الى اين يا مصر؟

[white_rock]

بداية السلام عليكم ورحمة الله وبركاته يا منتدانا الجميل مصراوي كافيه
ثانيا في حاجات كتير جدا نفسي اتكلم فيها بس مش حابب اني اطول على احبائي واصدقائي في المنتدى الجميل دا
من اصعب الاشياء اللتي حرمها الله تبارك وتعالى بين عباده الظلم ففي الحديث القدسي (يا عبادي اني حرمت الظلم على نفسي وجعلته بينكم محرما)
في الآونة الاخيرة كلنا تابعنا بشغف ولهفة محاكمة المخلوع مبارك
طبعا انا واحد من الناس اللي بكن للراجل دا عداوة شديدة جدا مش لشخصه لكن لانه ساب البلد تضيع من كل ناحية
انت يا مصري برة بلدك ملكش تمن ولا قيمة
طب جوة بلدك كان عنده سياسة غريبة شوية لتحديد النسل وطبعا من ضمن السياسات دي اللي شاركته فيها سوزان مبارك مراته ذات الاصول الانجليزية خد الوسائل
1- مبيدات مسرطنة على يد يوسف والي واعوانه بتوع اسرائيل
2-عبارات بتغرق واصحابها يهربوا برة ومش كده وبس اتحجج بان الظروف الجوية لا تسمح بارسال حتى ولو طائة هليوكوبتر ترمي اطواق نجاة
3-قطارات الموت اللي بتتحرق ومحدش بيتحاسب فيها غير السواق والكمثري وطبعا الاعلانات الشهيرة اللي كانت بتستفز مشاعرنا كلنا ان احنا اللي بنخرب القطر من جوة الكراسي ويقولك المصري اللي على حق يقول الغلط لا
4- هجرة غير شرعية ما هو يا حرام الشباب مش لاقي شغل نظيف وشريف في البلد من غير واسطة ومحسوبية او رشوة
5- نتيجة عدم وجود العمل او توافر فرص العمل بدا شباب الجامعات يتجهوا لاتجاه من تلاته (زواج عرفي او تطرف ديني او صياعه) الزواج العرفي كلنا عارفين انه شغال اليومين دول مش في الجامعات بس لا وفي المدارس الاعدادي وحياتكم اما التطرف الديني فامن الدولة يقوم بالواجب على اتم وجه اول ما الشاب من دول يروح يصلي في اي مسجد تلات او اربع ايام كده بانتظام يتعمل له ملف شامل وكامل في امن الدوله غير البهدلة اللي بيبهدلوها لاهله نفر نفر الصياعه اللي هو على راي احمد مكي في فلم عادل امام بوبوس مأنتمين مع بعض وما ادراك ما يحدث من وراء الانتمة
6-بسبب ما سبق اصبح عندنا معدلات مرعبة في الحمل السفاح والاغتصاب وما شابه وطبعا النتيجة هتكون جيل جديد طالع لا قيم ولا اخلاق ولا دين ولا انتماء جيل كل همه ياكل ويشرب ومعلش في الكلمة يعاشر وبس!
7- معونات بتتبعت على الفاضية والمليانه لدول ما تستاهلش ومع احترامي الشديد احنا عندنا ناس عايشين في الترب لحد يومنا دا هما اولى من اي دولة تانية زي فلسطين مثلا مع العلم ان متوسط دخل العاطل في فلسطين 350:400 دولار امريكي شهريا
8- فساد السياسة والحياة السياسية تزاوج المال مع السلطة وخلفوا واحد زي احمد عز اللي محدش يعرف هو جه منين اصلا وكلنا تقريبا عرفنا حكايته بعد كده

اخيرا مصر تاخرت اوي وكتيييييييير جدا عن دول عربية احنا اصحاب فضل عليهم في تعمير بلادهم زي السعودية والخليج فهل آن الاوان لمصر ان تتقدم وتصبح مصر الحرة بحق بعد الثورة؟
هل يا ترى قيمة الانسان المصري هتغلى ونحس اننا بقينا قوة لا يستهان بيها ؟
كل دا هنعرفه في الايام القليلة اللي جاية
اسف اني طولت عليكم
اترككم في حفظ الله وامنه

[نور نور]

ان شاء الله خير

[مصراوي كافيه]

و عليكم السلام و رحمة الله ..

بص يا استاذ وايت ..

مستحيل بأي شكل و بأي حال من الأحوال يكون في اسوأ من اللي كنا فيه ..

المنطق بيقول كده ..

بالعقل , البني آدم اللي كان بيتأخر في الجامع نص ساعة بيطلع على أمن الدولة وش ..

في مقابل , إن الظابط اللي كان بيمسك حد بحشيش , بياخد منه سجارتين و يقوله اتفضل ..

في إيه اسوأ من كده ؟؟؟

بإختصار شديد ..

تفائلوا بالخير تجدوه ..

[ELHAMY SHAKER]

الـــــــــي الــــــــبدايـــــة والــــــــبدايـــــة هي التـــــغيـــر و التـــــغيـــر هي الجنة والجنة هي 80 مليون مصري بيحبها