لى طلب عندكم

[مصر اغلى الاوطان]

محدش يدينى طريقه قرلقيش وتكون سهله؟؟؟؟؟؟؟؟؟؟؟؟؟؟

[Treka]

مين قرلقيش ده

بيتجاب من الصيدلية ولا ايه ده ؟؟

[شمس]

الاول هو ايه القرلقيش
ومن عنيا

[مصر اغلى الاوطان]

فهمتونى غلط خالص مالص ههههههههههههه


اقصد قراقيييييييش


تسلم لى عينيك يشموسه

[ساندرا]

والله ما عرفتو ولو عرفتو كنت جبتو لحضرتك على طول
اسفه كتير

[LOLO]

يا جماعه القراقيش دة اللى هوة اسمه منين اللى بيتجاب من الفرن والمقادير ( سمنه + زيت + دقيق + شمر + ينسون + سمسم ) بس

[mona roshdi]

بسم الله الرحمن الرحيم
انا النهاردة جبت لك طريقة عمل القرقيش وولا يهمك انت تأمر
القراقيش


القراقيش- أو كما ننطقها أرا إيش- عادة نعملها في عيد الفطر مع الكحك
وهذا الصنف ممكن التغير في مقاديره حسب رغبة المتذوقين بمعنى أننا ممكن أن نزيد مثلا من السمن إذا أردنا أن تكون القراقيش ناعمة وممكن العكس إذا كنا نحبها غير ذلك
وممكن أيضا زيادة الملح قليلا بها وأيضا ممكن إضافة توابل أخرى زيادة عن ما سأذكره ولكن هنا سأكتب لكن المقادير المعتادة

المقادير
-----

1كيلو دقيق
(2\1-1) كوب سمن (375 جرام )
ملعقة صغيرة ملح
ملعقة صغيرة من كل من الأتي--> شمر , يانسون , حبة البركة
ملعقة كبيرة سمسم
ملعقة كبيرة ممسوحة خميرة فورية
ماء دافىء+ قليل من الحليب السائل للعجن (تقريبا 2\1-1 كوب)قد يزيد قليلاً

الطريقة
------

ينخل الدقيق ونخلط معه الملح ثم نعمل حفرة بسيطة بوسط الدقيق ونضع بها التوابل والسمسم



نسخن السمن يحيث لووضعناه على الدقيق نجده يفور بشرط ألا نحرق السمن أو يظهر منه الدخان
كما فعلنا مع كحك العيد
وعندما يسخن السمن نضعه على السمسم والتوابل والدقيق
ولكن نظراً لأن كمية السمن هنا أقل من الكحك فسنجد الشكل مختلف


نبس الدقيق باليد كما في الصور -إما بين راحتي اليدين أو بيد واحدة حسب الأسهل بالنسبة لكل واحدة



نضع الخميرة والماء حبة حبة ونعجن جيدا
نترك العجينة ترتاح ربع ساعة



نبدأ بتشكيلها فوق سطح أملس( رخامة أو صينية ميلامين كبيرة )
نأخذ قطعة من العجينة ونبرمها كما في الصور ثم نبططها باليد ثم نقطعها مع ميل خفيف أو حسب الرغبة
وممكن تقطيعها بالسكين أو بأدوات التقطيع المختلفة

ترص في الصواني (الصينية لاتدهن بالسمن)
وتترك لمدة ساعة تقريباً لتخمر وهذا يتوقف على نوع الخميرة المستعملة وأيضا على درجة حرارة الجو
ثم تخبز لمدة 20 دقيقة تقريبا
وأنا أضعها في الرف السفلي أولا لمدة 10 دقائق ثم الرف الأعلى 10 دقائق أخري حتى لاتحترق وفي نفس الوقت يحمر وجهها وتصبح مقرمشة





بالهنا والشفا


يارب تكون الطريقة سهلة بلنسبة لك
وعلى فكرة دى لزيزة جدا وبلهناء والشفاء
أختكم فى الله ....منى رشدى

[خوخا]

الله عليكى يامنى
راااااااااااااااائع
ماشاء الله دا انتى مدرسه والله
طب علمينى شويه حاجات كدا لحسن اختك خيبه اوووى

[mona roshdi]

حبيبتى خوخا اللى انت عاوزاة اطلبية منى وانا انفزة
انا عموما عاملة مفاجأة حلوة علشان السفرة اول يوم فى رمضان تكون حلوة ومتزوقة وممكن تبقى تستفيدى منها
شوية ديكورات فى الاكل على السفرة تفتح النفس
ان شاء الله انزل من بكرة كل يوم حاجة
وبرضة اى حاجة اامرينى ياقمر

[مصر اغلى الاوطان]

منمن حبيبه قلبى والله انت سكره وبنت حلال ربنا ميحرمنيش منك ابدا

مرسى اوى على زوقك يحببتى