ادخل وقول رأيك بسرعة

[كوكا]

السلام عليكم ورحمة الله وبركاته
اخواني انا عاوزة اعرف رأيكو في موضوع مهم جدا
هو موضوع الحريق الي حصل اول امبارح في مبني مجلس الشوري
هل زي مانا بقول انه اكبر دليل علي الاهمال والفساد الاخلاقي الي وصلناله هذه الايام؟!
ولا زي ماما بتقول ده قضاء وقدر؟
انا بس عاوزة اعرف ازاي مبني في الاهمية دي ميكونش فيه تأمين حريق مناسب زي مابنشوف في الأماكن المحترمة برة وكمان المولات والفنادق الكبيرة جوة مصرفيها الحاجات دي والمصيبة الاكبر رد فعل الباشا رئيس المجلس الموقر انه حصل خير والي انكسر يتصلح.
وهوكله من دم الغلابة زي ما قال بابا الريس انه هيترمم علي نفقة الشعب الغلبان بالأوي من غير ما يفكرو انهم يقدمولنا المقصر ويعاقبوه ولا كأننا موجودين واهو ادينا عايشين ومش عايشين والله يصبحك بالخير ياسي عمرو لما بتقول انا عايش ومش عايش وشايف ومش شايف وسامع ومش سامع يلا بقي هنعمل ايه ده قدرنا ودي بلدنا وربنا يعديها علي خير

[احمد حسين]

ممكن يكون تهديد
مضمونه نحن نستطيع احراق المجلس بدون الاعضاء ومن الممكن جدا حرقه بالاعضاء

[Essam Net]

مش عارف والله يا كوكا بس هما قالوا ان دا ماس كهربائي
وطبعا المبني يعتبر مبني اثري وكان التلتين خشب ودا اللى خلي عملية الاضفاء صعبه شويه
بس انا سمعت الباشا رئيس المجلس الموقر قال .. اللي اتحرق هيترممم ويعاد بناءه علي اكمل وجه
وقال كمان حاجه حلوه ما ننساهاش .. قال ان الاهم ان الحريق ما يوصلش للمساكن المجاوره وهذا ما نخشاه

ودا اللى عجبني بصراحه ..
وبعدين يا كوكا ما احنا من زمان واحنا بيتمص فى دمنا مجتش علي حتة مجلس يعنى ههههههههههه

[خاطر]

ممكن يبقى قضاء وقدر زى مقالت ماما
والله اعلم

[bebo]

دى مصر وتحيا مصر
لازم تحصل مصيبه للتحرك
والحكايه مش المجلس دى فى حاجات تانيه كتييييييييير

[خوخا]

والله انا مش متابعة الموضوع اوى
بس اللى زعلنى جدا
ازاى مبنى بالاهميه دى ما يكونش فى معدات لايقاف الحريق
اللى أقدر ااقوله

ربنا يهدى ويصلح الحال

[Mr.Karsa]

واقول رأيي بسرعه ليه؟

الموضوع هيجري؟

بصي يا كوكا هانم هو كل شئ قضاء وقدر وكل حاجه

واللي حصل ده قضاء وقدر ومصيبه في نفس الوقت

قدر ربنا انه يولع

بس المصيبه انهم يبحقوه قبل ما يتهد على اللي فيه للاسف

كنا استريحنا

اكيد طبعا اهمال

انا بس عاوزة اعرف ازاي مبني في الاهمية دي ميكونش فيه تأمين حريق مناسب زي مابنشوف في الأماكن المحترمة برة

الجواب بسيط جدا

لان ده مكان مش محترم

الاهمال عندنا في مصر سمه من سمات التعامل اليومي

تسلمي على الموضوع

..................

[كوكا]

شكراااااااااااااااااااااا ااااااااااااااااااااا يا شاب علي مروركو
وانا بجد فرحانة بارائكو ولو اني حاسة ان فيها بعض من التشاؤم
وعندك حق يا اخ كارثة فعلا الاهمال بقي سمة من سمات التعامل اليومي
وده الي بيقلقني بجد
ولو اني بحلم بيوم تكون فيه مصر اجمل بلد في الدنيا لأنها بجد تستاهل تكون كدة

[rana72000]

السلام عليكم ورحمة الله وبركاته
اخواني انا عاوزة اعرف رأيكو في موضوع مهم جدا
هو موضوع الحريق الي حصل اول امبارح في مبني مجلس الشوري
هل زي مانا بقول انه اكبر دليل علي الاهمال والفساد الاخلاقي الي وصلناله هذه الايام؟!
ولا زي ماما بتقول ده قضاء وقدر؟
انا بس عاوزة اعرف ازاي مبني في الاهمية دي ميكونش فيه تأمين حريق مناسب زي مابنشوف في الأماكن المحترمة برة وكمان المولات والفنادق الكبيرة جوة مصرفيها الحاجات دي والمصيبة الاكبر رد فعل الباشا رئيس المجلس الموقر انه حصل خير والي انكسر يتصلح.
وهوكله من دم الغلابة زي ما قال بابا الريس انه هيترمم علي نفقة الشعب الغلبان بالأوي من غير ما يفكرو انهم يقدمولنا المقصر ويعاقبوه ولا كأننا موجودين واهو ادينا عايشين ومش عايشين والله يصبحك بالخير ياسي عمرو لما بتقول انا عايش ومش عايش وشايف ومش شايف وسامع ومش سامع يلا بقي هنعمل ايه ده قدرنا ودي بلدنا وربنا يعديها علي خير

ممكن يبقي قضاء وقدر
بس مش عارفه لو هو مش قضاء وقدر امال هو ايه

[rana72000]

والله انا مش متابعة الموضوع اوى
بس اللى زعلنى جدا
ازاى مبنى بالاهميه دى ما يكونش فى معدات لايقاف الحريق
اللى أقدر ااقوله

ربنا يهدى ويصلح الحال