسي !!
مما يعطي فرصة في تمرير رؤية نخبوية حقيرة تطالب بجعل التعليم العالي والتعليم الثانوي بل والإعدادي أيضاً غير مجاني
النص الأول لوثيقة البرادعي وبرنامج البسطويسي ينص على دة صراحة
ولكن البرادعي غيره والبسطويسي مصر عليه !!
الكلام دة بيؤدي بالضرورة إلى إعادة دولة طبقية لا يمنح فيها التعليم إلا لمن يملك المال مع عدم وجود ضمانة لأولاد الفقراء في الحصول على تعليم عالي حتى في حال تفوقهم خلافاً للقانون الأمريكي مثلاً اللي بيلزم جبرياً الجامعات الأمريكية أنها تقبل وبمصاريف منخفضة أو مجاناً من يتجاوز محجموعه في إمتحانا الولاية قدراً معينا
يعني هتبقى رأسمالي جبري أكتر من أمريكا
حد يقولي ممكن الكلام يتأول
هقولك نصوص الدستور لابد أنها تكون غير قابلة للتأويل
أظن دي أسباب منطقية كافية جداً جداً لرفض الوثيقة
دة بقى غير نقطة المبدأ إن محدش يقرر عليك شئ إنت رافضه
بعض الناس اللي مخهم فيه هسهس
بيردوا على دة بإن الإعلان الدستوري أصلاً محدش إستفتي عليه وإن إحنا أستفتينا على مواد فقط فيه
أرد أنا على العبط دة بكلمتين
1/ إن المبادئ الفوق دستورية تخرق صراحة أحد هذه المواد اللي إنت إستفتيت عليها
2/ إن لو اللي حصل الإستفتاء غلط
متصلحوش بغلط أشنع منه !!
ممكن أسأل سؤال ؟
قدرنا إن الدكتور البرادعي فاز في الإنتخابات
وبعدين جت مجموعة من الناس من الوفد مثلاً (ودول رافضينه والسلمي من الوفد)
وإتفقت مع الجيش إنه يشيل البرادعي ويجيب عمر سليمان
الكلام دة مش تهجيص بوادره بانت النهاردة بتزوير نتائج إستفتاء المجلس الأعلى على الفيس بوك
معنى كدة إنك لو فتحتله باب إنه يتصرف ويقرطسك
فاللي يقرطسك في الصغيرة يقرطسك في الكبيرة
بلاش نفتح على نفسنا باب جهنم يا ناس
قولوا مهما كانت إنتمائتكم
لا
للمبادئ
الفوق
دستوريةمع تحياتي مـــحــمد
لا والف لا لهذه المبادىء بل المهزله
سلمت اليمين على التوضيح
سلمت واليمين
جزاك الله خيرا
دائما تحمل لنا الجيد
شاكره لك جهدك الراقى
تحياتى وتقديرى
الذين يشاهدون الموضوع الآن: 1 (0 من الأعضاء و 1 زائر)