من قصيدة اواخر الشتا للشاعره اليسا ابو ماضى (وده نمط الامتحانات بعد كده) حل الاسئله

[yara]

السلام عليكم ورحمة الله وبركاته

نورتو الموضوع

و نسكافيه عشان الناس تحل كويس
المهم نبدأ الامتحان

بسم الله الرحمن الرحيم

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ

جامعة المرعبين المحدوده
كلية اللعب مع العيال
قسم امشى العب بالكوره بعيد يواد
_____________________

الزمن ثانيه ونصف الماده: نصوص مجهولة المصدر والهويه
ــــــــــــــــــــــــت ـــــــــــــــــــــــــ ــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ

امتحان اخر العمر للصف الخامس والعشرين
__________________________

من قصيدة (أواخــر الـشـتــا) للشاعرة/ إليسا أبو ماضى

♥ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ ♥

كنا فى أواخر الشتا قبل اللى فات زى اليومين دول عشنا مع بعض حكايات أنا كنت لما أحب أتونس معاه أنا كنت باخد بعضى واروح له من سكات

أجب عن الأسئلة التالية:
*ــــــــــــــــــــــــ� �ــــــــــــــــــــــــ� �ــــــــ*

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)

3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى)أم (أنا كنت باخد تاكسى)؟ ولماذا؟

5- اختر الإجابة الصحيحة مما بين القوسين:

الجمال فى قولها (عشنا - معاه): (تصريع - جناس - حسن التفات) (أروح له من سكات) المقصود بها: (دكاكينى - دحاليبى - ذرابيئى) مصدر كلمة (أتونس): (تَوَنًّس - تُونِس - تَنَاسَى)
(زى اليومين) مجاز مرسل علاقته: (الكلية - المدرسة - الحضانة)

♥ ــــــــــــــــــــــــــ ـــــــــــــــــــــــــ ـــــــــــــــــــــــــ♥ـــــــــــــــــــــــــ ـــــــــــــــــــــــــ ـــــــــــــ♥

والناس فى عز البرد يجرو ويستخبو وأنا كنت باجرى وأخبى نفسى قوام فى قلبه ولحد لما الليل يليل بابقى جنبه وأفضل فى عز البرد وياه بالساعات

أجب عن الأسئلة التالية:
*ــــــــــــــــــــــــ� �ــــــــــــــــــــــــ� �ـــــ*

1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط) لو سمحت منفضلك.
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟

♥ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ♥

على سهوة ليه الدنيا بعد ماعشمتنا وعيشتنا شوية رجعت موتتنا والدنيا من يوميها ياقلبى عودتنا لما بتدى حاجات قوام تاخد حاجات

أجب عن الأسئلة التالية:
* ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ*

1- اختر الإجابة الصحيحة مما بين الأقواس:
(على سهوة) تفيد: (السرعة - العجلة - الموتوسيكل 'البجاج الهندى أبو 7')
(عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
كلمة تؤدى معنى (شوية): (بعضشى - حفان - قيمة مقطف)
المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- اشرح الأبيات شرحًا مفصلا باختصار.
3- أيهما أفضل (ياقلبى) أم (يانضرى)؟ ولماذا؟
4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
5- استخرج من الأبيات مايدل على:
عشمنى بالمحبة وشعلقنى بالهوا،
حايلته حبة حبة زودها واتلوى.
زألطنى الحب زألوط، نمت فى بنها صحيت فى أسيوط.
(بصراحه اول مره اسمع زألوط ديه فممكن الغى درجات السؤال ده والى يجاوب اجيبله هديه)
♥ـــــــــــــــــــــــــ ـــــــــــــــــــــــــ ــــــــــــــــــــ♥

وسط الشوارع ناس كتيرة مروحين والناس ياقلبى هما هما وهو فين وأنا ماشية باتلفت وباسأل كل يوم بيعمل إيه دلوقتى وبيحلم بمين

أجب عن الأسئلة التالية:
*ــــــــــــــــــــــــ� �ــــــــــــــــــــــــ� �ـــــــــــــ*
1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.

