لملم رجالك يا وطن(فيديو)

[محسن البدراوى]

لملم رجالك يا وطن
ووحد الاناشيد
طول عمروا عالى يا وطن
ضيك ف لليل العيد
لملم رجالك يا وطن
ووحد القبله
زمن التشتت يا وطن
قاتل نهار بكرا
صرنا ندنس يا وطن
ف ارضك الخضرا
وندوس ضعيف الاراده
ولا عندنا فكرا
لملم رجالك يا وطن
واحيىّ فينا صلاح
صرنا بغابه وبلطجه
والحق ولى وراح
وأبنى ضميروا انعدم
رافع عليا سلاح
***************
احسن ما فينا اندبح
بساحة التحير
لماّ قال الوطن مسلوب
وحاكمنا شخص ضرير
حكامنا قتلونا
وساقونا زى الغنم
وتانى حاكمونا
على علو صوت انظلم
وطلقوا فينا الموت
وهربوا مساجين
ودفعوا م الاموال
كأننا ف حطين
رجع التاريخ بينا
لعصوره حجريه
الاخ يقتل اخوه
ونقول دى حريه
*************
ثورتنا ثورة عمل
ولا ثوره ف علو الصوت
ثورتنا ثورة حق
ولا جهل فينا وسوط
نجلد بإدينا الامانى
ونرفع يفط تخوين
ثورتنا ثورة عمل
ولا إعتصام نايمين
رجعنا مليوووون سنه.......؟!
وسبنا الحضاره لمين........؟!
دى مصر دى امنا
ترابها ف التكوين
لونا دا لون طينها
ومن نهرها عايشين
لا يوم بخلت علينا
ولا ف أرض غير الارض
نقدر نعيش سالمين
**************
نسيناكى يا أمنا
وجرينا وبهمنا
نظهر ع الشاشه
وكأننا الفاتحين
ولا حد غيرنا ولادك
والباقى دول خاينين
ونسينا نحسبها
والحسبه ف أديكى
ونسينا انك أم
وكل العرب ليكى
ونسينا انك أم
والدنيا تحتيكى
ونسينا انك عزيزه
ومستهدفا يا غاليه
وكل الكلاب بتحوم
ومستنيا الكافيه
زرعوكى فتنه ونار
ونفسهم ف دمار
واحنا خلاص مجانين
وكل يوم جمعه
ننصب خيام العمل
ونرسم الخطه
وندير شئونك يا وطن
على تراب لاسفلت
وياريت قادرين نجتمع
ونوحد الفكرا
فنرجع تانى يوم
ونعمل كذا جمعه
جمعة محاكمة نظام
ادى النظام حاكموه
قالوا نشوفه بعنينا
نشروا الصوره وذاعوه
يستعجلوا المحكمه
ويقولوا عايزين حكم
يقطع رؤس النظام
وهما ليه عايشين
يبقا بلاها محاكمه
مخلاصى صدر الحكم
ومين يحاكم نظام
وعهد ولى وراح
ومين يرسملنا بكرا
ومستقبل وعيشه براح
شباب الثوره الجمال
اللى تفرقوا تايهين
مليون حزب يا وطن
كل يوم يتعدّ
وألف ألف قرار
وكل يوم اخبار
وناس معاها وضدّ
ولا عدنا نعرف سياسه
ولا عدنا نفهم حد
قرراتنا متشتته
ما بين بيان ف بيان
قلنا نخدها بقصيرها
ونقفل علينا البيبان
هما بقا فاهمين
واحنا جواهليه
يباصوها تانى لبعض
أهو يلهو العواطليه
************
لملم جالك ياوطن
خدهم سوا ف الحضن
داوى جراح الفقير
مافى حد غاوى حزن
لملم رجالك يا وطن
وارفع ريات النصر
الخوف ما فينا انهزم
والجبن مات م القهر
لملم رجالك يا وطن
قول للتشتت لا
شتاتنا فيه الفتن
وحروب مابينا تدق
عايزينها كلمة مصر
شامخه مابين الناس
عايزينا مصر النصر
واولادها بقوا حراس
يصونوا تراب الوطن
ويقلعوا الفتنه
ويجيبوا حق الشهيد
ويقولوا نام وارتاح
دمك مراحشى هدر
دمك نواة لاصلاح
نام ياشهيد وارتاح
دى مصر ف عنينا
وكل يوم ف صباح
بس انت لملم رجالك
ياوطن حواليك
وبشرنا ان صلاح
عاد ومسك الحكم



