دورة نظام البيع المباشر والتجارة المنزلية...قريبا

[شمس الأصيل]

السلام عليكم ورحمة الله وبركاته
والصلاة والسلام على سيد البشرية محمد وعلى آله وصحبه وكافة الأنبياء والتابعين باحسان الى يوم الدين

في البداية خلينا فاكرين
ان العمل عبادة
ورمضان شهر العبادة
مش كفاية قيام الليل
لكن لازم احياء نهار الصائم بالعمل
نهار الصائم عمل+قيام ليل
بنية خالصة لوجه الله
فليس لها جزاء عند الله عزوجل الا الجنة
كل رمضان وعملنا لوجه الله خالصا مرفوع مقبول بفضل الله

في القريب هبدأ دورة متكاملة عن شئ جديد
يمكن بعضنا سمع عنه لكن بالتأكيد مش عارف عنه الا أشياء قليلة جدا
في حين انه غزا الغرب وبدأ من سنوات قليلة يغزوبلادنا
والغريب ان الغرب استغلنا وكسب من ورانا أموال طائلة واحنا مش فاهمين حاجة
الأغرب ان القاعدة اللي بيرتكز عليها في متناول أي انسان ومن خلالها ممكن يحقق نجاح وثروة في وقت قليل جدا
تناسب كل الأعمار وتناسب كل الفئات
حدوته كبيرة جدا
كتير من أهل مصر شارك فيها لكن للأسف مش على أساس علمي
وبالتالي ماوصلش لشئ
كل حاجة بتوصلنا من الغرب بنستفيد منها كويس جدا لكن للأسف
أول حاجة بنرميها هي الكتالوج
بنعرف بتشتغل ازاي لكن ما نحاولش نفكر
اللي عملها ده عملها ازاي وليه ووازاي أنا أستفيد من كل الجوانب
مش من جانب المستهلك بس ليه ما أكونش أنا الرابح الأول والأخير
عامة هنبدأ واللي عايز يعرف ويفهم ويتعلم
يشارك معايا
اتعلم معايا ازاي تبني تفكيرك ومستقبلك
وتوظف النت اللي بتستخدمه لساعات طويلة من غير أي استفادة حقيقية
توظف امكانياتك ومن غير ما تحتاج أشياء فوق طاقاتك

دورة نظام البيع المباشر والتجارة المنزلية

هنبدأ الأول
بدراسة مفهوم الفكر الغربي
يعني ايه بيع مباشر
وأصل الفكرة جه منين
واللي عمله عمله ازاي
وياترى كام شركة بتشتغل بالأسلوب ده
وايه هي
البداية
لازم نعرف أصل الحكاية

[yara]

شكرآ استاذه شمس على فكرة التوبيك الجميله
وفعلآ هو ده الى بيحصل انو احنا اما نرمى الكتالوج او نحتفظ به دون قراءته

أول حاجة بنرميها هي الكتالوج
بنعرف بتشتغل ازاي لكن ما نحاولش نفكر
اللي عملها ده عملها ازاي وليه ووازاي أنا أستفيد من كل الجوانب
مش من جانب المستهلك بس ليه ما أكونش أنا الرابح الأول والأخير
عامة هنبدأ واللي عايز يعرف ويفهم ويتعلم

جزاك الله خيرآ
ومنتظرين البدايه وان شاء الله بشارك ان كان فى العمر بقيه

[أحمد عمر]

ف الانتظار ان شاء الله

[همسة ولاء]

اتعلم معايا ازاي تبني تفكيرك ومستقبلك
وتوظف النت اللي بتستخدمه لساعات طويلة من غير أي استفادة حقيقية
توظف امكانياتك ومن غير ما تحتاج أشياء فوق طاقاتك
فكرة حلوة جدا

اكيد اننا معك
والف حمد الله على سلامتك ونورتي المنتدى من تاني
ومستنيينك

[حبيبة]

أكيد طبعا معاكى
بس انتى قولي لنا دورنا وان شاء الله هننفذه

[خاطر]

منتظرين منك البدايه ان شاء الله
وجزاك الله كل خير
تسلم الايادى
شمس

[شمس الأصيل]

ان شاء الله في أقرب وقت هنبدأ
مع بعض نتعلم يعني ايه نظام البيع المباشر أو البيع الشبكي
وهتلاقوا مفاجآت كبيرة جاية
وساعتها كل واحد هيكون له دور فعال جدا ان شاء الله
بس الموضوع محتاج في البداية انكم تقرأوا بس
ولوعلى سبيل المعرفة المبدأية وبعدين هتقرروا مستقبلكم هيبدأ منين

[Treka]

بجد تسلم ايديكى يا شمس

وربنا معانا ومعاكى

وبالتوفيق

وفى الانتظار ان شاء الله

[احمد حسين]

ف الانتظار ان شاء الله

[mona roshdi]

الاخت الفاضلة شمس--وصلتنى دعوتك واشكرك كثيرا وانا على اتم الاستعداد للمشاركة ف الموضوع وسوف ابدأ بمعلوماتى كما اعرفها عن نظام البيع المباشر او البيع الشبكى ويتلخص فى الاتى
تسويق منتجاتها ورغم تواجد هذا النوع من قديم الازل فى العديد من البلاد كما ذكرنا سابقا الا انه مازال جديد ا وغامضا وبل مشكوك في مدى مصداقيته احيانا لدى بعض الفئات
ويرجع هذا الى اسباب عده اذكر منها: عدم معرفة العاملين بشركات البيع المباشر بتفاصيل نظام شركاتهم على الوجه الاكمل مما يترتب عليه عدم المقدره على نشرالوعى اللازم لهذه الصناعه

ايضا استغلال بعض الشركات لهذه الصناعه التسويقيه استغلال سئ بنشرها منتجات غير لائقه او تأخذ من التسويق الشبكى او البيع المباشر مجرد وسيلة للنصب وكسب الربح

والعديد من الاسباب الاخرى التى ادت الى قلة الثقه فى مثل هذا النوع من التسويق