مرحب عيد -مرحب عيد

**misterattia** · 30 - 8 - 2011, 10:32 AM

مرحب عيد
جاى تتمختر
جاى مبسوط من عهد جديد
جاى بالفرحه
بتوب العرس
جاى ومنور
فرحان بالثوره فرح اكيد
جاى بتقول للمصرى الصامد
هديه صبرك فرحه وزغاريد
جاى بتقول للمصرى الطيب
مليار مبروك
يا ابو قلب حديد
جاى تجمع كل اخواتنا الايد ف الايد
مسلم ومسيحى كلنا مصرى
نهر النيل فى كل وريد
لازم نتوحد
دا الفرقه بتضعف
والوحده تجمع كام رأى سديد
كلنا هنقرب
ونكون اقرب
محدش فينا هيبقى بعيد
بنشيد واحد هنعمر مصر
معدتش تفرقنا الاناشيد
كلنا اخوات
ولافيه عبد ولا فيه سيد
كلنا راح نبنى
ونكون ف الضلمه فوانيس بتقيد
معدش الحزن
ولا عاد الهم
ولاحرق الدم ويا التنهيد
عيد مبروك على اهلى وبلدى
عيد متميز فرحان وسعيد