مع تمنياتى لكم بالتوفيق
أ/ يــــــــــــــــــــــــ ـــــــــار
والامتحان ده درجاته من (- 22)
والطالب الى مش فاضى يجاوب مش مشكله

صحبتى كانت بعتهولى على الايميل للافاده يعنى بس شوية الشخبطه الى فى الاول طبعآ من عندى(مش حلوه اعملو نفسكم مش شايفاهها عادى وانا مش هاخد بالى) اصل ماينفعش اسيب موضوع فى حاله
(ثرثاره معلش)
وياريت اشوف اجابات حلوه
وده فى حالة دخول أحد للموضوع

يارب الموضوع يعجبكم

[Treka]

طب واللى مش بيعرف يقرأ يعمل ايه بقى ؟؟

[Rosy magic]

1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور

يا بنتي دة حتى المذاكرة كدة أسهل ،، بلاش وجع دماغ
ماشي ،، هو مين اسم النبي حارسه دا عشان المعلومات الاثرائية بردو << معلومات اه

تسلمي يا ثكر على الموضوع اللذيذ

[حبيبة]

ههههههههههههههههههههه

والله انتى عسل ياميس

[طيف عابر]

رووووووووووعه عنجد
كتير حلو وطريف يا يارا
تسلمىىىىىى هيك الامتحانات او بلاش

- استخرج من الأبيات مايدل على:
عشمنى بالمحبة وشعلقنى بالهوا،
حايلته حبة حبة زودها واتلوى.
زألطنى الحب زألوط، نمت فى بنها صحيت فى أسيوط.

[yara]

طب واللى مش بيعرف يقرأ يعمل ايه بقى ؟؟

اللى مش بيعرف يقرا مش مشكله عادى خالص ممكن الامتحان يستناه ماهى دى التكنولوبيا مش انا الميس وبعلم الامتحان يلا خد درحات الامتحان
تريكه (-20/ -22)
بس الى عاوزه اعرفه ما اخدتش الف باء فى الحضانه
شكرآ على المرور والرد الجميل
نورت التوبيك واسعدنى مرورك
جزاك الله خيرآ

[yara]

يا بنتي دة حتى المذاكرة كدة أسهل ،، بلاش وجع دماغ
ماشي ،، هو مين اسم النبي حارسه دا عشان المعلومات الاثرائية بردو << معلومات اه

تسلمي يا ثكر على الموضوع اللذيذ

هههههههههههههههههه
ماهو الامتحانات فى المستقبل هتبقى كده
اما بالنسبه لاسم النبى حارسه يابنتى ده الواد الى بيلعب كوره فى الشارع وهى بتحبه وفعلآ معلومات اثرائيه
تسلمى ياعثل على مرورك و ردك الجميل خالص ده
نورتى التوبيك ياروزى واسعدنى مرورك
جزاكى الله خيرآ

[yara]

ههههههههههههههههههههه


والله انتى عسل ياميس

ههههههههههههههههههههههههه هههههه
انتى الى عسل والله ياثكر
تسلمى ياقمر على مرورك وردك المثكر ده
بس فين الاجابات
نورتى احلى حبيبه واسعدنى مرورك
جزاكى الله خيرآ

[Serag Magdy]

هي دي الامتحانات ولا بلاش
عليا النعمة كانت العيال لبدت في المدراس لو كان كل المنهج زي كدة
بس في تعديل يا ميس

والناس فى عز البرد يجرو ويستخبو

هل الادق في المعني" يجروا يستخبوا" كما ذكرت في النص ام "يجروا يستحموا" كما ذكرت الادبية هيفاء وهبي؟
تسلمي يا جميل ع التوبيك اللي زي العسل ده

[yara]

رووووووووووعه عنجد
كتير حلو وطريف يا يارا
تسلمىىىىىى هيك الامتحانات او بلاش

طبعآ يا طيوفه هو فيه امتحانات احلى من كده ده الناس كلها هتجيب الفول والطعميه اقصد الفول مارك
تسلمى اجمل طيوفه وشكرآ يا طيوفه على مرورك وردك الجميل والمثكر
نورتى التوبيك واسعدنى مرورك كثيرآ
جزاكى الله خيرآ