مع تحياتى
محسن البدراوى



وده فيديو القصيده
وضعتوا ليكم لخوفى ان تصعب عليكم
خاصتاً انها باللهجه الصعيدى

[بك أستجير فمن يجير سواك]

رائــــــعه جداااااااا

شكرا لك اخى على ماقدمت لنا
لا عدمنا جديدك المميز
دمت فى رعاية الله
تحياتى

[محسن البدراوى]

رائــــــعه جداااااااا

شكرا لك اخى على ماقدمت لنا
لا عدمنا جديدك المميز
دمت فى رعاية الله
تحياتى

اشكرك اختى الكريمه
على دوام الحضور
وجمال المرور
لاشراقتك سحر اخر
فلطالما ارتوينا من فيض ثنائك
وجود ردك
لكى منى اطيب الامنيات
وبالتوفيق

[حرف مشتعل]

أهلا ببراعة الحرف وإتقانه ,,, أمتعتنا بمشاعر جميله

وقلم يجيد عمله بإتقان ,,

فهنيئا لنا حرفك

إحترامي لروحك

[اميره بلا وطن]

كلمات رائعه
واشراقة أمل تطل من بين السطور ننتظرها جميعا
رغم صراحة الواقع وحزنه فى الغالب
دمت مبدعا متميزا
رمضانك مبارك

[محسن البدراوى]

أهلا ببراعة الحرف وإتقانه ,,, أمتعتنا بمشاعر جميله

وقلم يجيد عمله بإتقان ,,

فهنيئا لنا حرفك

إحترامي لروحك

اشكرك شكر عم السماء
على بديع الحضور وجمال المرور
لا حرمنا تواجدك
وبالتوفيق

[محسن البدراوى]

كلمات رائعه
واشراقة أمل تطل من بين السطور ننتظرها جميعا
رغم صراحة الواقع وحزنه فى الغالب
دمت مبدعا متميزا
رمضانك مبارك

اشكرك اختى الكريمه
على تعليقك الغالى
وردك العالى
منكى استلهمنا الافكار
واليكى كتبنا الاشعار
فكان تواجدك يدمل الجروح والاسرار
لكى منى اطيب الامانى
ورمضان كريم

[محمد أبراهيم]

دندن
قلمك بصراخه
الفريد
فكانت العبرات وكانت
التناهيد
سطر يمر بعد سطر
عذوبه
وددنا حقا
بالمزيد و المزيد
ندائك
لا نختلف بوصفه
نحتار ماذا
نسميه
حلو هو بكل
اشكاله
وصوت قلمك
احلى مافيه
يارائع...
كنت اتصفح الاوراق
فجذبني عنوانك
فتحت
الورقه وقرأت ماكتبته
افكارك
ليست اول مره اتصفح
اوراق ابداعك
اخذت اتأمل اوراقك وابحر
بكتاباتك
وجدت الابداع يسكن بطيات
اوراقك
والحروف اراها تخضع
امام مشاعرك
فعمدت للاقتباس وتغيير
الوان كلماتك
فاارجع واعد النظر لما
اقتبسته امامك
ستجد كل كلمه بلون صفصفها
بااقلامك
فالحروف بلون واحد
اجمعها لتتشابك
صفصفها من اعلى للاسفل
بانتظارك
ستتكون لك كلمة شكر
يضيئ بضيائك
فتقبل شكري الذي حروفه من
سمائك
والآن اصمت
لترى شكري لك
بااوراقك
المبدع حد الدهشه..
محسن البدراوى...}
حقا التميز
عنوانك
وقد ميزت احرفك لتدلل
على ذاتها بانفراد المعنى الرائع
فالامل موجود
في قلمك
في وصفك
في بوحك
في خواطرك
بين الثنايا تنوء الروح
لمصافحتك
فشكرا على جمالك
على اطلالتك
وعلى اشراقة وجهك
وتبسمك
اسعدني تواجدي في
مساحاتك
مع جمال الكلمه وقوة
المفرده
ورقي مساحاتك وروعه
صفحاتك
كان لبوحك نزف
متناغم
اصطفت الحروف
فيه مع
سحر لمساتك
مودتى

[قمر النهار]

ماذا اقول امام كلماتك الجباره
أخي/ محسن البدراوي
فقد
شطح قلمي الي نصفين
لانه عجز عن شكرك أمام
جمال ورونق وحس حروفك
دومت بكل ما هو طيب
يا قلم انار مصراوي